MATEWɄ 12:31 - Mixe Juquila

³¹ ’Es nꞌanʉʉmʉdʉ ko yʉ ja̱ꞌa̱yʉty mba̱a̱t yajmeꞌxy tʉgekyʉ oytyim diꞌibʉdyʉ pyojpʉty esʉ ꞌyaxʉk kajxy, per pʉn myʉga̱jxtʉgeepy ja Espíritʉ Santʉ, taadʉ kyaj mba̱a̱t yajmeꞌxy.

MATEWɄ 12:31 Iomraidhean Croise

LUKɄS 12:10

Es oytyim pʉ́nʉty diꞌibʉts ʉj, ja Naxwíñʉdʉ Ja̱ꞌa̱yʉdyʉ Kyudʉnaabyʉ, xykya̱jxpátp axʉʉk, mba̱a̱t yʉꞌʉ yajmeꞌxy. Per diꞌibʉ myʉꞌꞌʉdʉgeepy myʉga̱jxtʉgeepy ja Espíritʉ Santʉ, yʉꞌʉ mʉt ñaybyekytyʉ́kʉdʉt es ni na̱ꞌa̱ Dios kyapojpʉmaꞌxʉdʉt.

APOSTɄLɄTY 7:51

Es ja Esteebʉ niꞌigʉ tꞌakꞌanma̱a̱ydyʉ: —Miidsʉty kyaj ꞌyóyʉty ja mwinma̱ꞌa̱ñʉty, pa̱a̱ty kyaj xymyʉdowa̱ꞌa̱ndʉ. Tuk nax tiꞌigyʉty miidsʉty mʉt ja mꞌaptʉjkʉty, taayʉm miidsʉty nandʉꞌʉn xymyʉdsipꞌattʉ ja Espíritʉ Santʉ.

EBREEɄSɄTY 10:26

Pʉn njanija̱ꞌa̱m ja tʉyꞌa̱jtʉn es nꞌakpekytyuunꞌadʉ́tsʉm, kyaj ñakyjyaaty ja windsʉꞌkʉn diꞌibʉxyʉp nya̱jkʉm ma̱ Dios es ja nbekyꞌa̱jtʉm xytyukniwátsʉm,

EBREEɄSɄTY 10:29

Pes waanʉ niꞌigʉ ñitʉ́kʉty ja mʉj tʉydyuꞌunʉn diꞌibʉ tyuktaꞌan tyuknajptʉp ja Diosʉ ꞌyUꞌunk, es dʉꞌʉn tꞌʉxtijtʉ ja kajxyꞌátypyʉ diꞌibʉ Dios yajnaxkʉdák mʉdʉ neꞌpyñ, es nandʉꞌʉn kyaj tmʉjꞌíxtʉ ja Espíritʉ Santʉ diꞌibʉ yajmiimpy ja Diosʉ tsyojkʉn ma̱ ja ja̱ꞌa̱yʉty.

EBREEɄSɄTY 6:4

Ja ja̱ꞌa̱yʉty diꞌibʉ tʉ tnijáwʉdʉ ja Diosʉ jyaꞌa, diꞌibʉ tʉ tꞌaxá̱jʉdʉ ja Diosʉ myadakʉn, diꞌibʉ tʉ ja Espíritʉ Santʉ tmʉdattʉ,

1 FWANK 1:9

Per pʉn maya̱jtsʉm ko nbekytyuꞌunʉm, Dios diꞌibʉ tyiimpy ja tʉyꞌa̱jtʉn, xypyojpʉmaꞌxa̱ꞌa̱nʉm es xyajwátsʉm tʉgekyʉ nbojpʉꞌa̱jtʉm.

1 FWANK 5:16

Pʉn ꞌyijxypy ko tuꞌugʉ myʉguꞌuk ttuñ ja peky diꞌibʉ kyaj myʉnejxyʉty ma̱ ja oꞌkʉn, waꞌan tka̱jxtaꞌaky ma̱ Dios kʉdiibʉ ꞌyoogʉt. Jaꞌa ko taa yʉ peky diꞌibʉ mʉnʉjxp ma̱ ja oꞌkʉn, es mʉdʉ tya̱dʉ peky kyajts njʉna̱ꞌa̱ñ es kya̱jxta̱ꞌa̱gʉt yʉꞌʉgyʉjxm.