Apocalipsis 11:8 - Mixteco Metlatónoc

⁸ Ra kundee iki kuñu ndia yaꞌya kaꞌnu, ña ndikaa maꞌñu ñuu chee kaꞌnu kan, nuu takaa na Iva yo Jesucristo ndaꞌa cruz; ñuu ña ^kaꞌan na kuu “Sodoma” a “Egipto” va tu.

Apocalipsis 11:8 Iomraidhean Croise

San Mateo 10:15

Ra ña ndixa ke kaꞌan yu xiꞌin ndo, chi te na xaa kii ña sandaku Ndioxi kuachi na yuuvi yoꞌo, ra chee ni ka tundoꞌo taxi Ndioxi ndaꞌa na yoꞌo, nuu na ñuu Sodoma xiꞌin na ñuu Gomorra na sandiꞌi Ndioxi xaꞌa xinaꞌa ―kachi Jesús xiꞌin ndia.

Hechos 9:4

Saa ra ndakava ra ñuꞌú va, ra saa xini soꞌo ra ndikaꞌan iin tachi kachi ña saa: ―Saulo, Saulo, ¿nichuun ^kanitaꞌan kun xiꞌin yu? ―kachi ña xiꞌin ra.

Hebreos 13:12

Ra mii saa kuvi tu ña ndoꞌo, Tata yo Jesucristo va, saa chi nuu ñuu va tava na ra, ña xaꞌni na ra, ra xiꞌin nii ra kuvi ña sandiꞌi ra xaꞌa kuachi na ñuu ra.

Hebreos 6:6

Ra ^küvi ka nandiko ini na, saa chi ña ^ndakoo na Tata yo Jesucristo, ra ta iyoo ra ^ndakatakaa tuku na ndika cruz va iyoo ra, ra ^xa siki tu na ra nuu takundiꞌi yuvi va.

2 San Pedro 2:6

Ra nii ndixïyo kaꞌnu tu ini Tata yo Ndioxi xaꞌa na ñuu Sodoma xiꞌin xaꞌa na ñuu Gomorra va, chi ña xa ra ke xaꞌmi va ra na ñuu kan ña ndiakua nduu na yaa, xaꞌa chiñu kiꞌvi ña xa na. Ra ña xaꞌmi Tata yo Ndioxi ñuu kan, ra ña vaꞌa na kundaa ini yuvi ña ^sandiꞌi ra xaꞌa yuvi na xa kuachi va kuvi ña.

Judas 1:7

Ra saa kuvi tu ña xa Tata yo Ndioxi xiꞌin na ñuu Sodoma, xiꞌin na ñuu Gomorra, ra saa tu xiꞌin na ndee ñuu ña ndoꞌni yachin kan va: saa chi sandiꞌi va ra xaꞌa na, xaꞌa ña ^xa na chiñu yakua, xiꞌin xaꞌa ña tiin tiaa inka tiaa taꞌan mii ndia, ra saa tu xaꞌa ña tiin na siꞌi, inka na siꞌi taꞌan mii va na. Ra xiꞌin tundoꞌo ña ndoꞌo yuvi kan kuvi ña kundaa ini yo ña ^tiꞌvi va Tata yo Ndioxi yuvi na xa chiñu yakua ña kuꞌun na nuu xixi ñùꞌù ña kuëe ndaꞌva.

Apocalipsis 11:13

Ra mii hora kan, ra ndiee ka vi taan, ra xiꞌin ña ndiee ni taan kan ra ndiꞌi va xaꞌa iin taꞌvi loꞌo ñuu na, ra kuvi uxa mil yuvi. Ra na ndoo, küvi, ra yuꞌvi ka vi na, ra xaꞌa na ndasakaꞌnu na Ndioxi, ra nduꞌu ndivi.

Apocalipsis 11:9

Ra uni kii sava ke kundee iki kuñu ndia, ra kuni takundiꞌi yuvi na ndee iinii kuvi ñuu ña, xiꞌin ndia ndia ka nuu yuvi, xiꞌin na ^kaꞌan ndia ndia ka tuꞌun, xiꞌin na ndee iinii kuvi ñuu naꞌnu, ra ndüxin na ndia.

Apocalipsis 14:20

Ra saa ndikuꞌni uva ini ñaꞌa nuu xa kuꞌni na ri, ña íin yachin nuu ñuu kaꞌnu, nuu iyoo teꞌe uva kan, ra ini ñaꞌa nuu kuꞌni na uva kan ndakoyo ni̱i̱. Ra tiaa ni sukun ndaa ña chi kuꞌva ndia nuu ndikaa kàà ña tiin yuꞌu iin kuayu ke xindokoo ña; ra uni ciento kilómetro ke ndakaa ni̱i̱ kan ndixaꞌan ña.

