San Juan 1:39 - Mixteco Metlatónoc

³⁹ Ra saa ndikaꞌan Jesús xiꞌin ndia, kachi ra saa: ―Naꞌa ndo, na kuꞌun yo xiꞌin yu ra kuni ndo ―kachi ra. Ra saa ndakiꞌin ndia ndixaꞌan ndia xiꞌin ra, ra xini ndia nuu kanduꞌu ra; ra ndia kan kuachi ndia xiꞌin va ra kii kan, saa chi xa kaa kumi xikuaa va ke ndixaa ndia xiꞌin ra nuu kanduꞌu ra.

San Juan 1:39 Iomraidhean Croise

San Lucas 24:29

ra saa xakundaꞌvi ndia nuu ra, kachi ndia saa: ―Tata, na yaꞌa va kun ndakindiee kun xiꞌin ndi ñuu yoꞌo. Saa chi xa kuaꞌan kuaa ni va, ra kama ni va ku ñuu ―kachi ndia. Ra saa kuachi ndixa va ra xiꞌin ndia ñuu kan.

San Juan 1:38

Ra saa ndikokuiin Jesús ndakutoꞌni ra, ra xini ra ña ndikun ndia kuaꞌan ndia sata ra, ra saa ndindakatuꞌun ra ndia kachi ra saa: ―¿Ni ke ^ndanduku ndo? ―kachi ra xiꞌin ndia. Ra saa ndakuiin ndia kachi ndia saa: ―Rabí, ¿ndia mii ke iyoo kun? ―kachi ndia xiꞌin ra. Tuꞌun “Rabí” yoꞌo, ra “maestro” va ke kachi ña.

San Juan 1:40

Iin ndia uvi, ndia xini soꞌo ña ndikaꞌan ra Juan xaꞌa Jesús, ra ndakundikun ndia ra kuvi ra Andrés ñani ra Simón Pedro.

San Juan 1:46

Ra saa ndakuiin ra Natanael kachi ra saa: ―¿A kuvi vi tan kanata iin tiaa ra vaꞌa ñuu Nazaret? ―kachi ra. Ra saa ndakuiin ra Felipe kachi ra saa xiꞌin ra: ―Na koꞌo, ra kuni kun ―kachi ra xiꞌin ra.

San Juan 4:40

Ra saa kuyachin na Samaria kan nuu Jesús, ra xakundaꞌvi na nuu ra ña na kuachi ra xiꞌin na, ra saa kuachi ra ñuu kan uvi kii xiꞌin na.

San Juan 6:37

Ra takundiꞌi yuvi na taxi Tata yu Ndioxi ndaꞌa yu, ra vaxi na nuu va yu, ra na vaxi nuu yu, ra täva yu na keꞌe.

Apocalipsis 3:20

Ra kotoꞌni vichin, chi yeꞌe va ndichi yu ra kana yu, ra tu ndia na xini soꞌo tachi yu, ra ndakuña na yeꞌe nuu yu, ra kiꞌvi yu veꞌe na, ra kuxini yu xiꞌin na, ra na kan kuxi tu xiꞌin yuꞌu va.