San Juan 12:13 - Mixteco Metlatónoc

¹³ ra saa kee na, ra xaꞌndia na ñuu ndaꞌa itun ñuu, ra ndixaꞌan na ndakiꞌin na Jesús, ra iin siso, siso ndaꞌyu na kachi na saa: ―¡Ra kaꞌnu kuvi Ndioxi! ¡Ra ra kaꞌnu kuu tu ra tiꞌvi va ra! ¡Kaꞌnu ni ra tiꞌvi ra, saa chin Rey na ñuu Israel kuvi ra! ―kachi na.

San Juan 12:13 Iomraidhean Croise

San Mateo 23:39

ra kuni yu ña na kundaa ini ndo, chi vichin, ra küni yachi ka ndo yuꞌu, chi ndia te na xaa kii, ña kaꞌan na ñuu yoꞌo xiꞌin yu kachi na saa: “¡Kaꞌnu ni ra xaa sakaku yoo xiꞌin kivi Tata yo Ndioxi ra iyoo ndivi!”, kachi na, ra ndia saa vi ke kuni ndo yuꞌu ―*kachi Jesús xiꞌin na.

San Mateo 27:42

―Kuchuun va ra sakaku ra inka yuvi, ra kuchüun tu ra sakaku ra mii ra ―kachi ndia. Ra saa kaꞌan ka ndia kachi ndia saa: ―Tu ndixa Rey na Israel kuvi ra, ra na sanuu ra mii ra ndaꞌa cruz vichin, ra saa ke kandixa yo ra.

San Juan 1:49

Ra saa ndikaꞌan ra Natanael kachi ra saa xiꞌin Jesús: ―Maestro, yoꞌo kuvi ndixa va ra kuu Seꞌe Ndioxi, ra yoꞌo kuvi tu ra kuu Rey na ñuu Israel va ―kachi ra xiꞌin ra.

San Juan 12:14

Ra saa taxi na iin burru loꞌo ndaꞌa Jesús ra nandaa ra sata ri. Ra suꞌva va ke kuu ña vaꞌa ndixinu nuu tuꞌun Ndioxi, ña ndikaꞌyu xinaꞌa, ña kachi suꞌva:

San Juan 12:15

Kuayüꞌvi ndoꞌo, na ñuu Jerusalén; na kundaa ini ndo, chi xa vaxi va ra kuu rey ndo, ra yoso ra iin burru loꞌo vaxi ra, ^kachi ña.

San Juan 19:15

Ndi su ndia kan ra ndia ndiee ka ndaꞌyu va kuvi ndia, kachi ndia saa: ―¡Tava ra! ¡Tava ra! Na kuꞌun ra kutakaa ra ndaꞌa cruz ―kachi ndia. Ra saa ndikaꞌan ra Pilato xiꞌin ndia, kachi ra saa: ―¿A kuni ndo, ña katakaa yu ra kuu rey ndo ndaꞌa cruz? ―*kachi ra. Ra saa ndakuiin ndia kunaꞌnu nuu ndia sutu kan, kachi ndia saa: ―Nduꞌu, ra köo inka rey nuu ndi, chi xa iyoo va ra César ―*kachi ndia.

Apocalipsis 15:3

Ra ^xita na yaa xaa ña xita ra Moisés ra xachiñu nuu Ndioxi, ña ndasakaꞌnu na ra kuu ndikachi loꞌo, ra kachi na saa xita na: Kuaꞌa ni ña nduvi, xiꞌin ña ndichi xavaꞌa kun Tata Ndioxi, ra kuu mii takundiꞌi ndiee, ra chiñu ña xa kun, ra ña ndaa ni va kuvi ña, ra ndaku ni iyoo ña, ra yoꞌo kuvi rey ra xaꞌndia chiñu nuu takundiꞌi na yii.

Apocalipsis 19:16

Ra nuu tikoto ña ^ndixi ra, xiꞌin siꞌin ra ke ndikaꞌyu tuꞌun ña kaꞌan kachi saa: “Rey ra kuchee nuu takundiꞌi na kuu rey kuvi ra, Ra kuu tu ra Iva takundiꞌi na kunaꞌnu va”, ^kachi ña.

Apocalipsis 7:9

Te ndiꞌi kuu ña yoꞌo, ra saa ndakotoꞌni yu, ra xini yu kuaꞌa ni yuvi, ra nii köo kundiee kaꞌvi na chi kuaꞌa ni kuvi na, ra iin ni kuvi ña yuuvi ke kee na, ra takundiꞌi nuu yuvi kuvi na, xiꞌin na kee takundiꞌi ñuu, xiꞌin na kaꞌan ndia ndia ka nuu tuꞌun, ra ^ndita na nuu íin tiayu kaꞌnu, xiꞌin nuu íin ra kuu ndikachi loꞌo, ra ^ndixi na tikoto yaa, ra ^niꞌi na ñu̱u̱.