MATEWɄ 23:26 - Mixe Juquila

²⁶ ¡Fariseeʉ wiindsʉty! Jawyiin xypyújʉt jodoty ja mvasʉ es ja mdexy, jaꞌadsʉ dʉꞌʉn nꞌandijpy yʉ mꞌa̱a̱ mjot, es nétnʉm wyʉꞌʉmʉt wa̱ꞌa̱ts nandʉꞌʉn mnikʉjxy.

MATEWɄ 23:26 Iomraidhean Croise

MATEWɄ 12:33

’Pʉn oy ja kepy, tʉʉmpꞌa̱jtp oy; es pʉn ja kepy kyaj ꞌyóyʉty, nan axʉʉk ja tyʉʉmp. Ja kepy yaꞌʉxkapy ma̱ ja tyʉʉmbʉn.

MATEWɄ 14:8

Net ja kiixy oj wyinma̱ꞌa̱ñ myoꞌoyʉty jawyiin ja tya̱a̱k. Ta tꞌanma̱a̱y ja Eroodʉs: —Meegyʉts palanganoty yʉ Fwank Yajnʉbajtpʉ kyʉba̱jk.

MARKɄS 7:4

Es ko tʉ ꞌyotstʉ ma̱a̱yóty, kyaj kyaydyʉ pʉn kyaj kyʉbujtʉ wa̱ꞌa̱ts wa̱ꞌa̱ts. Es ta mayʉ kostúmbrʉty diꞌibʉ yʉꞌʉjʉty ꞌyakpaduundʉp, éxtʉm ko tpujtʉ vyasʉ diꞌibʉ tyukꞌúkʉdʉp, ja pyujxnduꞌts esʉ wiingátypyʉ ꞌyabʉjk ꞌyaduꞌunʉn.

LUKɄS 11:39

Es ja Windsʉ́n Jesús jyʉnáñ: —Miits fariseeʉty xyajwa̱ꞌa̱tstʉ wingʉjxy yʉ mvasʉ es yʉ mdexy. Es nandʉꞌʉn miits mdsiꞌi mxʉtstʉ es mnaywyítʉdʉ yajxón es dʉꞌʉn mgʉxʉꞌʉktʉ mnikʉjxy tsuj. Per mjodoty mnaywyinnaxʉja̱ꞌa̱p es mmaadsa̱a̱mp esʉ axʉʉkpʉ mwinma̱ꞌa̱ñ xymyʉdattʉ.

LUKɄS 6:45

Ja ja̱ꞌa̱yʉ oyjyaꞌaybyʉ tsuj kyajxy myadyaꞌaky mʉt ko ijtp jyodoty ja oybyʉ, es ja axʉk ja̱ꞌa̱ybyʉ myadyakypy ja tsa̱a̱tsykyʉbétypyʉ mʉt ko ijtp jyodoty ja axʉkꞌa̱jtʉn.

2 KORINTɄ 7:1

Mʉguꞌugítʉty, jaꞌa ko Diosʉ dʉꞌʉn xymyʉwa̱ndákʉm, pa̱a̱ty nnayyaꞌijtʉm wa̱ꞌa̱ts ma̱ yʉ diꞌibʉ mba̱a̱t xyaꞌꞌaxʉꞌkʉm, dʉꞌʉn éxtʉm nniniꞌxkyʉjxm es éxtʉm nandʉꞌʉnʉ nꞌanmʉja̱ꞌa̱nꞌa̱jtʉm. Nꞌoktuꞌunʉm wiꞌix nꞌijtʉm wa̱ꞌa̱ts wa̱ꞌa̱ts jaꞌagyʉjxm ko Dios ndsʉꞌkʉm.

EBREEɄSɄTY 10:22

pa̱a̱ty nꞌokmʉwingoꞌonʉm ja Dios amumduꞌuk jot, mʉt ko yajxón nnija̱ꞌa̱m ko yʉ njotꞌa̱jt nwinma̱ꞌa̱ñꞌa̱jtʉm tʉ wyatsta̱ꞌa̱y es kyaj ti nbekyjya̱ꞌa̱m, es ko tʉ yʉ nniniꞌxꞌa̱jtʉm wyatsta̱ꞌa̱y mʉt ja wa̱ꞌa̱tspʉ nʉʉ.

Santya̱ꞌa̱gʉ 4:8

Mʉwingondʉ Dios, es yʉꞌʉ nandʉꞌʉn mmʉwingónʉdʉp miidsʉty. Yajwa̱ꞌa̱tstʉ mgʉꞌʉ esʉ mjot mwinma̱ꞌa̱ñ, miidsʉty, pojpʉ ja̱ꞌa̱yʉty es diꞌibáty ꞌyaduunmukándʉp dʉꞌʉn diꞌibʉ Dios tsyejpy, es nandʉꞌʉn ja naxwíñʉdʉ winma̱ꞌa̱ñ.