Apocalipsis 14:8

Ra saa ^ndíku̱n inka tuku ra tatun Ndioxi, ra uvi, ra ^kaꞌan ra kachi saa: ―Xa ndakava va ñuu chee kaꞌnu Babilonia, ra xa ndiꞌi va xaꞌa ña, saa chi ña kan kuvi ña sandaꞌvi takundiꞌi ñuu naꞌnu ña na kundikun ña inka ndioxi ña kuu yuu xiꞌin itun ―^kachi ra.

Apocalipsis 16:19

Ra ñuu chee kaꞌnu Babilonia ra uni nindata ña, ra takundiꞌi ñuu naꞌnu ña iyoo nuu ña yuuvi, ra ndiꞌi yaa va xaꞌa ña. Ra taxi Ndioxi tundoꞌo ñaꞌa ndaꞌa ñuu chee kaꞌnu Babilonia kan, saa chi ñúꞌu va ini ra xaꞌa chiñu kiꞌvi ña xa na nuu ra.

Apocalipsis 17:1

Ra saa kuyachi iin ndia tatun Ndioxi, ndia uxa ndia xiniꞌi iin iin copa kan, ra ndikaꞌan ra xiꞌin yu kachi ra saa: ―Naꞌa yoꞌo ra ña̱ꞌa̱ yu tundoꞌo kaꞌnu, ña ndoꞌo ñaꞌá ña koko, ña ^nduu nuu tiakuii, nuu kun.

Apocalipsis 17:18

Ra ñaꞌá ña xini kun kan kuvi ñuu chee kaꞌnu, ra ^xaꞌndia ña chiñu nuu takundiꞌi na kuu rey na iyoo nuu ña yuuvi ―*kachi ra tatun Ndioxi kan xiꞌin yu.

Apocalipsis 17:5

Ra tiaan ñaꞌá kan ndikaꞌyu iin tuꞌun, ña uꞌvi ni kundaa ini na yuvi xiꞌin: “Ra ñaꞌá chee kan kuvi ñuu Babilonia, ña kuu siꞌi takundiꞌi na siꞌi, na koko xiꞌin takundiꞌi ña yakua, ña iyoo nuu ña yuuvi.”

Apocalipsis 18:10

Ra xaꞌa ña yuꞌvi na kunaꞌnu kan koko na xiꞌin ñuu Babilonia ke kuita xika va na, ra kaꞌan na kachi na saa: ―¡Ndaꞌvi ni ñuu chee kaꞌnu Babilonia, ndaꞌvi ni ña! Chi ndaku ni ndixiyo ña, ra iin kama suꞌva va ndiꞌi xaꞌa ña xa Ndioxi ―kachi na.

Apocalipsis 18:18

ña ixtoꞌni na ña ndakundichi iꞌma ña xixi ñuu kaꞌnu kan, saa ra iin kokoꞌo nindaꞌyu na kachi na saa: ―Ndia nii ñuu ndikuchüun kitaꞌan xiꞌin ñuu chee yoꞌo ―^kachi na.

Apocalipsis 18:2

Ra ndiee ka vi ndikaꞌan ra kachi ra saa: ―Xa ndiꞌi va xaꞌa ñuu chee kaꞌnu Babilonia, xa ndiꞌi va xaꞌa ña; ra vichin ra xa veꞌe nuu iyoo ña ndivaꞌa va nduu ña, ra nduu tu ña kava nuu ndoꞌni takundiꞌi nuu tachi ndivaꞌa va, ra nduu tu ña chiꞌyo nuu ndoꞌni takundiꞌi nuu saa ñàꞌa, ri kini ni íin va.

Apocalipsis 18:21

Ra saa kiꞌin iin ra tatun Ndioxi, ra ndaku ni, iin yuu katia chee, ra sakoꞌni ra ña nuu tiañuꞌu, ra ndikaꞌan ra kachi ra saa: ―Iin ta kuꞌva ndakava yuu chee yoꞌo ini tiañuꞌu, ra iin kuꞌva saa ke kuu tu ndiꞌi xaꞌa yoꞌo va ñuu chee kaꞌnu Babilonia, ra ndia nii ka kii küni na yoꞌo.

Apocalipsis 18:24

Saa chi yoꞌo ñuu Babilonia kuvi ña kuu mii kuachi ña xaꞌni kun na ndikaꞌan ndoso tuꞌun Ndioxi xinaꞌa, xiꞌin na yii na kuu ñuu Ndioxi, ra saa tu na kuaꞌa na xaꞌni kun, iinii saa kuvi ña yuuvi va ―*kachi ra tatun Ndioxi kan xiꞌin ñuu Babilonia.