San Juan 1:51 - Mixteco Metlatónoc

⁵¹ Ra saa ndikaꞌan ka Jesús xiꞌin ra kachi ra saa: ―Ña ndixa ke ^kaꞌan yu xiꞌin ndo, saa chi vaxi kii, ra kuni ndo ña nuña ndivi, ra kuni tu ndo ndia tatun Ndioxi ña kuanda̱a ndia chi ndivi, ra vaxi nuu ndia sata yuꞌu ra xaa yoꞌo vichin ―kachi Jesús xiꞌin ndia.

San Juan 1:51 Iomraidhean Croise

San Mateo 25:31

’Te na ndiko yuꞌu ra xaa yoꞌo, kixi yu xiꞌin takundiꞌi ndiee yu, ra kixi takundiꞌi tu na tatun va yu xiꞌin yu, ra saa ke ndakunduꞌu yu tiayu kaꞌnu ña kaꞌndia yu chiñu.

San Mateo 26:24

Ra saa ndikaꞌan ka ra kachi ra saa: ―Ña ndixa ke yuꞌu ra xaa yoꞌo, ra xa saa xiniñuꞌu ndoꞌo ni va yu, ta kuꞌva kachi mii tuꞌun Ndioxi ña tiaa na ndikaꞌan ndoso tuꞌun yuꞌu Ndioxi xinaꞌa va. Ndi su, ¡ndaꞌvi ni tiaa ra ndataxi yuꞌu!, ra vaꞌa ka va kee ra ndaꞌvi tu kuëe ndikaku ra ―kachi Jesús xiꞌin ndia.

San Mateo 3:16

Ra te ndakundichi suꞌva Jesús ña ndikita ra ini tiakuii kan ña chichi ra, ra saa ndanuña ndivi, ra xini ra nduxinu Tachi Yii Ndioxi sata ra; ra ta kaa iin paloma saa kaa ña.

San Mateo 4:11

Ndia saa ra ndakoo ri Jesús ra ndakiꞌin ri kuaꞌan va ri, ra saa xaa na tatun Ndioxi ña chindiee taꞌan na xiꞌin va ra.

San Mateo 8:20

Saa ndakuiin Jesús kachi ra saa xiꞌin ra: ―Yukuii, ra iyoo va yavi nuu kixi ri, ra saa tu iyoo saa va, chi iyoo tu chiꞌyo nuu kixi ri kan va. Ndi su, yuꞌu, ra xaa yoꞌo vichin, ra ndia nii nuu kusun yu ke köo vi ―kachi Jesús xiꞌin ra.

San Mateo 9:6

Ra nuu ndo saa na sandaꞌa yu ra, ra saa ke kundaa ini ndo chi yuꞌu, ra xaa yoꞌo, ra kuu mii yu ndiayu ña sakaꞌnu ini yu xaꞌa kuachi yuvi na ndee nuu ñuꞌu yoꞌo ―kachi Jesús xiꞌin na. Ra saa ndikaꞌan ra xiꞌin ra nduchiꞌña küvi kaka kan kachi ra saa: ―Ndakoo, ra ndakiꞌin kun ixto kun ra kunuꞌu kun veꞌe kun ―kachi ra xiꞌin ra.

San Marcos 1:10

Ra te kanata suꞌva Jesús ini tiakuii vaxi ra, saa xini ra ndanuña ndivi, ra ta kaa iin sata loꞌo, saa kaa Tachi Yii Ndioxi vaxi nuu ña sata ra.

San Marcos 14:62

Saa ndakuiin Jesús, kachi ra saa xiꞌin ra: ―Suvi va yu. Ra kuni ndo yuꞌu, ra xaa yoꞌo vichin, kunduꞌu yu chi xitia kuaꞌa Ndioxi ra kaꞌnu, ra ndiko tuku yu iin nuu vi̱ko̱ kixi yu xiꞌin takundiꞌi ndie̱e̱ Ndioxi ―kachi Jesús xiꞌin ra.

San Lucas 2:13

Ra iin kuu suꞌva, ra kuaꞌa ka vi na tatun Ndioxi ndakoyo ra ndakuitaꞌan na xiꞌin ra tatun Ndioxi kan. Ra saa xaꞌa na ^ndasakaꞌnu ka vi na Ndioxi, kachi na saa:

San Lucas 2:9

Ra saa kuu ndia ndee ndia, ra iin kuu suꞌva ra ndituvi va iin ra tatun Ndioxi nuu ndia. Ra ndayeꞌe ndiꞌi nuu ndee ndia xiꞌin ndiee Ndioxi, ra ndiyuꞌvi ka vi ndia paxto kan.

