Apocalipsis 7:9 - Mixteco Metlatónoc

⁹ Te ndiꞌi kuu ña yoꞌo, ra saa ndakotoꞌni yu, ra xini yu kuaꞌa ni yuvi, ra nii köo kundiee kaꞌvi na chi kuaꞌa ni kuvi na, ra iin ni kuvi ña yuuvi ke kee na, ra takundiꞌi nuu yuvi kuvi na, xiꞌin na kee takundiꞌi ñuu, xiꞌin na kaꞌan ndia ndia ka nuu tuꞌun, ra ^ndita na nuu íin tiayu kaꞌnu, xiꞌin nuu íin ra kuu ndikachi loꞌo, ra ^ndixi na tikoto yaa, ra ^niꞌi na ñu̱u̱.

Apocalipsis 7:9 Iomraidhean Croise

San Lucas 12:1

Ra sakan saa kuu ndia, ra saa kuaꞌa ka vi mil yuvi ndakaya, ra iin ndiakua chindaꞌni taꞌan na. Ra saa xaꞌa Jesús kaꞌan ra xiꞌin ndia itaꞌan xiꞌin ra kachi ra saa: ―Kuenda ni koo ndo xiꞌin ndia fariseo. Saa chi ta iyoo ixan iyá ña kuu ndavi ña kee̱ xiꞌin xita vaꞌa, va ke iyoo ndia. Saa chi kaꞌan ndia xaꞌa ña vaꞌa, ra xa tu ndia ña väꞌa va.

San Lucas 21:36

Ña kan ke xiniñuꞌu na koo nduvi ni ndo, ra kaꞌan ni ndo xiꞌin Ndioxi iin takundiꞌi kii, ra saa ke kuvi kaku ndo nuu takundiꞌi ña kuu, ra kuchuun ndo xaa ndo nuu yuꞌu, ra xaa yoꞌo vichin ―kachi Jesús xiꞌin ndia itaꞌan xiꞌin ra.

San Juan 12:13

ra saa kee na, ra xaꞌndia na ñuu ndaꞌa itun ñuu, ra ndixaꞌan na ndakiꞌin na Jesús, ra iin siso, siso ndaꞌyu na kachi na saa: ―¡Ra kaꞌnu kuvi Ndioxi! ¡Ra ra kaꞌnu kuu tu ra tiꞌvi va ra! ¡Kaꞌnu ni ra tiꞌvi ra, saa chin Rey na ñuu Israel kuvi ra! ―kachi na.

Romanos 11:25

Ñani yo, kuꞌva yo, vichin kuni yu ña na kundaa ini yo xaꞌa chiñu Ndioxi ña iyoo seꞌe ña kuni ra sa ra, ña vaꞌa na tüvi ndo ña ndichi ni ndo; ra na kundaa ini ndo, chi sava va na ñuu Israel kuvi na ndundaku ini, ndi su takua kii ña kumani ka kaku ndiaꞌvi yuvi na küu judío va ke koo na ñuu Israel saa.

Efesios 6:13

Xaꞌa ña kan ke, na kundixi ndo takundiꞌi ñaꞌa ña ^taxi Ndioxi kusaꞌvi sata ndo, ña vaꞌa kuchuun ndo ña ndaku ni koo ini ndo, ta xa na xaa kii väꞌa ña kanitaꞌan timiaꞌa xiꞌin ndo, saa chi saa ke kuchuun ndo ña ndaku ni koo ini ndo ndia kii ndiꞌi va, ra kuchüun ri ña sandiꞌi ri xaꞌa ndo.

Hebreos 11:12

Ra vaꞌa ni xa yachin kuvi va ra Abraham ña chee ni ra, ndi su kaku va seꞌe ra, ra kuaꞌa ni kuu ndiseꞌe ra, iin ta kuꞌva kuaꞌa kimi ri ndee ndivi xiꞌin yuti ña ndee yuꞌu tiañuꞌu saa kuu na, ra ndia nii yuvi ^küvi kaꞌvi na.

