MATEWɄ 12:10 - Mixe Juquila

¹⁰ Japʉ naty tuꞌugʉ yedyʉjk diꞌibʉ myʉda̱jtypy ja kyʉꞌʉ tuk aduꞌum tʉꞌʉts. Es kom ja fariseeʉty ꞌyʉxta̱a̱ydyʉp wiꞌix tꞌokpʉjtákʉdʉ pyojpʉ ja Jesús, ta dyajtʉʉdʉ: —¿Tii mba̱a̱t ꞌyagʉdaꞌaky tuꞌugʉ puma̱ꞌa̱y ma̱ poꞌxʉnxʉʉ?

MATEWɄ 12:10 Iomraidhean Croise

MATEWɄ 12:2

Ko ja fariseeʉty tꞌijxtʉ taadʉ, ta tꞌanma̱a̱ydyʉ ja Jesús: —Ix yʉ mꞌʉxpʉjkpʉty, jaꞌa tyuundʉp diꞌibʉ kyaj ñigutíkyʉty ma̱ ja poꞌxʉnxʉʉ.

MATEWɄ 19:3

Net na̱a̱gʉdyʉ fariseeʉty tnimiindʉ ja Jesús es tꞌixa̱ꞌa̱ndʉ wiꞌix tꞌokꞌyajka̱ꞌa̱dʉt. Ta dyajtʉʉdʉ: —¿Ti mba̱a̱t ñaywyaꞌxyʉty tuꞌugʉ yedyʉjk mʉdʉ ñʉdoꞌoxy mʉt oytyi winma̱ꞌa̱ñʉty?

MARKɄS 3:2

Es na̱a̱gʉdyʉ fariseeʉty tꞌix ttundʉ ja Jesús pʉn ꞌyokꞌyaꞌꞌagʉdakypy ja puma̱ꞌa̱y ma̱ ja sa̱a̱bʉdʉ xʉʉ, es dʉꞌʉn tmʉdáttʉt wiꞌix tꞌokniꞌʉʉnʉdʉt.

LUKɄS 11:54

es tꞌʉxta̱ꞌa̱y ja winma̱ꞌa̱ñ wiꞌix dyajka̱ꞌa̱jʉt es tniꞌʉʉnʉt.

LUKɄS 13:14

Es jyotꞌambejky ja diꞌibʉ ijtp windsʉ́n ma̱ ja tsa̱jptʉjk, jaꞌa ko Jesús tʉ dyaꞌꞌagʉdaꞌaky ma̱ sa̱a̱bʉdʉ xʉʉ tadʉ toxytyʉjk. Es ja tsa̱jptʉjkʉ ñʉwindsʉ́n tꞌanma̱a̱y ja ja̱ꞌa̱yʉty: —Tuꞌuk tuꞌugʉ sʉma̱a̱n tʉdujk xʉʉ mba̱a̱t mmindʉ es mꞌagʉda̱ꞌa̱ktʉt, per sa̱a̱bʉdʉ xʉʉ kyaj mba̱a̱t.

LUKɄS 20:22

Anmaagyʉts, ¿tii mba̱a̱dʉts ʉj ngugʉbattʉ ma̱ ja yajkutujkpʉ kopk Sésʉr, o kyajʉ?

LUKɄS 23:14

es tꞌanma̱a̱y: —Miidsʉty tʉ xyajmíndʉ tya̱dʉ yedyʉjk es mjʉna̱ꞌa̱ndʉ ko dyajpʉdʉꞌʉktʉ ja̱ꞌa̱yʉty, es ʉj tʉts nyajtʉ́y es nbayoꞌoyʉts, es kyajts nbatʉ ni ti pyeky éxtʉm miits xyñiꞌʉʉnʉdʉ.

LUKɄS 23:2

Es jap tniꞌʉꞌʉnʉdʉ es jyʉnandʉ: —Tʉts nba̱a̱ttʉ ko tya̱dʉ yedyʉjk niꞌigʉ dyajnaymyúk dyajnaydya̱ꞌa̱dsʉdʉ ja nja̱ꞌa̱yꞌa̱jtʉm es jyʉnaꞌañ ko kyaj ngugʉbajtʉm ma̱ yʉ yajkutujkpʉ kopk, es nandʉꞌʉn jyʉnaꞌañ ko yʉꞌʉ Kyrístʉty, tuꞌugʉ rey.

FWANK 5:10

yʉꞌʉjʉty tꞌanma̱a̱ydyʉ ja diꞌibʉ naty tʉ ꞌyagʉdaꞌaky: —Poꞌxʉnxʉʉ tyam. Kyaj ñikutíkyʉty es xytsyʉʉmʉdítʉt yʉ mmabajn.

FWANK 5:3

Japʉ naty ja ja̱ꞌa̱y may pya̱ꞌa̱mgoꞌknʉdʉ naxkʉjxy. Tapʉ wiints, ʉxneybyʉ, xux, diꞌibʉ kyaj mba̱a̱t yiꞌxy. Jap ꞌyawixtʉ pilʉ paꞌa̱a̱y es ja nʉʉ yuꞌxʉt.

FWANK 7:23

Miits mdsujktʉp yʉ mma̱a̱nguꞌungʉty oy sya̱a̱bʉdʉty éxtʉm jyʉnaꞌañ ja Moisés ꞌyanaꞌa̱mʉn. ¿Es ti ko mjotꞌambʉktʉ mʉt kots tuꞌugʉ yedyʉjk nyaꞌꞌagʉdakta̱a̱y sa̱a̱bʉdʉ xʉʉ?

FWANK 8:6

Dʉꞌʉn jyʉnandʉ es tpʉjta̱ꞌa̱ktʉ ja pyeky es dʉꞌʉn mba̱a̱t tniꞌʉʉnʉdʉ. Ta Jesús wyindaky es jyaay naxkʉjxy mʉt tuꞌugʉ kyʉwaꞌxypy.

FWANK 9:16

Niduꞌugʉdyʉ fariseeʉty jyʉnandʉ: —Tya̱dʉ yedyʉjk diꞌibʉ dʉꞌʉn tʉ ttuñ, kyajpʉ Dios jyaꞌaꞌátyʉty, mʉt ko kyaj tʉ twindsʉꞌʉgʉ ja poꞌxʉnxʉʉ. Es wiingátypyʉ jyʉnandʉ: —¿Wiꞌix mba̱a̱t ttuñ ja ijxwʉꞌʉmʉn diꞌibʉ myʉda̱jtypy ja mʉjꞌa̱jtʉn diꞌibʉ tyiimpy pʉn yʉꞌʉ pekyjyaꞌay? Esʉ dʉꞌʉn kyaj tiꞌigyʉ winma̱ꞌa̱ñ tmʉdattʉ.