San Lucas 22:43

Ra saa xaa iin ra tatun Ndioxi ra kee ndivi, ña taxi ra ndiee ndaꞌa Jesús.

San Lucas 22:69

Ndi su vichin, ra iin saa ndia kii ña vaxi ke kunduꞌu yuꞌu, ra xaa yoꞌo vichin, xitia kuaꞌa Tata yu Ndioxi ra kuu mii takundiꞌi ndiee ―kachi ra xiꞌin ndia.

San Lucas 24:4

Ra sakan saa kuu na ndakanda ini na ndita na, ña köo ka iki kuñu Jesús ndixini na, saa ra tuꞌva ndituvi va uvi tiaa nuu na, ra ndixi ndia tikoto yaa ña yeꞌe ni.

San Lucas 3:21

Ta yachi ta täan kuꞌun ra Juan veꞌe kàà, ra kuaꞌa ka vi yuvi sakuchi ra, ra sakuchi tu ra Jesús va, ra te ndiꞌi chichi Jesús, ra saa xaꞌa ra kaꞌan ra xiꞌin Ndioxi, ra ndanuña ndivi.

San Juan 1:50

Ra saa ndikaꞌan Jesús kachi ra saa xiꞌin ra: ―¿A xaꞌa ña ndikaꞌan yu xiꞌin kun ña xa xini yu yoꞌo, ña ^nduꞌu kun xaꞌa itun koxi ke kandixa kun yuꞌu? Ndi su vichin ra kuaꞌa ni ka va ña xituꞌun kuni kun ―kachi ra xiꞌin ra.

San Juan 10:1

Ra saa ndikaꞌan Jesús kachi ra saa: ―Ña ndixa ke kaꞌan yu xiꞌin ndo, saa chi tiaa ra ndaa chi nuu korra nuu ndoꞌni ndikachi vali, ra kïꞌvi ra chi yeꞌe korra nu ñuꞌu ri, ra ra kan, ra ra kuiꞌna va kuvi ra, saa chi xakuiꞌna ra ri xiꞌin ña uꞌvi.

San Juan 10:7

Ra saa ndikaꞌan tuku Jesús xiꞌin na kachi ra saa: ―Ra na kundaa ini ndo ña ndaa: Saa chi yuꞌu va kuvi ra kuu yeꞌe nuu kiꞌvi ndikachi vali.

San Juan 13:16

Ra ña ndixa ke kaꞌan yu xiꞌin va ndo, saa chi ndia nii na xachiñu tatu, ra küvi sa chee na nuu ra kuu xitoꞌo na, ra nii yuvi na kuaꞌan chiñu küvi sa chee tu nuu na tiꞌvi ñaꞌa va.

San Juan 13:38

Saa ndakuiin Jesús kachi ra saa xiꞌin ra: ―¿A ndixa iyoo nduvi kun ña kuvi kun xaꞌa yu? Na kundani kun chi mii ña ndaa, ra ñuu vichin, ra xa uni va ichi tiseꞌe tuꞌun kun xaꞌa yu, ra saa kana chele ―kachi Jesús xiꞌin ra.

San Juan 14:12

Ra ña ndaa kaꞌan yu xiꞌin ndo, chi yuvi na kandixa yuꞌu, ra taꞌan chiñu ña ^xa yuꞌu ke sa tu na kan va; ra tu na kuvi, ra ña naꞌnu ka va sa na, saa chi yuꞌu ra xa kunuꞌu va yu nuu Tata yo Ndioxi.

San Juan 16:20

Ra ña ndaa ke kaꞌan yu xiꞌin ndo, saa chi kusuchi ni va ini ndo, ra kuaku ni va tu ndo, ra na yuuvi yoꞌo tu tiaa ni kusii ini va. Ra ña kusuchi ni ini ndo, ra ndasama ña ra nduu ña ña sii ini va.

