Apocalipsis 4:8 - Mixteco Metlatónoc

⁸ Ra kumi saa ña tiaku kan, ra iyoo ìñu̱ ndixin ta mituꞌun, ta mituꞌun ña, ra tiaa ni kuaꞌa kuvi nduchi nuu ña chi iyoo ña chi sata ndixin ña, ra iyoo tu ña chi tixi ndixin va ña; ra nii xikutüvi ña ña kaꞌan ña, chi iin ñuu kaꞌñu va kaꞌan ña kachi ña saa: ¡Ra Yii, Ra Yii, Ra Yii kuvi Tata yo Ndioxi ra kuu mii takundiꞌi ndiee, Ra xa iyoo te yachi, Ra iyoo vichin, Ra kixi kii ña vaxi!, kachi ña.

Apocalipsis 4:8 Iomraidhean Croise

Hechos 20:31

Ña kan ke kuenda ni na koo ndo vichin, ra na ndakaꞌan ndo chi uni saa kuiya ña ndixiyo yu xiꞌin ndo, ra ñuu kaꞌñu va sakuaꞌa yu ndoꞌo, ra xaku ni tu yu nuu Ndioxi va xaꞌa ndo ña kuꞌvi ini yu xini yu ndoꞌo.

2 Corintios 6:18

ra kuu yu Tata ndo, ra ndoꞌo ndia tiaa xiꞌin na siꞌi kuu seꞌe va yu, kachi Tata yo Ndioxi ra kaꞌnu ndikaꞌan ra.

1 Tesalonicenses 2:9

Ra xa ^kundaa va ini ndo ñani yo, chi xa nduxa va ndi ña xachiñu ndi, ña vaꞌa xixi ndi ta xindee ndi xiꞌin ndo, ra ndia ñuú, ndia kaꞌñu va xachiñu ndi, ra suꞌva va ke xa ndi ña vaꞌa ndakani ndi tuꞌun Ndioxi nuu ndo, ndi su nditävi ndi ndoꞌo ña nduku ndi ñaꞌa nuu ndo.

1 Timoteo 4:16

Ra na kiꞌin ni kun kuenda xiꞌin takundiꞌi ña ^xa kun ña vivii va na sa kun, ra vivii tu na sañaꞌa va kun, ra ña yoꞌo ke na ndakundiee kun sa va kun, saa chi ña sa kun ña yoꞌo, ra sakaku kun mii kun, ra saa tu na ^sañaꞌa va kun.

2 Timoteo 4:2

ña na kaꞌan ndoso kun tuꞌun vaꞌa xaꞌa Tata yo Jesucristo; ra iin takundiꞌi kii va na koo nduvi kun ña kaꞌan kun xiꞌin yuvi, ra vaꞌa ni xiin na, ra vaꞌa ni xïin va tu na, ndi su ña xiniñuꞌu sa kun ke na kaꞌan kun xiꞌin va na. Ra na ndasayukun kun na te ^xa na chiñu kiꞌvi, ra na kaꞌan tu kun xiꞌin na ña na nandiko ini na xaꞌa kuachi va na, ra vivii tu na chikaa kun tuꞌun ndiee ini xiꞌin va na, ra na sañaꞌa tu kun na ndia kuꞌva ke xiniñuꞌu kutiaku va na, ra kaꞌnu ni na koo ini kun xiꞌin na ña vaꞌa na sakuaꞌa na.

Hebreos 13:8

Saa chi Tata yo Jesucristo, ra ndasäma ra chi ta kuꞌva ndixiyo ra te yachi, kuvi tu ña iyoo ra vichin va, ra saa kuvi tu ña koo ra kii ña vaxi va.

Apocalipsis 1:4

Yuꞌu, ra Juan, kuvi ra tiꞌvi tutu yoꞌo xáá ña nuu uxa veꞌe ñuꞌu ña iyoo chi Asia: Ra Iva yo Ndioxi ra iyoo vichin, ra xa iyoo te yachi, ra kixi kii ña vaxi, ra saa tu uxa saa Tachi ña iyoo nuu nduꞌu ra xaꞌndia ra chiñu, na taxi ña vaꞌa kutaꞌvi ndo, ra vii ni na koo ndo.

Apocalipsis 1:8

Ra suꞌva kachi Tata yo Ndioxi ndikaꞌan ra: “Yuꞌu kuvi ra nuu, ra yuꞌu kuvi ra ndia nuu ndiꞌi va; ra yuꞌu kuvi ra kii xaꞌa, ra yuꞌu kuvi ra ndia kii ndiꞌi va”, kachi Iva yo ra kuu mii takundiꞌi ndiee, ra tiaku vichin, ra xa iyoo te yachi, ra kixi kii ña vaxi.

