LUCAS 6:10 - New Testament in Mixe Tlahuitoltepec

¹⁰ Jøts ja twɨnꞌejxkɨjxy pøn jaty ja jam wyɨnaty ttamujkɨyɨp, jøts ja tnɨma̱a̱y ja pama̱a̱ꞌy: ―Xa̱jtøw. Tsoojk jaꞌ jøts ja xya̱jtɨɨy.

LUCAS 6:10 Iomraidhean Croise

MARCOS 3:5

Wɨnets ja Jesús ja twɨnꞌejxjɨꞌjky a̱mbøjkɨnꞌampy, jøts ñɨyjotmayꞌooꞌknɨ døꞌøn ja Jesús yꞌejxjɨꞌjky, jaꞌagøjxp ku ja ja̱a̱ꞌy nɨwɨneꞌen tkaja̱ꞌgyukɨdɨ. Jøts ja tnɨma̱a̱y ja ja̱a̱ꞌy midi wyɨnaty køxujxp: ―Xa̱jtøw. Xjats ja xya̱jtɨɨy, jøts ja kyøꞌ ja møk tya̱a̱ñ, ojts ja chøꞌøky.

LUCAS 6:11

Jøts ja yjaduꞌukpɨ ja̱a̱ꞌy yjanchꞌa̱mbøjktøø, jøts ja xem ya̱m ñawya̱jnɨdøø, agøꞌømyɨ sudsoꞌampy ja tjadyimyꞌukyikpøkya̱ꞌa̱dɨt ja Jesús.

LUCAS 6:9

Wɨnets ja Jesús tnɨma̱a̱y ja mayja̱a̱ꞌy: ―Nyiktøꞌødɨp nyikꞌamɨdoꞌodɨp ɨnet ya̱m: ¿Midiꞌibɨ nduꞌunɨmp ku pooꞌkxɨn xøøw, midiꞌibɨ kutuky ku nꞌødyuꞌunɨnt u ku ngaꞌødyuꞌunɨnt? ¿ku nyiktsoojkɨnt u ku nyikꞌoꞌjkɨnt?

JUAN 5:8

Jøts ja nwɨndsønꞌa̱jtɨm Jesús tnɨma̱a̱y: ―Pɨdøꞌøk, wejtsjøꞌøk yø mma̱a̱bajt jøts mnøjkxnɨt.