San Juan 10:4 - Mixteco Metlatónoc

⁴ Ra te ndiꞌi tava ra takundiꞌi ndikachi vali sana ra chi keꞌe, saa ra ndakunuu ra nuu ri kuaꞌan va ra, ra vaꞌa ka vi ndakundikun ri sata ra kuaꞌan ri, saa chi xini va ri tachi ra kuu ixtoꞌo ri.

San Juan 10:4 Iomraidhean Croise

San Mateo 16:24

Ra saa ndikaꞌan Jesús xiꞌin ndia itaꞌan xiꞌin ra kachi ra saa: ―Tu ndia ndo kuni kundikun yuꞌu, ra xiniñuꞌu ^kaꞌndia ini ndo xaꞌa mii ndo, ra ndakasoko ndo cruz ndo ra kundikun ndo yuꞌu.

San Juan 10:16

Ra iyoo ka va ndikachi vali sana yu, ri köo ñuꞌu korra yoꞌo, ra xiniñuꞌu kuꞌun yu ndakiꞌin tu yu ri kan va, ra kandixa va ri yuꞌu, ra ndakutaꞌan ri xiꞌin ri xa ñuꞌu korra, ra iin nduu va ri, ra iin kuu tu paxto, ra kondiaa va ri.

San Juan 10:27

Ra ndikachi vali sana yu, ra xini va soꞌo ri ña kaꞌan yu xiꞌin ri, ra xini tu mii va yu ri, ra ndikun tu ri yuꞌu va.

San Juan 10:3

Ra te ^ndakuña ra ndiaa yeꞌe korra kan, ña ^kiꞌvi ra ndixa kuu paxto ra ndiaa ri, saa ra ndikun ndakuni va ndikachi vali sana ra tachi ra, ra saa xaꞌa ra kaꞌan ra kivi ta iin ta iin ri, ra saa kee ri korra kan kuaꞌan va ri.

San Juan 10:5

Ndi su iin tiaa ra xïni ri, ra ndïkun tu mii vi ri sata ra kan, chi ri xinu ka va kuvi ri nuu ra, saa chi xïni ri tachi ra.

San Juan 10:8

Ra takundiꞌi na xinuu kixi ta yachi nuu yuꞌu, ra na kuiꞌna va xikuu na kan, ña kan ke nditiäa soꞌo vi ndikachi vali tachi na.

San Juan 12:26

Ra tu ndia na xiin sachiñu ndaꞌvi nuu yu, ra xiniñuꞌu na kundikun na yuꞌu va, ra nuu koo yu ke koo tu na xachiñu ndaꞌvi nuu va yu, ra ndia ndia ka na ^xachiñu ndaꞌvi nuu yu, ra satoꞌo va Tata yu na.

San Juan 13:15

Ra ña yoꞌo ke ^xa yu ña sakuaꞌa yu ndoꞌo, ra ta kuꞌva xa yu xi̱nì ndo ke na sa tu ndoꞌo va.

San Juan 18:37

Ra saa ndikaꞌan ra Pilato xiꞌin Jesús, kachi ra saa: ―¿Saa ra, rey kuvi ndixa va kun? ―*kachi ra. Ra saa ndakuiin Jesús, kachi ra saa xiꞌin ra: ―Xa mii kun ndikaꞌan ña kuu yu rey va. Ra xaꞌa ña yoꞌo ke kaku va yu, ra xaꞌa ña yoꞌo ke, xaa tu yu ña yuuvi yoꞌo va, ña vaꞌa na kaꞌan yu xaꞌa ña ndaa xiꞌin na yuuvi. Ra takundiꞌi na kandixa ña ndaa, ra kandixa tu na tuꞌun ña ^kaꞌan yu xiꞌin va na ―*kachi ra.

San Juan 3:29

Ra na kundaa ini ndo, chi ta ^kuu nuu iyoo viko tandaꞌa, ra ra íin xiꞌin ñaꞌa ña tandaꞌa kan va kuvi ra kuu yii ña, ndi su ra itaꞌan xiꞌin ra kuu yii ñaꞌa kan, ra nduꞌu yachin xitia ra, ra te xini soꞌo ra ña kaꞌan ra tandaꞌa kan saa ra tiaa ni va kusii ini ra xiꞌin ra; ra mii saa ke ndoꞌo tu yuꞌu va vichin, saa chi xa xiꞌin va yo íin ra xaa sakaku yoo, ña kan ke kusii ni ini yu.

1 Corintios 11:1

Ra na sa ndo ña ^xa yu, saa chi ña xa Cristo va ke ^xa yu.

Efesios 5:1

Vichin, ra xa seꞌe Ndioxi va kuvi ndo, ra kuꞌvi ni tu ini ra xini ra ndoꞌo va, ra xaꞌa ña kan ke, na sa nduxa ndo ña sa ndo ta kuꞌva xa mii va ra.

Hebreos 12:2

Ra indaa xaꞌa Tata yo Jesucristo va ke ndinuni ni na kundiꞌi ini yo, saa chi xaꞌa ña xa mii va ra kuvi ña vaꞌa ndiaa ini yo ra, ra mii ra kuvi tu ra taxi ndiee yo ña vaꞌa kondiaa ini yo ra ndia kii ndiꞌi va. Ra xaꞌa ña sii, xiꞌin ña nduvi ni iyoo ndivi va kuvi ña xiin va Tata yo Jesucristo ndoꞌo ra takundiꞌi ña kaꞌan nuu ña ndixiꞌi ra ndika cruz, ra te ndiꞌi saa ndakunduꞌu ra xiꞌin kuaꞌa nuu iin tiayu kaꞌnu nduꞌu Tata yo Ndioxi.

Hebreos 6:20

Ra nuu yii kan kuvi ña ndikiꞌvi Tata yo Jesucristo, ña vaꞌa na chindiee taꞌan ra xiꞌin yo. Ra Tata yo Jesucristo kuvi ra kuu sutu ra kuchee ndia ndixaa kii ndia ndixaa tiempo va, ra ta kuꞌva ndixiyo sutu ra kuchee, ra xinani Melquisedec kuvi ña iyoo ra.

1 San Pedro 2:21

Ra tu ^sandoꞌo siki na ndoꞌo, ra na ndakaꞌan ndo, chi mii va Tata yo Ndioxi kuvi ra ndikaꞌan ña xiniñuꞌu sakuaꞌa ndo ña sa ndiee ini ndo te ndoꞌo ndo. Ra mii saa kuvi tu ña xa Tata yo Jesucristo va ña xiin ra ndoꞌo ra xaꞌa yo, ra xaꞌa ña kan ke na sa yo ta kuꞌva xa ra kan va.

1 San Pedro 4:1

Ra xaꞌa ña xiin Tata yo Jesucristo nditaxin iki kuñu ra, kuvi ña xiniñuꞌu na sa tu ndoꞌo ta kuꞌva xa ra kan va, ña koo nduvi ndo ndoꞌo ndo. Ra tu xiin ndo ña ndoꞌo ndo, saa ra kuni kachi ña saa xa ndakoo va ndo ña xa ndo chiñu kiꞌvi,

1 San Pedro 5:3

Ra na yäꞌa xini ndo ña nduu ndo ta kuꞌva iyoo xitoꞌo na xiꞌin ndiayu ña kuu mii ndo, chi ña xiniñuꞌu ^sa ndo ke na ^sa ndo chiñu vaꞌa va nuu na, ra sakuaꞌa na ña sa na ña.