Apocalipsis 1:3 - Mixtec Jamiltepec

³ Sɨɨ xaan cuñí ñu sacuaha tuhun cha nyaá nu tutu tuhun Nyoo ihya. Ta sɨɨ xaan cuñí ñu chiñí tuhun cha cahán chi ta quichahá ñu, vatyi tandɨhɨ tuhun cha nyaá nuu tutu Nyoo, cha nyañaa yatyin quɨvɨ cha cunyehe yo.

Apocalipsis 1:3 Iomraidhean Croise

San Mateo 24:15

’Tandɨhɨ nyoho cha sacuahá ndo ihya, na cutuñi iñi ndo tuhun ihya: Ra Daniel, ra profeta Nyoo ta cha naha, tyaa̱ ra tuhun noo cha sacuquiñí caa, noo cha satɨvɨ́. Ta quɨvɨ nyehe ndo vatyi chaa ihya Nu Ii,

San Lucas 11:28

Soco ra Jesús catyí ra: ―Sɨɨ ca cuñí ñu cha chiñí tuhun cahán Nyoo ta quichahá ñu ―catyí ra.

Romanos 13:11

Chihin tuhun ihya sa̱ha yo cuenda quɨvɨ iyó yo. Vatyi cha chaa̱ chi cuhva cha ndoyo yo ta ma cundihñi yo. Vatyi quɨvɨ nachino iñi yo chi ra Cristo, naha xaan ca nyaá quichi quɨvɨ cucacu ndɨhɨ añima yo, soco vityin cha cuyatyin.

Romanos 13:12

Cha cua yaha cha cha cuaa. Ta cha cua cundichin. Yucuan chaha cuñí chi sandɨhɨ yo cha sacuvi yo cha sacuví ñu iyó nu ñaa iñi. Ta tahán chi sacuvi yo cuhva sacuví ñáyɨvɨ iyó nu ndichin.

1 Pedro 4:7

Soco cha cuyatyin cha cundɨhɨ tandɨhɨ maa. Yucuan chaha cachi co̱o ndo ta cunyaa vaha ndo tyiño cha chicán tahvi ndo.

2 Pedro 3:8

Soco yañi, cuñí xain chi ndo. Ta cuñí vatyi ma naa iñi ndo vatyi cha cuenda Sutu Mañi yo noo quɨvɨ tari cha noo mil cuiya cuví cuan, ta cha noo mil cuiya tari cha noo quɨvɨ cuví cuan chi ra.

Apocalipsis 22:10

Ta catyí tucu ra chii: ―Ma tixehun tuhun Nyoo cha nyaá nu libru ihya, vatyi cha cuyatyin quɨvɨ cha cuchino cava chi.

Apocalipsis 22:12

Ta Sutu Mañi yo catyí ra: ―Nye̱he ndo. Cha cuyatyin quɨvɨ quichi. Ta cutyiyahvi chi tahan tahan ñáyɨvɨ yoso cuhva cha sacuví ñu, tatu cha vaha o cha ña vaha.

Apocalipsis 22:20

Ta Sutu Mañi yo ra cha chahá cuenda ihya catyí ra tyehe caa: ―Cha ndicha vatyi cha cuñí quichi ―catyí ra. Ta yuhu catyí: ―Na cuvi chi tyicuan caa. Ña̱ha, Sutu Mañi yuhu, Jesús ―catyí yuhu.

Apocalipsis 3:11

Numi ri cuquichi. Sa̱ha vaha ndo cuenda cuhva iyó ndo, coto yóó cha tinyaa premio cha cuñihi ndo.