1 JUAN 2:3 - New Testament in Mixe Tlahuitoltepec

³ Pønɨ nbaduꞌuñɨndɨp ja Dios ja kyutujk sa̱ ja tø xukꞌijxyɨndɨ xuknɨja̱ꞌwaꞌandɨ, jadeꞌenꞌampts adøm ja xꞌuꞌnkja̱ꞌwaꞌant.

1 JUAN 2:3 Iomraidhean Croise

LUCAS 6:46

’Nɨti øyꞌa̱jtɨn meets jadeꞌen xkatuñ ku mee xjanøjmɨ, “Nwɨndsønꞌa̱jtɨm, nwɨndsønꞌa̱jtɨm”, jøts kaꞌats xpadundɨ pønɨ sa̱ njawa̱ꞌa̱ñ.

JUAN 14:15

’Pønɨ xtsojkp tam meets, paduujnɨdɨk meets ja nꞌanaꞌamɨn.

JUAN 15:10

Pønɨ xpaduujnɨdɨp øts ja nꞌanaꞌamɨn, jadeꞌenꞌampyts mee møøt mꞌettɨt øts ja ndsojkɨn, nayɨdeꞌen ñamyayɨ sa̱ øts ja nDeety yꞌanaꞌamɨn nbaduujnɨyɨ, jadeꞌents øts ɨdøꞌøn ja chojkɨn nmøøt nꞌity.

JUAN 15:14

Meets ɨdøꞌøn nmɨguꞌukꞌajtpy pønɨ mdundɨp jadeꞌen sa̱ ɨxa nꞌanaꞌamdɨ.

JUAN 17:3

Jøts jadeꞌenꞌampy yikpa̱a̱ty ja jujkyꞌa̱jtɨn xemɨkøjxp ku tuꞌugyɨ mets Dios Teety myikjanchja̱wɨ, sa̱m nayɨdeꞌen ja Jesucristo, pøn mets ya̱ tø xkexy na̱xwiiñ.

2 CORINTIOS 4:6

Jabɨ nay jaꞌabɨ Dios Teetyxɨ døꞌøn midi ja ja̱j ja tøøꞌkx tyiktsoꞌonda̱a̱jk, nay jaꞌ adøm tø xmøꞌøyɨndɨ ja kuja̱jta̱a̱gɨ ja kudøøꞌkxa̱a̱gɨ jøts nꞌejxɨndɨt nnɨja̱ꞌwɨndɨt sa̱ døꞌøn ja yꞌøyꞌa̱jtɨn myøjɨ midi ja Jesucristo ña̱nkyꞌejxɨp.

HEBREOS 5:9

kuts ja jadeꞌen tja̱ꞌgyukɨyɨɨꞌñ ja na̱xwiiꞌñɨt ayoꞌon, jadeꞌents tmɨba̱a̱tꞌa̱jty sudso ja yiknɨtsoojkɨn kaꞌpxy tmoꞌot pøn jaty ja mɨmadojɨyɨp,

1 JUAN 2:13

Teetyɨ ta̱a̱ktɨ, nayɨdeꞌen meets ɨxya̱m ndukmadøy ya̱ꞌa̱t ayuujk kumɨ tø mee xpabiky ja Jesús yjaꞌ midi jaayɨm wyɨnaty ku choꞌonda̱kijxy tuktsa̱jpꞌagɨda̱ꞌa̱ky. Meets wa̱jtyøjktɨ meets kiixyeꞌedɨ, ɨxya̱m mee ndukmadøy ya̱ꞌa̱t ayuujk kumɨ tø xmɨmajada̱ꞌa̱ktɨ ja mɨkuꞌ yjaꞌ. Nayɨdeꞌen meets uꞌnktɨ meets una̱ꞌjktɨ ndanɨjayɨ ya̱ꞌa̱t ayuujk, kumɨ tø mꞌuꞌnkꞌatyɨdɨ ja Dios Teety.

1 JUAN 3:14

Tø adøm nmajtstuujtyɨndɨ yø kaꞌødyunk jøts ja øchɨna̱a̱ꞌyɨn tø nbabijkyɨndɨ, jadeꞌen ɨdøꞌøn yiknɨja̱wɨ ku nɨxem nɨya̱m nnachøjkyaꞌandɨ. Pønɨ pøn tkawa̱mp tkatsojkp ja myɨguꞌuk, jaꞌ pyadunꞌadichp ja kaꞌødyunk.

