San Juan 1:43 - Mixteco Metlatónoc

⁴³ Ra ta ndituvi inka kii ndakani ini Jesús ña kuꞌun ra chi ñuu ña ndikun ndiaa Galilea. Ra saa ndakiꞌin ra kuaꞌan va ra, ra ikan ndakutaꞌan ra xiꞌin ra Felipe ra ndikaꞌan ra xiꞌin ra, kachi ra saa: ―Kundikun yuꞌu ―kachi ra xiꞌin ra.

San Juan 1:43 Iomraidhean Croise

San Mateo 10:3

Ra iin ra nani Felipe, iin ra nani Bartolomé, iin ra nani Tomás, iin ra nani Mateo, ra kaya xuꞌun ndaꞌa na ñuu ña kuaꞌan ndaꞌa Gobierno ñuu Roma; iin ra nani Jacobo, seꞌe ra Alfeo, iin ra nani Lebeo, ra kaꞌan tu na ña nani ra Tadeo va.

San Mateo 4:12

Ra te kundaa ini Jesús ña tiin na ra Juan chikaa na veꞌe kàà, saa ra nandiko ra chi Galilea va.

San Mateo 8:22

Saa ndakuiin Jesús kachi ra saa xiꞌin ra: ―Kundikun yuꞌu, ra na koꞌo xiꞌin yu, ra ndakoo na ndii na nduxin taꞌan mii va na ―kachi ra xiꞌin ra.

San Mateo 9:9

Ra te ndiꞌi saa ndakiꞌin Jesús kuaꞌan ra, ra xini ra iin ra nani Mateo, ra ndiso chiñu kaya xuꞌun ndaꞌa na ñuu ña kuaꞌan ndaꞌa gobierno ñuu Roma. Ña nduꞌu ra nuu mesa nuu ndakiꞌin ra xuꞌun ndaꞌa yuvi, ra saa ndikaꞌan Jesús xiꞌin ra kachi ra saa: ―Naꞌa, na koꞌo xiꞌin yu ―kachi ra xiꞌin ra. Saa ra ndikun ndakundichi ra Mateo, ra ndakundikun ra sata Jesús kuaꞌan ra xiꞌin va ra.

San Lucas 19:10

Saa chi yuꞌu ra xaa yoꞌo vichin, kuvi ra xaa ndanduku na nindoñuꞌu, ra sakaku yu na ―kachi ra.

San Juan 1:28

Ra takundiꞌi ña yoꞌo, ra chi ñuu ña nani Betábara ña ndikaa chi inka xiyo yuꞌu itia Jordán nuu ^sakuchi ra Juan yu̱vi ke kuu ña.

San Juan 1:29

Saa kuu ndiyaꞌa iin kii, ra xini ra Juan ña kuyachin Jesús kuaꞌan ra nuu íin ra. Ra saa ndikaꞌan ra kachi ra saa: ―Kutoꞌni ndo, chi ra yoꞌo kuvi ra kuu ndikachi loꞌo ra kuu kuenda Ndioxi, ra ra yoꞌo kuvi ra sandiꞌi xaꞌa kuachi na yuuvi yoꞌo.

San Juan 1:35

Ra saa kuu inka tuku kii, ra íin tuku va ra Juan nuu sakuchi ra yuvi xiꞌin uvi ndia itaꞌan xiꞌin ra.

San Juan 1:37

Ra te xini soꞌo ndia uvi kan ña kachi ra Juan saa, saa ra ndikun ndakundikun ndia kuaꞌan ndia sata Jesús va.

San Juan 1:44

Ra ra Felipe yoꞌo, ra ra ñuu Betsaida va kuvi ra, ra suvi ra ñuu kan ku tu ra Andrés xiꞌin ra Pedro va.

San Juan 12:21

Ra saa kuyachin na griego kan nuu iin ra Felipe ra kee ñuu Betsaida, ña ndikun ndiaa chi Galilea, ra xakundaꞌvi na nuu ra kachi na saa: ―Tata, kuni ndi kuni ndi Jesús ―*kachi na.

San Juan 14:8

Ra saa ndikaꞌan ra Felipe, kachi ra saa xiꞌin Jesús: ―Tata, na sa kun ña mani ñaꞌa kun Tata yo Ndioxi nuu ndi, ra kundaa ini ndi ―kachi ra.

San Juan 2:11

Ña yoꞌo ku ña xituꞌun ña nuu vaꞌa xa Jesús ñuu Caná, ña ndikun ndiaa chi Galilea, ña ndañaꞌa ra ndiee ña iyoo xiꞌin ra, saa ra kandixa va ndia itaꞌan xiꞌin ra ra.

San Juan 6:5

Ra te ndakutoꞌni Jesús ra saa xini ra iin tiaꞌndia chee yuvi ndikun xaa nuu nduꞌu ra, ra saa ndikaꞌan ra xiꞌin ra Felipe kachi ra saa: ―¿Ndia mii kuꞌun yo sata yo ñaꞌa kuxi yuvi kaa ra kuaꞌa ni kuvi na? ―kachi ra xiꞌin ra.

San Juan 6:7

Ra saa ndakuiin ra Felipe kachi ra saa: ―Nii uvi ciento denario va xita na sata yo, ra kïta mii vi ña kuxi na chi tiaa ni kuaꞌa kuvi na ―kachi ra xiꞌin Jesús.

Filipenses 3:12

Ra ña kachi yu suꞌva, ra küni kachi yu ña xa ^xa yu takundiꞌi ña kaꞌan yu xaꞌa yoꞌo, ra nii täan xaa tu yu ña nduu yu ra vaꞌa ni vi; ndi su ña ^xa yu ke ndakundiee yu kuaꞌan yu chi nuu va, xaꞌa ña ndiaa ini yu kuchuun yu sa va yu ña, saa chi xaꞌa ña kan ke sakaku Cristo yuꞌu va.

1 San Juan 4:19

Ra xiꞌna ka va Tata yo Ndioxi kuvi ra kuꞌvi ni ini xini yoo, ña kan ke kuꞌvi ini yo xini yo ra.