Apocalipsis 1:1 - Mixteco Metlatónoc

¹ Ndiñaꞌa Ndioxi takundiꞌi ña xa chituni ra sa ra nuu Jesucristo ña vaꞌa na ndataxi ra yoꞌo ña ndaꞌa na ndikun sata ra, ra na kundaa ini na xaꞌa takundiꞌi ña sa Ndioxi, ña xa ninumi ni kuu, ña xa tanii vaxi nuu na. Ra Jesucristo kuvi ra tiꞌvi iin tatun ra ña kixi ra ndatuꞌun ra xiꞌin ra Juan, ra xa chiñu nuu ra.

Apocalipsis 1:1 Iomraidhean Croise

San Juan 12:49

Saa chi yuꞌu, ra süvi ña kuni mii yu ke kaꞌan yu; chi Tata yu ra tiꞌvi yuꞌu va kuvi ra xaꞌndia chiñu nuu yu, ndia ña ke xiniñuꞌu kaꞌan yu, ra ndia ña ke xiniñuꞌu sañaꞌa yu ndoꞌo.

San Juan 15:15

Ra käꞌan ka yu ña kuu ndo, ndia xachiñu tatu, saa chi ndia xachiñu tatu ra xïni vi ndia kan, xaꞌa takundiꞌi chiñu ña xa xitoꞌo ndia. Ña kan ke ndoꞌo, ra ndia itaꞌan mani xiꞌin va yu kaꞌan yu xiꞌin ndo, saa chi xa ndañaꞌa ndiꞌi va yu tuꞌun ña ndikaꞌan Tata yu xiꞌin yu nuu ndo.

San Juan 17:8

Ra tuꞌun ña taxi kun ndaꞌa yu ke sañaꞌa va yu na; ra xiin va na kandixa na ña, ra kundaa kaxi va ini na ña kee yu nuu iyoo kun, ra ^kandixa tu na ña tiꞌvi kun yuꞌu xaa va yu.

San Juan 3:32

Ra ña xini ra xiꞌin ña xini soꞌo ra, ra ndatuꞌun va ra ña xiꞌin na yuuvi yoꞌo, ndi su ndia nii na xïin kandixa ña ndatuꞌun ra.

San Juan 8:26

Iyoo ni ña kaꞌan yu xaꞌa ña ^xa ndo ra sandaku tu yu xaꞌa ña xiꞌin va ndo. Ra ña ndaa va ke kaꞌan yu saa chi ra tiꞌvi yuꞌu vaxi yu ra ña ndaa va ke kaꞌan ra, ra ña ndikaꞌan ra kan xini soꞌo yu ke, kaꞌan yu xiꞌin na yuuvi yoꞌo va ―kachi ra xiꞌin ndia.

Romanos 16:25

Ra na ndasakaꞌnu yo Tata yo Ndioxi, ra kuvi chindiee taꞌan xiꞌin ndo ña vaꞌa tuun ni na kundikun ndo tuꞌun vaꞌa xaꞌa Jesucristo, ña ndatuꞌun yu xaꞌa xiꞌin ndo. Saa chi xiꞌin ña yoꞌo ke ndañaꞌa Ndioxi chiñu ra ña ndixiyo seꞌe ta kumani ka kukava xaꞌa ña yuuvi va,

Gálatas 1:12

Ra nii süvi tu na yuuvi yoꞌo va nditaxi ña ndaꞌa yu, ra nii süvi tu na yuuvi ndisañaꞌa ña yuꞌu va, chi Tata yo Jesucristo va kuvi ra sañaꞌa ña yuꞌu.

Efesios 3:3

Ra xa ta kuꞌva iyoo ña loꞌo ña tiaa yu tiꞌvi yu xaa nuu ndo ke iyoo va ña, chi mii va Ndioxi kuvi ra ndañaꞌa ña kuu kuenda mii ra ña ndixiyo seꞌe nuu yu ña vaꞌa kundaa ini yu xiꞌin ña.