1 JUAN 3:19

Jadeꞌen ɨdøꞌøn yiknɨja̱wɨ jøts ku nbaduꞌuñɨndɨ ja tyɨɨbyɨ ja yjanchpɨ, jøts jadeꞌen ɨdøꞌøn nɨti ngaguma̱a̱ꞌyɨndɨt Dios wyɨngujkp;

1 JUAN 3:6

Jadeꞌen ɨdøꞌøn, pønɨ pøn møøt yꞌity ja Jesús, kaꞌap ja jadeꞌen yꞌukpøktyunꞌadøtsnɨdɨ sa̱m ja ja̱a̱ꞌy pøn tkidyimñɨja̱ꞌwɨdɨp ja Jesús.

1 JUAN 4:13

Nnɨja̱ꞌwɨndɨp ku ja Dios møøt nꞌijtyɨndɨ jøts xnamyøøtꞌejtɨndɨp ja nayɨdeꞌen, jaꞌagøjxp ku ja tø xuktatøjkaꞌandɨ ja yꞌEspíritu Santo.

1 JUAN 4:7

Mee mɨguꞌuktɨ, xpa̱a̱tꞌa̱jtɨndɨp ejtp nɨxem nɨya̱m nnachojkandɨt, jabɨ Dios wyɨngujkpxɨ chøøñ ja øchojkɨn. Pøn ja myɨguꞌuk ttsojkp, pøn ja myɨguꞌuk tpaꞌayoop, jaꞌats ɨdøꞌøn ja Dios tjanchja̱ꞌwɨp jøts ja jadeꞌen yꞌuꞌnkꞌatyɨyɨ.

1 JUAN 5:19

Pø nnɨja̱ꞌwɨndɨpxɨ adøm jaꞌ ku adøm ja Dios xjaꞌa̱jtyɨndɨ, jøts may jaꞌamɨdɨ pøn ja mɨkuꞌ tø ñɨwa̱ngøjxnɨyɨdɨ.

1 JUAN 5:2

Kuts ja Dios ndsojkɨndɨt jøts ja jadeꞌen ndyimbyaduꞌunɨndɨt sa̱ ja yꞌanaꞌamɨn ja wya̱ꞌa̱ñ, jadeꞌents ja nnɨja̱ꞌwaꞌant ku ja nayɨdeꞌen ndyimchøjkyɨndɨ pøn ja yjaꞌajtpy.

1 JUAN 5:3

Kuts jadeꞌen ndsojkɨndɨt ja Dios, jaꞌ ɨdøꞌøn ja tyijpy ku døꞌøn ja yꞌanaꞌamɨn nbaduꞌuñɨndɨ, jøts kaꞌap ja ma̱ba̱a̱t chepɨ.

APOCALIPSIS 12:17

Jadeꞌents ja awa̱ꞌa̱ndsa̱a̱ꞌñ møk tmɨꞌa̱mbɨjky ja tøꞌøxyøjk, jøts ja tmɨdsepɨjky ja yꞌa̱p ja yꞌok. Jadeꞌen ɨdøꞌøn jaꞌadɨ pøn ja Dios yjaꞌ tpaduujnɨdɨp sa̱m ja nwɨndsønꞌa̱jtɨm Jesucristo tnɨgajpxy.

APOCALIPSIS 14:12

Jadeꞌents yø chøkyɨ jøts møk yꞌettɨt tyuda̱ꞌa̱kyꞌa̱ttɨt pøn ja Dios jaꞌa̱jtɨdɨp jøts ja yꞌanaꞌamɨn tpaduujnɨdɨ, jøts pøn ja Jesús møøt tuꞌugyɨ ettɨp.

APOCALIPSIS 22:14

Tyaꞌøyꞌa̱jttɨp tyajotkujkꞌa̱jttɨp pøn tø ñɨtsoꞌokꞌaty. Awa̱ꞌa̱ts ja tyuuꞌdɨ jøts ja tyøkɨdɨt jam kunuuꞌkxy ka̱jpjotp. Jamts tpa̱a̱ttɨt ja kipy midi jam yiktajujkyꞌa̱jtp xemɨkøjxp.