San Juan 16:23

’Ra kii kan, ra köo mii ka ña ndakatuꞌun ndo yuꞌu vi. Ra ña ndaa kaꞌan yu xiꞌin ndo: saa chi xa mii va Tata yu Ndioxi kuvi ra taxi takundiꞌi ña nduku ndo nuu ra xiꞌin kivi yu.

San Juan 21:18

Saa ndikaꞌan ka Jesús xiꞌin ra Pedro, kachi ra saa: ―Ña ndixa ke kaꞌan yu xiꞌin kun: chi te ndixiyo itia kun, ra vaꞌa ndakundixi mii va kun tikoto kun, ra ndixika kun chi nuu kuni mii va kun, ndi su te xa na kutoꞌo kun, ra ndia ndaꞌa va kun sandakaa kun, ra inka va na sandakundixi tikoto yoꞌo, ra kundiaka na yoꞌo, kuꞌun kun nuu küni kun kuꞌun va kun ―*kachi ra.

San Juan 3:3

Ra saa ndikaꞌan Jesús xiꞌin ra kachi ra saa: ―Ña ndixa ke kaꞌan yu xiꞌin kun chi tu na ndakäku xaa iin yuvi, saa ra küvi vi kuni na nuu xaꞌndia Ndioxi chiñu ―kachi Jesús xiꞌin ra.

San Juan 3:5

Saa ndakuiin Jesús kachi ra saa xiꞌin ra: ―Ña ndixa ke kaꞌan yu xiꞌin kun saa chi tu na ndakäku iin yuvi xiꞌin tiakuii xiꞌin Tachi yii Ndioxi, saa ra küvi vi kiꞌvi na nuu xaꞌndia Ndioxi chiñu.

San Juan 5:19

Ra saa ndakuiin Jesús kachi ra saa xiꞌin ndia: ―Ña ndixa ke kaꞌan yu xiꞌin ndo, chi ra kuu seꞌe Ndioxi, ra ndia nii chiñu loꞌo ke kuchüun ra sa vii ra xiꞌin ndiee mii ra; saa chi takundiꞌi chiñu ña ^xini ra ^xa Iva va ra ke ^xa ra.

San Juan 5:27

Ra taxi tu ra ndiayu ndaꞌa ra ña sandaku ra kuachi xiꞌin takundiꞌi yuvi va, xaꞌa ña kuu ra ra xaa ña yuuvi yoꞌo.

San Juan 6:26

Ra saa ndakuiin ra kachi ra saa xiꞌin na: ―Ña ndixa kaꞌan yu xiꞌin ndo, chi xaꞌa ña taxi yu ixta xixi ndo ra ndiakua nditiandiaa ini va ndo ke nanduku ndo yuꞌu, chi süvi vi ndixa xaꞌa ña xituꞌun ña xa yu xini ndo ke nanduku ndo yuꞌu.

San Juan 6:32

Ra saa ndakuiin Jesús kachi ra saa xiꞌin na: ―Ña ndixa ke kaꞌan yu xiꞌin ndo: Saa chi süvi ndixa ra Moisés kuvi ra nditaxi ixta ña kee ndivi xixi na, chi Tata yu Ndioxi va kuvi ra taxi ña, ra ^taxi tu ra ixta ña ndixa, ña kee ndivi kuxi tu ndoꞌo vichin va.

San Juan 6:47

Ra ña ndixa ke kaꞌan yu xiꞌin ndo; chi yuvi na kandixa yuꞌu, ra niꞌi va na kan ña kutiaku na ndia ndikaa ndikuꞌun xiꞌin Ndioxi.

San Juan 6:53

Ra saa ndikaꞌan Jesús xiꞌin na kachi ra saa: ―Ña ndixa ke kaꞌan yu xiꞌin ndo, chi tu na käxi ndo kuñu ra kuu Seꞌe Ndioxi, ra köꞌo tu ndo nii ra, saa ra kuchüun vi ndo kutiaku ndo.

San Juan 8:34

Ra saa ndakuiin Jesús kachi ra saa xiꞌin na: ―Ña ndaa kaꞌan yu xiꞌin ndo, chi takundiꞌi yuvi na xa kuachi, ra tixi kuachi kan ke ñuꞌu va na, ra xaꞌndia ña chiñu nuu va na.

San Juan 8:51

Ra ña ndaa kaꞌan yu xiꞌin ndo, chi yuvi na kandixa tuꞌun ña kaꞌan yu, ra küvi na ―kachi Jesús xiꞌin na.