Tito 1:1

Yuꞌu, ra Pablo, ra xachiñu nuu Tata yo Ndioxi, ra xika tu yu chiñu nuu Tata yo Jesucristo va, kuvi ra ^tiaa tutu yoꞌo kuxaa ña ndaꞌa kun, ñani Tito. Ra mii va Tata yo Ndioxi kuvi ra ndikaxin yuꞌu, ra xaꞌndia ra chiñu nuu yu ña na kaka yu chindiee taꞌan yu xiꞌin na ñuu ra, ña vaꞌa ndinuni ni ka na kandixa na ra, ra saa tu ña vivii na kundaa ini na ña ndaa xaꞌa Tata yo Jesucristo va, ña vaꞌa na kutiaku na ta kuꞌva kuni mii Tata yo Ndioxi.

Apocalipsis 1:19

Ra tiaa ña xa xini kun, xiꞌin ña ^xíní kun vichin, xiꞌin ña kuu kii ña vaxi.

Apocalipsis 1:9

Yuꞌu, ra Juan, ra kuvi ñani ndo, ra ^ndoꞌo ini xiꞌin ndo xaꞌa ña ndikun yo Jesucristo; ra niniꞌi taꞌvi tu yu ña kuu yu ñuu Ndioxi xiꞌin ndo, ra ^chindiee taꞌan ra xiꞌin yu ña vaꞌa tuun ni ndichi yu ta kuꞌva iyoo ndoꞌo. Chi ra kan kuvi ra ^xa ña vaꞌa xiꞌin yo. Ra xaꞌa ña ndatuꞌun yu tuꞌun Ndioxi, xiꞌin ña ndakani yu xaꞌa ña xa Jesucristo ke tiin na yuꞌu ra ndixaꞌan na ndiaka na yuꞌu, ndia iku loꞌo ña ndikaa niꞌni nuu tiañuꞌu ña nani Patmos.

Apocalipsis 17:1

Ra saa kuyachi iin ndia tatun Ndioxi, ndia uxa ndia xiniꞌi iin iin copa kan, ra ndikaꞌan ra xiꞌin yu kachi ra saa: ―Naꞌa yoꞌo ra ña̱ꞌa̱ yu tundoꞌo kaꞌnu, ña ndoꞌo ñaꞌá ña koko, ña ^nduu nuu tiakuii, nuu kun.

Apocalipsis 19:10

Ra saa ndakusiti yu xaꞌa ra, ña ndasakaꞌnu yu ra, ra saa ndikaꞌan ra xiꞌin yu kachi ra saa: ―Xä kun saa chi ta iyoo yoꞌo ña xachiñu kun nuu Ndioxi, xiꞌin ta kuꞌva iyoo takundiꞌi na ñani kun na ^ndikun ndinuni tuꞌun Jesús, saa ke iyoo tu yuꞌu va. Ra na ndasakaꞌnu kun Ndioxi va. ―*kachi ra. Saa chi tuꞌun ña ndikaꞌan ndoso Jesús ke ndataxi tu ndiee ndaꞌa na kaꞌan ndoso tuꞌun Ndioxi vichin va.

Apocalipsis 19:9

Ra saa ndikaꞌan ra tatun Ndioxi kan xiꞌin yu kachi ra saa: ―Tiaa tuꞌun yoꞌo: “Vaꞌa ni kee yuvi na ^kana Ndioxi kuꞌun kuxini nuu iyoo viko, ña ^tandaꞌa ra ku ndikachi loꞌo”, kachi ra. Ra saa ndikaꞌan ka ra, kachi ra saa: ―Ña yoꞌo ku tuꞌun Ndioxi, ña ndixa ―*kachi ra.

Apocalipsis 21:2

Ra yuꞌu, ra Juan, kuvi ra xini ñuu yii ña kuu Jerusalén ña xaa, ra chi ndivi nuu nduꞌu Ndioxi ke kee ña vaxi nuu ña, ra ta kaa iin ñaꞌá ña xa ndasanduvi xiꞌin mii, ña tandaꞌa ña xiꞌin ra kuu yii ña, saa kaa ñuu kan xini yu.

