San Juan 11:24 - Mixteco Metlatónoc

²⁴ Ra saa ndakuiin ña Marta kachi ña saa: ―Xa kundaa va ini yu, chi ndatiaku va ra te na xaa kii ña ndatiaku na ndii kii ña vaxi ―kachi ña xiꞌin Jesús.

San Juan 11:24 Iomraidhean Croise

San Lucas 14:14

Saa ra vaꞌa ni kee kun. Saa chi na kan, ra küvi sandiko na ña ndaꞌa kun, ndi su vaꞌa ni va kee kun ta xa na ndatiaku na ndikun Ndioxi ―kachi Jesús xiꞌin ra.

San Juan 11:23

Ra saa ndikaꞌan Jesús xiꞌin ña kachi ra saa: ―Ra kuꞌva kun, ra ndatiaku tuku va ra ―kachi ra.

San Juan 6:39

Ra chiñu ña kuni Tata yu Ndioxi ra tiꞌvi yuꞌu vaxi yu ke na sandoñüꞌu yu ndia nii yuvi na taxi ra ndaꞌa yu, chi ña kuni ra kan ke na sandatiaku yu na kii ña vaxi va.

San Juan 6:40

Ra ña kuni ra tiꞌvi yuꞌu vaxi yu ke: na ndoñüꞌu takundiꞌi yuvi na xitoꞌni nuu yu ra kandixa na yuꞌu, ra na kan kuvi na kutiaku ndia ndikaa ndikuꞌun; ra yuꞌu kuvi ra sandatiaku ñaꞌa kii ña vaxi ―kachi ra.

Hechos 24:15

Ra mii ña ndiaa ini ndia judío taꞌan yu yoꞌo ke ndiaa ini tu yuꞌu va, saa chi kandixa va yu ña sandatiaku Ndioxi na ndii, ra nii na vaꞌa kuvi na, ra nii na väꞌa kuvi va na chi sandatiaku va na sa ra.

Hebreos 11:35

Ra xaꞌa ña xindiaa ini sava na siꞌi Tata yo Ndioxi kuvi tu ña vaꞌa ni xa ndixiꞌi va na taꞌan na, ndi su ndatiaku va na. Ra xaꞌa ña xindiaa tu ini sava na Tata yo Ndioxi kuvi ña ndixïin vi na ña ndakoo na ña ndikun na Tata yo Ndioxi, ña vaꞌa na ^saña ndika na chiñu na, ra sandöꞌo ka na na. Chi ña xa na ke ndataxi va na mii na ña ndixiꞌi na, saa chi xa kundaa va ini na ña ndatiaku tuku va na, ra kuꞌun na koo na iin nuu vaꞌa ni.