San Juan 11:16 - Mixteco Metlatónoc

¹⁶ Ra saa ndikaꞌan iin ra nani Tomás, ra kaꞌan na kuu kuati kachi ra saa, xiꞌin ndia sava ndia itaꞌan xiꞌin Jesús: ―Naꞌa ndo, ra na kuꞌun yo kuvi yo xiꞌin va ra ―*kachi ra.

San Juan 11:16 Iomraidhean Croise

San Mateo 10:3

Ra iin ra nani Felipe, iin ra nani Bartolomé, iin ra nani Tomás, iin ra nani Mateo, ra kaya xuꞌun ndaꞌa na ñuu ña kuaꞌan ndaꞌa Gobierno ñuu Roma; iin ra nani Jacobo, seꞌe ra Alfeo, iin ra nani Lebeo, ra kaꞌan tu na ña nani ra Tadeo va.

San Mateo 26:35

Ra saa ndakuiin tuku ra Pedro kachi ra saa: ―Vaꞌa ni na kuvi va yu xiꞌin kun, Tata, ndi su tisëꞌe tuꞌun mii vi yu xaꞌa kun ―kachi ra xiꞌin Jesús. Ra iin saa kachi takundiꞌi tu ndia sava kan va.

San Marcos 3:18

ra iin ra nani Andrés, iin ra nani Felipe, iin ra nani Bartolomé, iin ra nani Mateo, iin ra nani Tomás, iin ra nani Jacobo, ra seꞌe ra Alfeo; iin ra nani Tadeo, iin ra nani Simón ra ndixika xiꞌin na partido Cananista,

San Lucas 22:33

Saa ndakuiin ra Simón, kachi ra saa xiꞌin ra: ―Tata, yuꞌu ra xa iyoo nduvi va yu, nii veꞌe kàà na kuꞌun yu xiꞌin va kun, ra nii na kuvi tu yu xiꞌin va kun chi nandïko ini yu ―kachi ra.

San Lucas 6:15

inka ra nani Mateo, iin ra nani Tomás, inka ra nani Jacobo seꞌe ra Alfeo, iin ra nani Simón ra xindikaa xiꞌin partido ña nani Zelote,

San Juan 11:15

Ra kusii ni ini yu ña ndixïyo yu xiꞌin ra, ra saa ke vaꞌa na kuni ndoꞌo, ra kandixa vaꞌa ka ndo yuꞌu, ra naꞌa ndo, ra na kuꞌun yo kuni yo ra ―kachi Jesús xiꞌin ndia.

San Juan 11:8

Ra saa ndikaꞌan ndia xiꞌin ra kachi ndia saa: ―Tata Maestro, sakan ndiaꞌvi kii va ke kuni na judío na ndee kan kaꞌni na yoꞌo xiꞌin yuu, ¿ra a tuku va ichi kuni kuꞌun kun? ―kachi ndia.

San Juan 13:37

Ra saa ndikaꞌan ra Pedro xiꞌin ra kachi ra saa: ―Tata, ¿nichuun ke küvi kuꞌun yu xiꞌin kun vichin? Chi yuꞌu, ra xa iyoo nduvi va yu ña kuvi yu xaꞌa kun ―kachi ra.

San Juan 14:5

Saa ndikaꞌan ra Tomás, xiꞌin Jesús kachi ra saa: ―Tata, xïni ndi ndia chi ku nuu kuꞌun kun; ¿ra ni ke sa ndi kundaa ini ndi ndia mii kuu ichi? ―kachi ra.

San Juan 21:2

ra saa kuu ra Simón Pedro, nduꞌu ra xiꞌin ra Tomás, ra kaꞌan na kuu kuati, xiꞌin ra Natanael, ra ñuu Caná ña ndikun ndiaa chi Galilea, xiꞌin ndia seꞌe ra Zebedeo, xiꞌin inka uvi ndia xitaꞌan xiꞌin Jesús.

Hechos 1:13

Ra te ndaxàà ndia ñuu Jerusalén, ra saa ndindiꞌvi ndia iin veꞌe toto ña sukun, ra veꞌe chi ninu ke xindokoo ndia ndakundee ndia. Saa chi ikan ku nu xikanduꞌu ra Pedro, xiꞌin ra Jacobo, xiꞌin ra Juan, xiꞌin ra Andrés, xiꞌin ra Felipe, xiꞌin ra Tomás, xiꞌin ra Bartolomé, xiꞌin ra Mateo, xiꞌin ra Jacobo seꞌe ra Alfeo, xiꞌin ra Simón ra xitaꞌan xiꞌin na yuvi xika kuachi xiꞌin gobierno, xiꞌin ra Judas seꞌe inka tiaa ra xinani Jacobo.