APOCALIPSIS 5:9 - New Testament in Mixe Tlahuitoltepec

⁹ Jamts yɨdeꞌen ja jemy ɨɨy tyikwa̱ndøø: Mets ɨdøꞌøn mba̱a̱tꞌa̱jtɨp yø nøky jøts yø seeyɨ xkøøtst; ja pø tøts xnɨwa̱nguixy nɨdukɨꞌɨyɨ ja ja̱a̱ꞌy, o midi ka̱jp o midi ayuujk, jadeꞌengøjxp ku tø mꞌayoꞌomba̱a̱ty ma̱ tø mdsuñ tø mdaxy.

APOCALIPSIS 5:9 Iomraidhean Croise

MATEO 20:28

jadeꞌen sa̱m ø nduñɨn, kajaꞌajɨpxɨ ø tø nnɨmiñ jøts øts jawyeen nyikwɨndsøꞌøgɨt, pø jaꞌaxɨ ø tø nnɨmiñ jøts øts ja wɨndsøꞌjkɨn nya̱kt, jøts øts køꞌøm ngudanɨt ja pojkpɨtumbɨ ja̱a̱ꞌy pyøktyɨ, jøts ja may ñɨtsoꞌokꞌa̱ttɨt.

MATEO 26:28

øts ɨdøꞌøn yøꞌ ñamyayɨ nnɨꞌjpy midi ya̱m jadɨgojk tna̱nkñamyɨꞌøbyøjkɨp ja ja̱a̱ꞌy møøt Dios, midi ø nyikwɨdsump nyikwɨdajxpy jaꞌagøjxp jøts pojkpɨtumbɨ ja̱a̱ꞌy yikpojkpɨmaaꞌkxtɨt, jøts ja Dios Teety ja wya̱nda̱ꞌa̱ky jadeꞌen tyikꞌadukt.

HECHOS 20:28

Jøts nayɨdeꞌen meets køꞌøm mnayꞌejxꞌetɨdɨt, jøts nɨdukɨꞌɨyɨ nayɨdeꞌen ja mɨguꞌuktøjk xꞌejxꞌettɨt, kumɨ tø meets ja Espíritu Santo mbɨkta̱ꞌa̱gɨyɨ jøts mda̱a̱ndɨ ejxꞌejtpɨ pønɨ pøn jaty ja Jesús yjaꞌ tpaduujnɨdɨp, pøn ja nwɨndsønꞌa̱jtɨm Jesús køꞌøm kyuꞌoꞌjkɨmba̱a̱jtɨp.

1 CORINTIOS 6:20

pø janch tsowɨxɨ ja Dios tø mjuyɨdɨ ku ja yꞌuꞌnk tø xkuꞌayoꞌomba̱a̱jtaꞌam. Paty meets ɨdøꞌøn ja Dios ja mneꞌkx jøts ja mꞌanmɨja̱ꞌwɨn amuum xawɨndsøꞌøgɨt, jabɨ tum Diosxɨ yøꞌ yjaꞌ.

1 CORINTIOS 7:23

Janch tsowɨ meets ja Dios Teety ja yꞌUꞌnk mdagujuyɨ, paty kidi nugo mnayꞌɨxmachɨdɨ jøts ja kaꞌøchɨna̱a̱ꞌyɨn xpadøjkɨñɨdɨt.

EFESIOS 1:7

Ku xtsojkna̱jxyɨm adøm ja Dios, paty adøm tø xyiknɨtsøøjkyɨm ku ja yꞌUꞌnk Jesús wyɨdsuuñ wyɨda̱jxy, jøts yꞌoꞌjkɨngøjxp xpojkpɨmeeꞌkxyɨm.

EFESIOS 5:19

Ja nwɨndsønꞌa̱jtɨm ɨdøꞌøn neꞌegɨ mnɨmadya̱ꞌa̱ktɨp, ku ja Salmos xka̱jpxtɨt jøts ja yꞌøøjɨk xawɨnꞌøꞌødɨt. Tuꞌugyɨ ja mꞌa̱a̱w ja mjoojt xpɨkta̱ꞌa̱ktɨt.

COLOSENSES 1:14

pøn ojts tyaky ja nɨtsoꞌokꞌa̱jtɨn jadeꞌenꞌampy ku tø xkuꞌoꞌjkandɨ jøts adøm ja xpojkpɨmeeꞌkxyɨndɨ.

