San Juan 10:12 - Mixteco Metlatónoc

¹² Ndi su iin tiaa ra kiꞌin xuꞌun, ña ndiaa tatu ra ndikachi vali, ra te xini ra vaxi ndivaꞌyu, saa ra ndakoo ndaꞌa va ra ri, ra xinu ra kuaꞌan va ra, saa chi süvi sana ra kuvi ri, ña kan ke ndakoo va ra ri, ra xaa ndivaꞌyu kan ra kanitaꞌan ri xiꞌin va ri, saa ra taxi ndiꞌi ri ri kuaꞌan va ri.

San Juan 10:12 Iomraidhean Croise

San Mateo 10:16

Ra saa ndikaꞌan ka Jesús kachi ra saa xiꞌin ndia: ―¡Ra na kundaa ini ndo! Chi yuꞌu kuvi ra tiꞌvi ndoꞌo kuꞌun ndo, ra ta iyoo ndikachi vali ri kuaꞌan tiañu ndivaꞌyu ke iyoo ndo. Ña kan ke ndichi ni na koo ndo iin ta kuꞌva iyoo ko̱o̱ ke, na koo ndo; ra vita ni tu na koo ini va ndo, iin ta kuꞌva iyoo paloma ke, na koo ndo.

San Mateo 7:15

Ra saa ndikaꞌan ka Jesús kachi ra saa xiꞌin na: ―Ra na kondiaa ni ndo mii ndo nuu yuvi na chiꞌña tuꞌun, na xá kaꞌan ndoso tuꞌun Ndioxi ta vaxi na nuu ndo, chi toꞌo ni va ñaꞌa na, ndi su süvi na ndixa kaꞌan tuꞌun yuꞌu Ndioxi kuvi na. Chi na kan ra ta iyoo ndivaꞌyu kuiꞌna va ke iyoo na.

San Juan 10:13

Ra xinu va tiaa kan, saa chi takua xaꞌa xuꞌun va ke xachiñu ra, ña kan ke ndïꞌi tu ini mii ra xaꞌa vi ndikachi vali kan.

San Juan 10:2

Ra tiaa ra kiꞌvi chi yeꞌe korra, ra ra kan ra ndixa va paxto ra ndiaa ri kuvi ra.

San Juan 10:3

Ra te ^ndakuña ra ndiaa yeꞌe korra kan, ña ^kiꞌvi ra ndixa kuu paxto ra ndiaa ri, saa ra ndikun ndakuni va ndikachi vali sana ra tachi ra, ra saa xaꞌa ra kaꞌan ra kivi ta iin ta iin ri, ra saa kee ri korra kan kuaꞌan va ri.

Hechos 20:29

Ra na kundaa ini ndo, saa chi ta xa na kuꞌun yu, ra kixi va yuvi ña kuni na sandiꞌi na xaꞌa na veꞌe ñuꞌu, ra ta kuꞌva xa ndivaꞌyu kuiꞌna ña sandiꞌi ri xaꞌa ndikachi, saa ke sa na.

1 Timoteo 3:3

ra nii na saxïni tu ndia mii ndia xiꞌin ndixi va, ra nii na küu tu ndia ndia iku ndia kanitaꞌan xiꞌin yuvi va, ra na kutöo ndia nduku ndia xuꞌun xiꞌin ña maña, ra tiayu ni tu na koo va ndia, ra tiaku ni tu na koo ini va ndia, ra na kotöo ni tu ndia xuꞌun va;

1 Timoteo 3:8

Ra ndia xika chiñu nuu na veꞌe ñuꞌu, ra ndia nduꞌu tuꞌun vaꞌa xaꞌa va na kuu ndia; ra kuëe uvi ni tu na koo ini va ndia, ra nii na saxïni tu ndia mii ndia xiꞌin ndixi va, ra nii na ndüku tu ndia xuꞌun xiꞌin ña maña va.

2 Timoteo 4:10

Saa chi ra Demas, ra ndakoo ndaꞌa va ra yuꞌu, saa chi ndakunisii ni ka va ra, ñaꞌa ña iyoo nuu ña yuuvi yoꞌo, ra ndakiꞌin ra kuaꞌan ra chi ñuu Tesalónica va. Ra ra Crescente, tiꞌvi yu kuaꞌan tu chi Galacia va, ra ra Tito tu tiꞌvi yu kuaꞌan chi Dalmacia va.

Tito 1:7

Saa chi ndia ñani yo ndia inuu nuu na veꞌe ñuꞌu, kuvi ndia ndiso chiñu xiꞌin chiñu Tata yo Ndioxi, ra xaꞌa ña kan ke xiniñuꞌu vivii va na kutiaku ndia. Ra na küu ndia tiaa ndia iku ni ini, ra nii kuëe kama ni tu na saa va ndia, ra nii na saxïni tu ndia mii ndia xiꞌin ndutia ra saxini na mii na xiꞌin va, ra nii na chikäa tu ndia kuachi xiꞌin yuvi va, ra nii na ndüku tu ndia xuꞌun xiꞌin chiñu maña va.

1 San Pedro 5:2

ña na kondiaa ndo na ñani yo na sakuiso chiñu Tata yo Ndioxi ndoꞌo kondiaa ndo; ra ndia ta kuꞌva ^xa iin tiaa ña ndiaa ra ndikachi vali sana va ra na ^sa ndo ña kondiaa ndo na, ra na kondiäa ndo na xiꞌin ña nduxa, ra nii na kondiaa tu ndo na xaꞌa ña kuni ndo ña na taxi na xuꞌun ndaꞌa va ndo. Chi na kondiaa ndo na ta kuꞌva kuni Tata yo Ndioxi va, ra saa tu xiꞌin ña kusii ini va ndo.

2 San Pedro 2:3

Ra xaꞌa ña kutoo ni ndia ndukuika va ndia kuvi ña iin sa sañaꞌa ndia tuꞌun chiꞌña kan ndoꞌo ña vaꞌa na sandaꞌvi ndia ndoꞌo, ra kindiaa ndia ndia xuꞌun ndo; ndi su ndia ña ndiatu ndia ke ndoꞌo va ndia saa chi xa te yachi vi kuvi ña kindoo ini Tata yo Ndioxi ña sandoꞌo ra ndia, ra ña ndixa ke sandoꞌo va ra ndia.