MATEWɄ 21:16 - Mixe Juquila

¹⁶ Ta tꞌanma̱a̱ydyʉ ja Jesús: —¿Mmʉdeepy éxtʉm jyʉna̱ꞌa̱ndʉ? Ta Jesús ꞌyadsooy: —Nmʉdeebyʉts. ¿Per tii, kyajnʉm xyajmadya̱ꞌa̱ktʉ miidsʉty ja Diosʉ jyaaybyajtʉn ko tya̱a̱dʉ tmadyaꞌagyʉ? Dʉꞌʉn jyʉnaꞌañ: Tʉ xypyʉjtaꞌaky es ja ʉna̱ꞌkuꞌungʉty, es extʉ diꞌibʉ tsiꞌtspnʉm, mꞌawdátʉdʉt amumduꞌuk jot.

MATEWɄ 21:16 Iomraidhean Croise

MATEWɄ 11:25

Ma̱ tadʉ tiempʉ ja Jesús kya̱jxtáky, es jyʉnáñ: —Tatituꞌunk, nꞌawda̱jtypyʉts mij diꞌibʉ Windsʉnꞌa̱jtp tsa̱jpótm es ya̱ naxwiiñ, jaꞌa ko mij tʉ xyuꞌutsy ja mꞌayuk mʉt ja ja̱ꞌa̱yʉty diꞌibʉ yajtijtʉp ʉxpékyʉty es wijyjyaꞌayʉty, per mij tʉ xytyukꞌixy ja ja̱ꞌa̱y diꞌibʉ dʉꞌʉn éxtʉm ʉna̱ꞌkuꞌungʉty.

MATEWɄ 12:3

Ta ja Jesús ꞌyadsoojʉ: —¿Tii kyajnʉm miits xyꞌʉxpʉktʉ diꞌibʉ tyuun ja Davit ko yʉꞌʉ es ja jyamyʉʉdʉty tmʉda̱jttʉ ja yuu?

MATEWɄ 19:4

Yʉꞌʉ ꞌyadsoojʉdʉ: —¿Kyajnʉm miits xykya̱jxtʉ ja Diosʉ jyaaybyajtʉn ma̱ tmadyaꞌaky ko jawyíñʉp ja Dios tkojy ja ja̱ꞌa̱yʉty, ja yedyʉjk esʉ toxytyʉjk?,

MATEWɄ 22:31

Yʉ oꞌkpʉty sitʉy jikypyʉ́ktʉp. ¿Tii kyajnʉm miits xykya̱jxtʉ diꞌibʉ Dios kʉꞌʉm jʉna̱a̱mp ma̱ ja jyaaybyajtʉn?, ma̱ tꞌanma̱a̱y ja Moisés:

MARKɄS 13:17

¡Pʉroobʉ ja toxytyʉjkʉty diꞌibʉ naty ijtp uꞌunkmʉʉt ma̱ tadʉ xʉʉ es diꞌibʉ yaꞌuꞌunktsiꞌtstʉp!

MARKɄS 2:25

Es ja Jesús ꞌyadsooy: —¿Tii ni na̱ꞌa̱nʉm miits xykyaꞌʉxpʉktʉ diꞌibʉ tyuun ja Davit ko tʉgok mʉt ja jyamyʉʉdʉty oj tyʉgoyꞌa̱jtxʉdʉ es oj yuꞌoogʉdʉ?

LUKɄS 21:23

Pʉroobʉ yʉ toxytyʉjkʉty diꞌibʉ uꞌunkmʉʉdʉty es diꞌibʉ yaꞌuꞌunktsiꞌtsp ko dʉꞌʉn jyátʉt, jaꞌa ko mʉk ayoꞌon ñáxʉt ma̱ ja nax, y niꞌigʉ jyáttʉt tsa̱a̱tsy kyʉbety ma̱ tya̱dʉ ja̱ꞌa̱yʉty.