San Juan 11:21 - Mixteco Metlatónoc

²¹ Ra saa ndikaꞌan ña Marta xiꞌin Jesús, kachi ña saa: ―Tata, tu ndixiin kun yoꞌo, saa ra küvi vi kuꞌva yu.

San Juan 11:21 Iomraidhean Croise

San Mateo 9:18

Ra sakan saa kuu Jesús ndatuꞌun ra xiꞌin na ndichi ra, ra tuꞌva ndixaa va iin ra kuchee nuu na Judío, ra nani Jairo, ra xikusiti ra nuu Jesús ra ndikaꞌan ra xiꞌin ra, kachi ra saa: ―Tata, ña sakan ndixiꞌi va kuvi ña loꞌo seꞌe yu, ndi su tu na kuꞌun kun xiꞌin yu, ra chinduꞌu kun ndaꞌa kun sata ña, saa ra ndatiaku va ña ―kachi ra xiꞌin Jesús.

San Juan 11:2

Ra ña María, kuvi ña kosondiee ndutia xaꞌan tami xaꞌa Jesús, ra ndakuꞌva ña ña xiꞌin ixi xini ña.

San Juan 11:3

Ra saa tiꞌvi na siꞌi kuꞌva ra Lázaro kan, chiñu kuaꞌan ña nuu Jesús, ra kachi na saa: ―Tata, ndiee na kuii ndoꞌo ra itaꞌan xiꞌin kun, ra nani Lázaro ―kachi na.

San Juan 11:32

Ra saa te ndixaa ña María nuu íin Jesús, ra saa ndakutoꞌni ña nuu ra, ra ndakusiti ña xaꞌa ra, ra ndikaꞌan ña xiꞌin ra kachi ña saa: ―Tata, tu yoꞌo ndixiin kun, saa ra küvi vi kuꞌva yu ―kachi ña.

San Juan 11:37

Ra sava tu na kaꞌan kachi saa: ―Ra yoꞌo, ra vaꞌa va sandaꞌa ra nuu na kuaa, ¿ra a väꞌa saa ndixa ra, ña täxi kuvi ra Lázaro? ―kachi na.