Apocalipsis 3:3 - Mixteco Metlatónoc

³ Ña kan ke na ndakaꞌan kun xaꞌa ña sakuaꞌa kun te yachi, xiꞌin ña xini soꞌo kun, ra na kandixa kun ña, ra na nandiko ini kun xaꞌa kuachi kun, chi tu na kundïto kun, saa ra, iin kama va xaa yu nuu kun, ra nii kundäa ini vi kun ndia hora ke xaa yu, chi ta ^xa iin ra kuiꞌna va ke sa yu.

Apocalipsis 3:3 Iomraidhean Croise

San Mateo 25:13

Ra saa ndikaꞌan ka Jesús xiꞌin ndia itaꞌan xiꞌin ra kachi ra saa: ―Na kiꞌin ni tu ndoꞌo va kuenda xiꞌin mii ndo vichin, saa chi kundäa ini ndo ndia mii kii ke, ra ndia mii hora ke ndiko yuꞌu ra xaa yoꞌo kixi yu ―kachi ra xiꞌin ndia.

San Marcos 13:33

’Ra ña kan ke kuenda ni na koo ndo, ra kaꞌan ni ndo xiꞌin Ndioxi, ra kundito ni ndo chi kundäa ini ndo ama ke ndiko yu.

San Marcos 13:36

Chi kama ni va xaa ra, ra koto ndaniꞌi ra ndoꞌo ña ndee ndo kixi̱ ndo.

1 Tesalonicenses 5:2

Saa chi xa kundaa va ini ndo, chi kii ña kuëe ndiatu va yuvi ke nandiko ra kixi ra, ra ta kuꞌva xa iin ra kuiꞌna ña xika seꞌé ra ñuu va ke sa ra.

1 Timoteo 6:20

Ñani Timoteo, vivii va na kuniñuꞌu kun ña xinituni, ña taxi Tata yo Ndioxi ndaꞌa kun, ña sa kun chiñu ña kuni ra. Ra na tiäa soꞌo kun tuꞌun ña kaꞌan yuvi na kuëe kandixa Tata yo Jesucristo, saa chi tiaa ni va xa xini na xaꞌa tuꞌun Tata yo Ndioxi xiꞌin ña xinituni mii na, ndi su mii ña ndaa, ra ndia nii loꞌo ke xïni vi na;

2 Timoteo 1:13

Ra ña xa sañaꞌa yu yoꞌo, ra iin ita niñu ña vaꞌa ña xiniñuꞌu sa va kun kuvi ña, ta kuu ña kondiaa ini kun Tata yo Ndioxi, xiꞌin ña kuꞌvi ini kun inka yuvi xaꞌa ña xa nduu yo iin xiꞌin Tata yo Cristo Jesús.

Hebreos 2:1

Ra xaꞌa ña kan ke xiniñuꞌu ni va na kundaa vaꞌa ini yo xaꞌa tuꞌun ña ndaa ña xa xini soꞌo yo, ña vaꞌa na ndaköo yo ña ndikun yo ichi Tata yo Ndioxi.

2 San Pedro 1:13

Ra ña tuvi yu ra ña vaꞌa va kuvi ña sandakaꞌan yu ndoꞌo ta iin iin kii ña tiaku ka yu nuu ñuꞌu yoꞌo vichin,

2 San Pedro 3:1

Ñani yo, ña yoꞌo kuvi tutu ña uvi ña tiaa yu kuxaa ndaꞌa ndo, ra xaꞌa ña tiaa yu tutu ña nuu, xiꞌin xaꞌa ña ^tiaa yu tutu ña uvi yoꞌo ña kuxaa ña ndaꞌa ndo, ra xaꞌa ña kuni yu ña na ndakindiee ini ndo ra ndakani ini ndo ña sa ndo niña chiñu vaꞌa va kuvi ña.

2 San Pedro 3:10

Ndi su te xa na kixi Tata yo Jesucristo, ra ta kuꞌva ^xa ra kuiꞌna ra kiꞌvi veꞌe na te kuëe kiꞌin na kuenda va ke sa ra, saa chi kii ña kuëe ndiatu ndia nii va na ra ke kixi ra; ra xiꞌin ña ndiee ni kaꞌndi ra ndiꞌi va xaꞌa ndivi, ra koko takundiꞌi tu ñaꞌa ña iyoo nuu va ña; ra ndiꞌi tu xaꞌa ñuꞌu va, xiꞌin takundiꞌi ñaꞌa ña iyoo nuu ña.

Apocalipsis 16:15

Ña kan ke kuenda ni na koo ndo, chi kundäa ini ndo ama ke ndiko yu, chi ta kuꞌva ^xa iin ra kuiꞌna va ke sa yu te na ndiko yu. Ra vaꞌa ni kee yuvi na ndito, ra xa iyoo nduvi na xiꞌin tikoto ña kundixi na ña vaꞌa na käka yala na, ra kukäꞌan nuu na.

Apocalipsis 2:25

chi ña ^kuni yu ke ná taxi vaꞌa ndo ña xa iyoo nuu va ndo, ra xa ta ^xa ndo ke, na sa va ndo, ndia te na xaa kii ña nandiko yu xaa yu.

Apocalipsis 2:5

Xaꞌa ña kan ke na ndakaꞌan kun ndixaa ndixiyo kun te yachi, ra na nandiko tuku ini kun nuu Ndioxi, ra ndakiꞌin tuku kun sa kun chiñu ña xa kun te yachi. Chi tu na nandïko ini kun, saa ra xaa yu niꞌi yu yoꞌo ra sakutiaꞌa yu kaa kun ña xixi ñùꞌù nuu, nuu ndichi ña.

Apocalipsis 22:7

Ra suꞌva ke ^kachi Iva yo Jesús ndikaꞌan ra: ―¡Na kundaa ini ndo chi kama ni va ndiko yu kixi yu! ¡Ra vaꞌa ni va kee yuvi na ^kandixa tuꞌun yii ña kaꞌan Ndioxi, ña vaxi nuu tutu yoꞌo! ―*kachi ra.

Apocalipsis 3:11

Ra na kundaa ini kun chi kama ni va ndiko yu xaa tuku yu, ra ná kandixa ni ka va kun yuꞌu, ra xa ta kuꞌva ^xa kun ke, ná sa va kun, ra saa ke ndia nii na kuchüun ndakiꞌin ña vaꞌa ña ni̱ꞌi̱ kun ku̱ꞌu̱n kun nuu Ndioxi.

Apocalipsis 3:19

Chi yuꞌu, ra ndukueꞌe va yu xiꞌin na kuꞌvi ini yu xini yu, ra satixuꞌvi va tu yu na, ña vaꞌa na ndundaku chiñu ña ^xa na; ra na ndachikaa kun ndiee, ra na ndandiko ini kun nuu Ndioxi.

Apocalipsis 3:2

Ra vichin na ndoto kun ra kiꞌin kun kuenda xiꞌin ña saloꞌo iyoo nuu kun, saa chi xa ninumi ni va ndiꞌi xaꞌa ña, chi chiñu ña xá kun nuu Ndioxi ra kuëe ndaku iyoo ña.