Apocalipsis 11:17

kachi ndia saa: Ndataxi ni ndi tixaꞌvi ndaꞌa kun, Tata Ndioxi, ra kuu mii takundiꞌi ndiee, chi yoꞌo kuvi ra iyoo vichin, ra yoꞌo kuvi tu ra xa iyoo te yachi va, ra yoꞌo kuvi tu ra kixi kii ña vaxi va, ra kuu mii kun ndiee, ña kaꞌndia kun chiñu nuu iinii saa ña yuuvi.

Apocalipsis 14:11

Ra iꞌma ña ^kana nuu ndoꞌni na, ra iin ndisaa kii, iin ndisaa tiempo ke kana va ña, ra nii ñuu nii kaꞌñu ndakindiëe vi na xaꞌa ña kañuꞌu na kiti chee ñàꞌa kan, xiꞌin naꞌna ri, xiꞌin xaꞌa ña ndiñani tuni ri na.

Apocalipsis 14:3

Ra ^xita na iin yaa yii, ña xaa nuu Ndioxi, ra nduꞌu tiayu kaꞌnu kan nuu ndita kumi saa ña tiaku kan xiꞌin oko kumi saa ndia xikuaꞌa kan, ra ndia nii na kuchüun kutuꞌva kata yaa yii kan, chi takua na iin ciento uvi xiko kumi mil, na ndikaku, na kee tiañu na yuvi kuachi na ndee nuu ñuꞌu va kuvi na vaꞌa xita ña.

Apocalipsis 15:3

Ra ^xita na yaa xaa ña xita ra Moisés ra xachiñu nuu Ndioxi, ña ndasakaꞌnu na ra kuu ndikachi loꞌo, ra kachi na saa xita na: Kuaꞌa ni ña nduvi, xiꞌin ña ndichi xavaꞌa kun Tata Ndioxi, ra kuu mii takundiꞌi ndiee, ra chiñu ña xa kun, ra ña ndaa ni va kuvi ña, ra ndaku ni iyoo ña, ra yoꞌo kuvi rey ra xaꞌndia chiñu nuu takundiꞌi na yii.

Apocalipsis 15:7

Ra saa taxi iin ña kumi ña tiaku, ña ndee nuu Ndioxi, iin iin copa ña oro ndaꞌa uxa saa ndia tatun Ndioxi kan, ra iin chitu ndaa ña xiꞌin tundoꞌo ña taxi Ndioxi, ra tiaku iin ndisaa kii, iin ndisaa tiempo.

Apocalipsis 16:14

ra tachi ñàꞌa kan, ra ^xa ña ña ndichi, xiꞌin ña xituꞌun, ra kee ña kuaꞌan ña nuu takundiꞌi na kuu rey na iyoo nuu iinii saa ña yuuvi, ña ndachutaꞌan ña na, ra kanitaꞌan na xiꞌin Ndioxi ra kuu mii takundiꞌi ndiee, te na xaa kii kaꞌnu ña sayukun ra kuachi xiꞌin na yuuvi.

Apocalipsis 16:7

Ra saa xini soꞌo yu ndikaꞌan inka tuku ra tatun Ndioxi, ndia nuu altar yii kan kachi ra saa: ―Ña ndixa ni kuvi va ña, Tata Ndioxi, ra kuu mii takundiꞌi ndiee, saa chi tundoꞌo ña ^taxi kun ra ña ndaku ni va kuvi ña, chi mii ña ndaa va ^xa kun xiꞌin na xaꞌa kuachi na ―*kachi ra.

Apocalipsis 19:15

Ra yuꞌu ra ^kanata iin ichi ña ndi̱kó, ra xiꞌin ña kan ke sandiꞌi ra xaꞌa ñuu ña ndoꞌni nuu ña yuuvi, ra ndaku ni kaꞌndia ra chiñu nuu na xiꞌin itun kaa, tu ^niꞌi ra; ra kuañu ra na ta kuꞌva ^xa na, ta kuꞌni na uva; saa chi ña yoꞌo kuvi tundoꞌo ndiee ña ^taxi Ndioxi ra kuu mii takundiꞌi ndiee ndaꞌa na.

Apocalipsis 19:4

Ra oko kumi saa ndia xikuaꞌa kan, xiꞌin kumi saa ña tiaku kan, ra ndakusiti na ra ndiakua nditiandiaa nuu na ndia nuu ñuꞌú, ña ^ndasakaꞌnu na Ndioxi ra nduꞌu nuu tiayu kaꞌnu kan, ra kaꞌan na kachi na saa: ―¡Saa iyoo va ña! ¡Ra kaꞌnu kuvi Ndioxi! ―^kachi na.

