LUCAS 13:19 - New Testament in Mixe Tlahuitoltepec

¹⁹ Jadeꞌen ɨdøꞌøn nꞌukpɨkta̱a̱jkɨn jaꞌ sa̱ møj morta̱s tømt midi ja ja̱a̱ꞌy wyøjpy kya̱mjøtpy, kuts ja myuxy jøts ja jadeꞌen yøñ sa̱m o ti møj kipy yøñ paxax paxax, jamts ja joon kyøxkeꞌeky jøts tyikꞌøyɨba̱a̱t pyaꞌan ja jam ma̱ jaty yꞌawa̱j yꞌaxeeñ ja jam.

LUCAS 13:19 Iomraidhean Croise

HECHOS 4:4

May ja̱a̱ꞌy ɨdøꞌøn wyɨnaty tø tjanchja̱wɨdɨ ja øgyajpxy ja ømyadya̱ꞌa̱ky, pøn jaty ja wyɨnaty tø tpatmadowdɨ; jawaanɨ kamagoxk mil ja yikmachoopɨdsɨɨmy ja ya̱a̱ꞌdyɨ pøn tjanchja̱ꞌwɨdɨ ja nwɨndsønꞌa̱jtɨm, ku ja wyɨnaty tø tmadowdɨ ja øgyajpxy ja ømyadya̱ꞌa̱ky.

HECHOS 2:41

Xjats ku ja Pedro jadeꞌen tnɨma̱a̱y, wɨnets ja ja̱a̱ꞌy ñøjkxtøø nøbajtpɨ pøn jaty tmɨbøjktøø ja Pedro yꞌayuujk; jaꞌabɨ xøøwts ja Jesús yjaꞌ ojts ñamayɨ nɨdɨgøøk mil.

HECHOS 21:20

Xjats ku døꞌøn jadeꞌen tmadoojɨdøø ja Pablo kyajpxy, wɨnets yjanchxonja̱jtøø ja myɨguꞌuk jøts tmøjpɨkta̱ktøø ja nwɨndsønꞌa̱jtɨm Dios, xjats tnɨmaadyøø: ―Øyꞌa̱jtp mɨguꞌuk, tø xnɨja̱wɨ ku ja israelɨt ja̱a̱ꞌy milꞌampy tø tmɨbøktɨ ja Jesús yjaꞌ, jøts nay jaꞌ nɨdukɨꞌɨyɨ wa̱ndɨp jøts ku kuwa̱nɨ ja Moisés kyutujk yikpaduꞌunt.

MATEO 17:20

Xjats ja nwɨndsønꞌa̱jtɨm Jesús ja ñɨma̱a̱jyɨdɨ: ―Jaꞌagøjxp ku mjanchja̱ꞌwɨn kyamøkɨdɨ. Janch øts ɨdøꞌøn nwa̱ꞌa̱ñ ku jeexyɨp ja mjanchja̱ꞌwɨn ñɨyjadeꞌen xmøøtꞌa̱ttɨ sa̱m morta̱s pa̱jkɨn, øyts meets yø kojpk xnøjmɨt: “Jɨwa̱ꞌa̱k ya̱ jøts mnøjkxt abikytsoo”; jɨwa̱ꞌa̱kpts ja kojpk. Kaꞌ mee ti mgamayɨt ku janchja̱ꞌwɨn møk xjanchmøøtꞌa̱ttɨt.

APOCALIPSIS 11:15

Xjats ku ja myɨwɨxujkpɨ a̱nkɨlɨs ttaxuujxy ja pyuxujx, jøts møk yikmadøy may ja ayuujk jap tsa̱jpjøtpy jøts wya̱ꞌa̱ñ: Ɨxya̱m ja kutujk ña̱xkɨda̱ꞌa̱ky midi ja Dios Teety jøts nwɨndsønꞌa̱jtɨm Jesucristo yjaꞌa̱jttɨp; jøts xemɨkøjxp ja tyiktuꞌundɨt ma̱ yꞌijty ja na̱xwiiꞌñɨt ja̱a̱ꞌy yjaꞌ tyiktundɨ.

ROMANOS 15:19

ku tna̱nkꞌijxyɨ ja myøkꞌa̱jtɨn, tyikaxɨꞌɨky ja ejxa̱ꞌa̱n, tyikaxɨꞌɨky ja mɨla̱grɨꞌa̱jtɨn, jøts jadeꞌen yikꞌixy yiknɨja̱wɨ ja Espíritu Santo myøkꞌa̱jtɨn. Jadeꞌents øts nnɨga̱jpxkixy øy ma̱dsoo ku ø nga̱jpxwa̱ꞌkxɨ ja Cristo yꞌøgyajpxy yꞌømyadya̱ꞌa̱ky midi nɨtsoꞌokꞌa̱jtɨn xukpa̱a̱jtɨn, nwɨdity ø Jerusalén uk nja̱ꞌa̱ty øts jamba̱a̱t Ilírico etjotp.

LUCAS 17:6

Wɨnets ja tnɨma̱a̱y: ―Kuk meets jeexyɨp wɨneꞌenɨn xmøøtꞌaty ja janchja̱ꞌwɨn sa̱m tuꞌuk morta̱s pa̱jkɨn, tøts meets ya̱ꞌa̱t kipy jeexyɨp xnɨmaañɨdɨ: “Pɨdøꞌøk ya̱ jøts mejyjotp mnøjkxt, jamts myoꞌont”, nay jatyɨts meets ja jeexyɨp tø mmɨmadøyɨ.

MARCOS 4:30

Nayɨdeꞌen ja Jesús tnɨma̱a̱y ja pyabøjkpɨtøjk: ―¿Ti ja Dios kyutujk møøt ndamɨꞌejxɨꞌɨnt midi ja tyanɨtanaapy ja yja̱a̱ꞌy, ti ɨxpøjkɨn ti madya̱ꞌa̱ky ja ndamɨmadoꞌowɨnt?