Apocalipsis 21:9

Ra saa kixi iin ndia tatun Ndioxi ndia uxa kan, ndia xiniꞌi uxa copa nuu xiñuꞌu uxa nuu tundoꞌo ñàꞌa ña kixi xa Ndioxi, ra ndikaꞌan ra xiꞌin yu kachi ra saa: ―Naꞌa yoꞌo, ra ña̱ꞌa̱ yu ña siꞌi ña tandaꞌa xiꞌin ra kuu ndikachi loꞌo nuu kun ―*kachi ra.

Apocalipsis 22:1

Te ndiꞌi ra saa ndiñaꞌa ra tutun Ndioxi kan iin itia ra kuíí ní nuu yu, ra ra yoꞌo kuvi ra taxi ña kutiaku yuvi. Ra vaꞌa ni ra chi iin ndiakua yeꞌe niꞌni ra, ra nuu íin tiayu kaꞌnu nuu nduꞌu Ndioxi xiꞌin nuu nduꞌu ra kuu ndikachi loꞌo ke kana ra.

Apocalipsis 22:16

Ra saa ndikaꞌan ka Jesús kachi ra saa: ―Yuꞌu, ra kuu Jesús kuvi ra tiꞌvi iin ra tatun yu xaa ra nuu takundiꞌi na veꞌe ñuꞌu, ña ndatuꞌun ra xiꞌin na xaꞌa ña kuu. Ra yuꞌu kuvi ra kuu ndiseꞌe ra rey David, ra kuu tu yu Kimi ri yeꞌe ní, ri kanata te tuvi va ―kachi ra.

Apocalipsis 22:6

Ra saa ndikaꞌan ra tatun Ndioxi kan xiꞌin yu kachi ra saa: ―Tuꞌun yoꞌo ra ña ndixa ní va kuvi ña, ra na kundiaa ní ini yo ña. Ra Iva yo Ndioxi, ra taxi ña xinituni ndaꞌa na ndikaꞌan ndoso tuꞌun ra xinaꞌa kuvi ra tiꞌvi tatun ra, ña ña̱ꞌa̱ ra takundiꞌi ña xa ndinumi ni kuu nuu takundiꞌi na xachiñu nuu ra ―*kachi ra.

Apocalipsis 22:8

Yuꞌu, ra Juan, kuvi ra xini, ra xini tu soꞌo va yu, takundiꞌi ña yoꞌo, ra te ndiꞌi xini yu ña xiꞌin ña xini soꞌo yu ña, ra saa ndakusiti yu xaꞌa ra tatun Ndioxi ra ndiñaꞌa ña nuu yu, ña ndasakaꞌnu yu ra.

Apocalipsis 22:9

Ra saa ndikaꞌan ra xiꞌin yu kachi ra saa: ―Xä kun saa, chi na ndasakaꞌnu kun Ndioxi va; saa chi ta iyoo yoꞌo ña xachiñu kun nuu Ndioxi, xiꞌin na ndikaꞌan ndoso tuꞌun ra, xiꞌin takundiꞌi na ^kandixa tuꞌun ra ña vaxi nuu tutu yoꞌo, ra ndasakaꞌnu na ra, saa ke iyoo tu yuꞌu va ―kachi ra tatun Ndioxi kan xiꞌin yu.

Apocalipsis 4:1

Te ndiꞌi yoꞌo, saa sakuꞌun nuu yu ndakotoꞌni yu ra xini yu iin yeꞌe chi ndivi, ra nuña ña, ra xini soꞌo yu ña ndikaꞌan suvi mii tachi ña xa ndikaꞌan xiꞌin yu ta yachi, ña ndiee ni kaꞌan, ta kuꞌva ndaꞌyu iin itun tu tivi na, ra ndikaꞌan ña xiꞌin yu kachi ña saa: ―Ndaa yoꞌo ra ñaꞌa yu ña kuu nuu kun ―kachi ña xiꞌin yu.

Apocalipsis 5:7

Ra saa ndixaa ra kuu ndikachi loꞌo kan nuu ra ^nduꞌu tiayu kaꞌnu kan, ra kiꞌin ra tutu ña ^tiin ra chi ndaꞌa kuaꞌa ra.