Apocalipsis 21:22

Ra köo veꞌe ñuꞌu ndichi ñuu kan ndixini yu, saa chi Tata yo Ndioxi ra kuu mii takundiꞌi ndiee va kuvi ra kuu veꞌe ñuꞌu ñuu kan xiꞌin Jesucristo ra ku ndikachi loꞌo va.

Apocalipsis 3:7

’Ra vichin tiaa tu tutu ña kuꞌun nuu ra tatun Ndioxi ra ndiso chiñu xiꞌin veꞌe ñuꞌu ñuu Filadelfia, ra suꞌva ke kachi kun xiꞌin ra: “Ra Yii, ra Ndixa, ra niꞌi yave ña kuu mii ndiee ta kuꞌva ndixiyo ra rey David, ra ^ndakuña yeꞌe ra ndia nii na kuchüun ndasi ña; ra ^ndasi yeꞌe, ra ndia nii tu na kuchüun ndakuña va ña, kuvi ra kachi suꞌva:

Apocalipsis 4:4

Ra suvi mii nuu íin tiayu kaꞌnu kan xinunduu ka inka oko kumi tiayu ndita nu, ra xini yu oko kumi ndia xikuaꞌa ra ^ndixi ndia tikoto yaa, ra ^ñuꞌu ndia corona ña oro ndee ndia nuu tiayu kan.

Apocalipsis 4:6

Ra suvi mii nuu íin tiayu kaꞌnu kan ndikaa iin ñaꞌa ña yeꞌe ni ra taxa ka vi ña, ra iin ta kaa tiañuꞌu kaꞌnu, saa kaa ra. Ra xini yu kumi ña tiaku ra ^ndita ña maꞌñu nuu ndichi tiayu kaꞌnu kan, ra iin xinunduu ña tiayu kan. Ra tiaa ni kuaꞌa kuvi nduchi nuu ña chi iyoo ña chi nuu ña, ra iyoo tu ña chi sata va ña.

Apocalipsis 4:9

Ra nani saa kuu ña tiaku kan ^ndasakaꞌnu ña Ndioxi, ra ^nduꞌu nuu tiayu kaꞌnu kan, ra ^xatoꞌo ka vi ña ra, ra ^ndataxi ni ña tixaꞌvi ndaꞌa ra, ra tiaku iin ndisaa kii iin ndisaa tiempo.

Apocalipsis 5:6

Ra saa ndakotoꞌni yu ra xini yu tiañu tiayu kaꞌnu kan, xiꞌin tiañu kumi saa ña tiaku kan, xiꞌin tiañu na xikuaꞌa kan, ra xini yu ndichi iin ndikachi loꞌo, ra takaa ri xaꞌni na ndisoko na, saa kaa ri; ra iyoo uxa ndiki ri, ra iyoo tu uxa tinuu va ri; ra uxa saa tinuu ri yoꞌo kuvi uxa tachi ña kuu kuenda Ndioxi ña tiꞌvi ra vaxi iinii saa kuvi ña yuuvi yoꞌo.

Apocalipsis 6:1

Ra te xini yu ndaxi ra kuu ndikachi loꞌo kan tuni ña nuu, saa ra xini soꞌo yu ndikaꞌan iin ña tiaku, ña nuu, ra iin ta kuꞌva kuu ta ndaꞌyu savi saa kuu, ra ^kachi ña saa: ―¡Naꞌa, ra kuni kun! ―*kachi ña.

Apocalipsis 6:6

Ra saa xini soꞌo yu ndikaꞌan iin tachi tiañu kumi saa ña tiaku kan ^kachi ña saa: ―Iin litro loꞌo nuni trigo, a iin maquila cebada ke koo yaꞌvi na iin kii nduvi; ndi su na ndïꞌi xaꞌa aceite xiꞌin vino chi na koo va ra kan ―kachi ña.

Apocalipsis 7:11

Ra iin xinunduu takundiꞌi na tatun Ndioxi ^ndita na nuu íin tiayu kaꞌnu, xiꞌin nuu ndee na xikuaꞌa, xiꞌin nuu ndee kumi saa ña tiaku kan, ra ndakusiti na, ra ndiakua nditiandiaa nuu na ndia nuu ñuꞌu, nuu íin tiayu kaꞌnu kan, ra ^ndasakaꞌnu ka vi na Ndioxi,

Apocalipsis 7:15

Ra xaꞌa ña kan ke ^ndita na nuu íin tiayu kaꞌnu nuu nduꞌu Ndioxi vichin, ra ^ndasakaꞌnu na ra ini veꞌe ñuꞌu ña íin ndivi, ñuu kaꞌñu, ra kondiaa ra na xiꞌin ndiee ra.