COLOSENSES 1:23

Jadeꞌengøjxpts chøkyɨ jøts tuꞌugyɨ amumjoojt xyikyøꞌødyɨt ja mjanchja̱ꞌwɨn tɨyꞌa̱jtɨngøjxp. Kidi meets ja xkajøpꞌejxnɨ sa̱ tø xnɨja̱wɨdɨ midi yiknɨtsokp. Yøꞌøbɨ kajpxy yøꞌøbɨ ayuujk yika̱jpxwa̱ꞌkxp øy sudso ya̱ na̱xwiiñ. Pablo øts jøts øts ya̱m tø nyiktanɨpiky jøts øts ja jadeꞌen nga̱jpxwa̱ꞌkxɨ ja yjaꞌ.

TITO 2:14

Nagyøya̱jkɨyɨ jaꞌ, jøts adømgøjxp ja xkuꞌoꞌjkɨndɨ jøts jadeꞌen axøøꞌkpɨ yigaappɨ agujkpy ngaꞌejtɨndɨt, jøts jadeꞌen nba̱a̱jtɨnt tuꞌugyɨ ja wa̱ꞌa̱tsꞌa̱jtɨn jøts jaꞌayɨ nnadyamɨyojxandɨt, jøts tum ja øybɨ nꞌa̱mɨndɨp njotpɨndɨp.

HEBREOS 11:14

Pønts jadeꞌen ttundɨp, yꞌɨxaadyɨpnɨm ɨdøꞌøn jaꞌ tuꞌuk ja ka̱jp ma̱ tuꞌugyɨ chɨnaañɨdɨt.

2 PEDRO 2:1

Nayɨdeꞌen ɨdøꞌøn Israelɨt ja̱a̱ꞌy yꞌejtmɨdɨ pøn ñadyijyɨ nañɨka̱jpxɨdɨp ja Dios kyugajpxy; nayɨdeꞌen meets ɨdøꞌøn wɨna̱a̱gɨn xnɨta̱a̱yɨbyajtmɨdɨt ja Dios yjaꞌ, pøn ɨdøꞌøn køꞌøm tꞌejxma̱ꞌtnɨdɨp ja nwɨndsønꞌa̱jtɨm midi tø yiknɨtsøꞌøgyɨdɨ; køꞌøm ɨdøꞌøn ja myøjꞌayoꞌon wyɨnaty tsojk tꞌɨxa̱ꞌa̱dɨ.

1 JUAN 1:7

Kuts ndsɨna̱a̱ꞌyɨndɨt øy wa̱ꞌa̱ts ejxɨm ja Dios Teety chøønɨ, wɨnets nɨxem nɨya̱m tuꞌugyɨ ja wɨnma̱a̱ꞌñ nmøøtꞌa̱jtɨndɨt, jadeꞌen ɨdøꞌøn ja yꞌUꞌnk Jesús xyikpøkwya̱a̱jchɨndɨ midi jaty nduꞌuñɨndɨp ku ja wyɨdsuuñ wyɨda̱jxy.

1 JUAN 2:2

Tø ja Jesucristo tkuꞌayoꞌomba̱a̱dɨ adøm ja nbøky, jøts nɨgɨdi adømyɨpti, nɨdukɨꞌɨyɨ døꞌøn nayɨdeꞌen ja na̱xwiiꞌñɨt ja̱a̱ꞌy.

APOCALIPSIS 10:11

Jøts ø xnɨmaagyojmɨ: ―Kuwa̱nɨ jadɨgojk xka̱jpxwa̱ꞌkxt ja Dios yjaꞌ sa̱ chøønɨdɨt sa̱ tyanɨdɨt nɨdukɨꞌɨyɨ ja na̱xwiiꞌñɨt ja̱a̱ꞌy, wan tmøjɨ wan tmutskɨ.

APOCALIPSIS 11:9

Tɨgøøk xøøw jagujkp yikꞌejxtɨt yiknɨja̱wɨdɨt ja ooꞌkpɨ. Øy pøn ja̱a̱ꞌy o ma̱ga̱jp myeꞌendɨt jøts kaꞌ tna̱nkyikpɨdɨꞌɨgyɨ ja ooꞌkpɨ.