San Juan 8:58

Ra saa ndikaꞌan Jesús xiꞌin na kachi ra saa: ―Ña ndixa ke kaꞌan yu xiꞌin ndo, saa chi te kuni ka kaku vi ra Abraham ra xa iyoo va yuꞌu ―kachi ra xiꞌin na.

Hechos 10:11

ra saa xini ra ndanuña ndivi, ra ndituvi iin tikoto ndika ra nuꞌni kumi saa tutun vaxi nuu ña nuu ñuꞌu xini ra.

Hechos 7:56

Ra saa ndikaꞌan ra kachi ra saa: ―¡Nuña ndivi ^xini yu vichin, ra ^xini tu yu Jesús ra kixi ña yuuvi yoꞌo va ña ndichi ra xitia kuaꞌa Ndioxi! ―kachi ra.

2 Tesalonicenses 1:7

Ra ndóꞌo̱, na ^ndoꞌo vichin, xiꞌin nduꞌu kuvi na taxi ra ndakindiee va, ta xa na kee Tata yo Jesucristo ndivi kixi ra tiañu ñùꞌù xiꞌin na tatun ra, na ndaku ni,

2 Tesalonicenses 1:9

Ra yuvi na xïin kandixa Tata yo Ndioxi, kuvi na niꞌi tundoꞌo ña ndoꞌo ni na ndia ndikaa ndikuꞌun, ra nii täxi tu ra ña koo na nuu iyoo va ra, nuu iyoo ndiee kaꞌnu ña kuu mii ra.

1 Timoteo 3:16

Ra na kundaa ini ndo, chi ña kaꞌnu ni va kuvi ña vaꞌa ña ndañaꞌa Tata yo Ndioxi nuu yo, ra suꞌva ke iyoo ña: Tata yo Jesucristo, ra nduu ra iin tiaa ra kixi ra nuu ña yuuvi yoꞌo; Ra Tachi Yii ke ndakuiin xaꞌa ra ña ^kuu ra ra ndaa, ra xini tu takundiꞌi na tatun Ndioxi va ra. Ra ndikaꞌan ndoso tu na ndikun sata ra xaꞌa ra nuu ini kuvi ña yuuvi va, ra kandixa va yuvi tuꞌun ña sañaꞌa na, ra ndakiꞌin Tata yo Ndioxi ra kuaꞌan ra nduꞌu ra xiꞌin ra ndivi.

Hebreos 1:14

Ra takundiꞌi na tatun Tata yo Ndioxi, ra takua nuu va ra ke xachiñu na, ra tiꞌvi tu ra na kuaꞌan na ña chindiee taꞌan na xiꞌin yuvi na xiniñuꞌu kaku va.

Judas 1:14

Ra ndikaꞌan tu ra Enoc, ra kuu uxa ndiseꞌe ra Adán va xaꞌa ña ndoꞌo tiaa ndia chiꞌña tuꞌun kan, ra Tata yo Ndioxi va kuvi ra ndikaꞌan niꞌni xini ra ña vaꞌa ndikaꞌan ra kachi ra suꞌva: “Xa xini nuu va yu ña vaxi Tata yo Ndioxi xiꞌin kuaꞌa ni mil na yii na kuu kuenda mii ra,

Apocalipsis 19:11

Ra saa xini yu ^nuña ndivi, ra kanata iin kuayu yaa, ra ^yoso iin tiaa ri, ra nani ra iin tiaa ra ndaa, ra ndixa; ra ndaku ni ^xayukun ra kuachi xiꞌin yuvi, ra te kanitaꞌan ra xiꞌin yuvi ra niña mii ña ndaku va ^xa ra.

Apocalipsis 4:1

Te ndiꞌi yoꞌo, saa sakuꞌun nuu yu ndakotoꞌni yu ra xini yu iin yeꞌe chi ndivi, ra nuña ña, ra xini soꞌo yu ña ndikaꞌan suvi mii tachi ña xa ndikaꞌan xiꞌin yu ta yachi, ña ndiee ni kaꞌan, ta kuꞌva ndaꞌyu iin itun tu tivi na, ra ndikaꞌan ña xiꞌin yu kachi ña saa: ―Ndaa yoꞌo ra ñaꞌa yu ña kuu nuu kun ―kachi ña xiꞌin yu.