Hebreos 12:22

Ra süvi ta kuꞌva nindoꞌo na ñuu Israel ke ^ndoꞌo ndo, saa chi ndoꞌo, ra nuu íin iku ña nani Sión, xiꞌin ñuu kaꞌnu ña kuu kuenda Tata yo Ndioxi, ra tiaku, va kuvi ña kuyachin ndo; ra ñuu kan, ra ñuu Jerusalén ña iyoo ndivi va kuvi ña; ra ikan, ra kuaꞌa ni na tatun Tata yo Ndioxi

Apocalipsis 11:15

Ra te tivi ra tatun Ndioxi ra uxa kan itun tu niꞌi ra, saa ra iin niniꞌi tiaku kaꞌan na chi ndivi, ra kachi na saa: Iinii saa nuu ^xaꞌndia na yuuvi chiñu, ra xa kuenda Iva yo Ndioxi va nduu ña xiꞌin Jesucristo, ra kaꞌndia ra chiñu nuu iinii saa ña yuuvi iin ndisaa kii, iin ndisaa tiempo, ndia ndikaa ndikuꞌun, ^kachi na.

Apocalipsis 22:3

Ra ñuu kan, ra köo ka ñaꞌa ña tavi chiꞌña. Saa chi mii Ndioxi va kuvi ra kaꞌndia chiñu nuu na xiꞌin ra kuu ndikachi loꞌo, ra na ^xachiñu nuu ra, ra ikan ke ndasakaꞌnu ni ka va na ra.

Apocalipsis 3:18

Ña kan ke ^taxi yu xini kun vichin, ra nuu yuꞌu ke na sata kun yuu oro ña ndinuu ndiyaꞌa nuu xixi ñuꞌu, ra saa ke na kuu kun ra kuika ndixa, ra nuu yuꞌu ke, na sata kun tikoto yaa ña kundixi kun, ña vaꞌa na kukäꞌan ka nuu kun ña xika yala kun, ra ná chikaa kun ndutia ra kée nuu na nuu kun, ra vaꞌa na ndakotoꞌni kaxi kun.

Apocalipsis 4:4

Ra suvi mii nuu íin tiayu kaꞌnu kan xinunduu ka inka oko kumi tiayu ndita nu, ra xini yu oko kumi ndia xikuaꞌa ra ^ndixi ndia tikoto yaa, ra ^ñuꞌu ndia corona ña oro ndee ndia nuu tiayu kan.

Apocalipsis 5:11

Ra saa ndakotoꞌni yu ra xini soꞌo yu tachi na tatun Ndioxi, ra kuaa ka vi kuvi na, ra nii köo kundiee kaꞌvi ñaꞌa, ra iin xinunduu na nuu íin tiayu kaꞌnu, nuu xa ^ndita kumi ña tiaku kan xiꞌin na xikuaꞌa na oko kumi kan.

Apocalipsis 5:9

Ra ^xita na iin yaa yii, ña xaa, nuu ra kuu ndikachi loꞌo kan, ^kachi na saa: Yoꞌo kuvi ra iyoo ichi ña ndakiꞌin kun tutu yoꞌo, ra ndaxi kun tuni ña kuu sello ña nuꞌni ña; chi yoꞌo kuvi ra xaꞌni na, ña ndisoko na yoꞌo, ra xiꞌin ni̱i̱ kun ke sakaku kun takundiꞌi nuu yuvi, xiꞌin na kaꞌan ndia ndia ka nuu tuꞌun, xiꞌin takundiꞌi ñuu vali, xiꞌin takundiꞌi ñuu naꞌnu ña iyoo nuu ña yuuvi yoꞌo.

Apocalipsis 6:11

Ra saa taxi Ndioxi tikoto yaa ndakundixi na, ra ndikaꞌan ra xiꞌin na ña na ndakindiee ka na saloꞌo tiempo, chi iyoo ka va na taꞌan na, na kumani ka kuvi ta kuꞌva ndoꞌo na yoꞌo xaꞌa ña ndikun na ichi Ndioxi.

Apocalipsis 7:8

Ra na kuu ndiseꞌe ra Zabulón, ra uxi uvi mil ku tu na kan va ndiñani tuni; ra na kuu ndiseꞌe ra José, ra uxi uvi mil ku tu na kan va ndiñani tuni; ra na kuu ndiseꞌe tu ra Benjamín, ra uxi uvi mil ku tu na kan va ndiñani tuni.