APOCALIPSIS 13:7

Nayɨdeꞌen yikmøøy ja tuuꞌ jøts tmøøtseptuꞌunt pøn jaty ja Dios yjaꞌ tpaduujnɨp kunɨm ja tmɨmajada̱ꞌa̱kt; jadeꞌen ja kyutujk yikmøøy jøts tnɨwɨndsønꞌa̱tt nɨdukɨꞌɨyɨ ja na̱xwiiꞌñɨt ja̱a̱ꞌy.

APOCALIPSIS 13:8

Jøts ja na̱xwiiꞌñɨt ja̱a̱ꞌy jadeꞌen twɨndsøꞌøgɨ ja møj kaꞌøy jɨyujk, jaꞌ tpadundɨp jadeꞌen pøn jaty kajaabyety jap nøkyjøtpy kuuyɨp ja na̱xwiiꞌñɨt choꞌonda̱a̱jky. Yøꞌ nøky ja Borreek Uꞌnk myøøtꞌajtpy midi tø yꞌøøky adømgøjxp.

APOCALIPSIS 14:6

Wɨnets ø nꞌejxpa̱a̱ty jaduꞌuk ja a̱nkɨlɨs midi kajkwɨdejtp jam tsa̱jp kujkꞌa̱m. Ayuujk myɨmimpy jøts tka̱jpxwa̱ꞌkxwa̱ꞌa̱ñ sa̱ ttanɨtsoꞌokꞌa̱ttɨt ja na̱xwiiꞌñɨt ja̱a̱ꞌy o ma̱ga̱jp o ma̱ꞌayuujk.

APOCALIPSIS 15:3

Jøts ja tꞌøwdɨ ja møja̱a̱ꞌy Moises yꞌɨɨy pøn ja Dios kyugajpxyꞌa̱jt, jøts ja tꞌøømɨdɨ ja Borreek Uꞌnk yjaꞌ, midi nømp: Tuꞌugyɨ me Dios Teety ja møkꞌa̱jtɨn xjagyepy. Jøts midi tø xyikꞌøyɨ, janch øy janch tsuj jøts kamɨda̱a̱bya̱a̱dyɨm; janch tɨyꞌa̱jtɨn jaꞌ midi mdumpy midi mbɨktakpy, jøts xnɨdeetyꞌaty xnɨmøja̱a̱ꞌyꞌaty ja na̱xwiiꞌñɨt ja̱a̱ꞌy.

APOCALIPSIS 17:15

Jøts ja a̱nkɨlɨs nayɨdeꞌen xnɨma̱a̱y: ―Yø mejy midi tø xꞌixy ma̱ yø tøꞌøxyøjk chøønɨ, yøꞌ wyandijpy nɨdukɨꞌɨyɨ na̱xwiiꞌñɨt ka̱jp.

APOCALIPSIS 4:11

Mets Dios Teety, mets amuum møj sa̱m pya̱a̱tꞌatyɨ myikwɨndsøꞌøgɨt myikwɨnja̱wɨt. Pø tøxɨ xyiktsoꞌonda̱kɨjxy tukɨꞌɨyɨ mdsojkɨngøjxp jøts jadeꞌen yꞌett.

APOCALIPSIS 5:12

møk yꞌøøwdɨ tum jadeꞌen jøts wya̱ꞌa̱ndɨ: Janch øy ja Borreek Uꞌnk midi tø yꞌayoꞌomba̱a̱ty, pa̱a̱tꞌa̱jtɨp jøts tpa̱a̱tt ja møkꞌa̱jtɨn ja øyꞌa̱jtɨn, ja wejɨn ja kajɨn. Pa̱a̱tꞌa̱jtɨp yikwɨnja̱wɨt yikwɨndsøꞌøgɨt.

APOCALIPSIS 5:6

Xjats ø nꞌijxy tuꞌuk ja Borreek Uꞌnk tyanɨ ma̱ møj tsɨnaabyajt jam, jaꞌ kyujkꞌa̱m ma̱ ja møja̱a̱ꞌdyøjktɨ, jøts ma̱ ja nɨmakta̱xkpɨ jɨyujk jam. Jamts ja yikꞌijxy kyaxɨꞌɨky sa̱m ti yjaty kyubety yꞌayoꞌomba̱a̱ty. Wɨxujk ja wya̱j tmøøtꞌaty jøts wɨxujk ja wyeen; jadeꞌen yø tijy yø wɨxujkpɨ ween sa̱m ja nɨwɨxujkpɨ ja̱ꞌwɨn midi ja Dios tø tkexy ya̱ na̱xwiiñ.