Laulau Pol ei niage usino ne sou e Rom 9:3 - Laulau na Vinalu mine Salemo

³ Eau kale mamai sele Salemo ni gualeliu e sou tamtamaigu, sou a abune tubutubune Iekop. Maido mane Krais mapigogoi ni ogomuli a masagana minau, eau na kaka me na tagi e ei ni taulele eau maino na abuna minei, ne tamtamaigu ne sou puisobe a muigu me ne sou guale a maulina.

Laulau Pol ei niage usino ne sou e Rom 9:3 Iomraidhean Croise

Aposel 13:26

“Tamtamaigu, amutou a vanunua na abuna mine Abraham, me amutou a vanunua sanii mu matano ne Salemo, mu longe. A inade mine Salemo mina gualeliune eitou, ede Salemo ei peltase usinani ne eitou moni.

Aposel 22:5

Mapana prist pilu e sou a vanunua na avelulusena inade sou muada a inigogona eau goli iedo, me sou mapigogoi ne sou vei le amutou i. Sou bilii e eau a laulau vuso sou niage usino ne sou a abuna mine eitou sou ino ne Damaskus. Me eau asu usino ne Damaskus mina papalene sou a vanunua ma tavivine mina aubu iedo sou silimuli me sou ogomuli a vea iedo. Eau kale na maasi e sou usino ne Ierusalem, vuna sou a vanua buobuo ne sou malaitabe sou.”

Aposel 28:21

Me sou vei lei maido, “A vanunua ne Iuda sou ma oabi ete a laulau usinani ne amiteu mina veimuadane amiteu e oo. Me Iuda tasa ei ma divi oto ni mapamuli ane amiteu a inade pagu sanii usino minio.

Laulau Pol ei niage usino ne sou e Rom 1:3

Iede a malongolongona kubaana mine Natune ei. Natuna do ei palea a bibi mina abuna mina Mapana e Devit.

Laulau Pol ei niage usino ne sou e Rom 11:1

Io eau tagu maido, nane Salemo ei lametasesi e sou a vanunua ma tavivine minei? Boa vuso sele. Eau tamai eau a bibi mine Israel. Eau tamai tasa mina abuna tubutubuna mine Abraham. Eau a bibi na abuna mine Beniamin.

Laulau Pol ei niage usino ne sou e Rom 11:14

vuna eau kale na mailisi a damutatalana mine sou a abuna tasa minau ne sou isu ana inigogona kubaana vuso Salemo ei goli le amutou. Me na inigogona li eau kale na gualeliu e sanii mine sou.

Laulau Pol ei niage usino ne sou e Rom 16:11

Amutou vate oaso minau usino ne Herodion, amilu a abuna tasa. Amutou vate oaso minau usino ne sou a vanunua ma tavivine mine sou a abuna mine Nasisus sou ino mina abuna mine Bibi Taula.

Laulau Pol ei niage usino ne sou e Rom 16:21

Tamaigu Timoti, amilu pipigopilu, ei vate oaso minei usino ne amutou. Me Lusius me Ieson me Sosipater, sou a abuna tasa minau, sou tamai sou vate oaso usino ne amutou.

Laulau Pol ei niage usino ne sou e Rom 16:7

Amutou vate oaso minau usino ne Andronikus pilu e Iunias. Sulu e tamaigu me amiteu ugu pilu mina luma na tunuui. Su isa a aisa balivua mine sou a aposel, me sulu palea kristen pala ane eau.

Laulau Pol ei niage usino ne sou e Rom 9:2

Dinodo buo sele eili minau taliuliu, me eau lilobuu sele me eau damutatala papai.

1 Korin 12:3

Maido me eau kale ne amutou damutatala iiti a inade tasa maido. Mane a Nunu mine Salemo ino na bibi tasa me ei bilii e ei a inade, bibi iedo ei ma mapigogoi ete ni vei, “Iesu ei ni mamau.” Me mane a bibi ei ma isa oto a Maolona Nunu, ei ma mapigogoi ete ni vei, “Iesu ei e Bibi Taula.”

1 Korin 16:22

Mane a bibi tasa ei ma kale ete ni bilii a lilone ei usino ne Bibi Taula, io ei ni mamau. Asu usinani, oo Bibi Taula!

2 Korin 12:15

Me eau na mongemonge moni a niabina golu vuso minau mina buloine amutou, eau na oabi a maulina minau tamai. Eau biliilii mamai a lilogu usino ne amutou, nane amutou bilii a lilone amutou bisii moni usinani minau? Boa vuso sele.

Galesia 1:8

Moni mane amiteu ue a bineanea tasa na langi ei malongo a malongolongona kubaana ei ma tasa moni oto tomane a malongolongona kubaana lisa amiteu malonge e amutou, de a bibi ei goli a inigogona maido, puiale ei ni buale na aubu mina davutina.

Galesia 1:9

Lisa amiteu veiosi a inade iede, me seidei eau vei lei le amutou. Mane a bibi tasa ei malongo a malongolongona kubaana i ma tasa moni oto pilu a malongolongona kubaana lisa amutou guale, de a bibi iedo ei ni buale na aubu mina davutina.

Galesia 3:10

Moni e Salemo ei ni toegegeli a vanunua vuso sou damutale a inigogona mina ogomulina binea ei mapigogoi ni toe e sou ne sou palea a bilesina vanunua na matane Salemo. Vuna, Laulau mine Salemo ei vei maido, “Mane a bibi tasa ei ma ogomuli ivu ete a inade vuso ino na laulau mina binea, de Salemo ei ni toegegeli a bibi iedo.”

Galesia 3:13

Binea ei vei maido, eitou vanunua vuso eitou ma ogomuli ete a inade vuso mina binea, neitou mamau. Mina gualeliune eitou maino na mamauna mina binea, Krais oto ei tabule a lilotivulana mine Salemo. Laulau mine Salemo ei vei maido, “Vanunua vuso sou kulu na obu, Salemo ei ite sou tomane a vanunua na mamauna moni.”

Epesus 6:5

Amutou a vanua na pipigona sabubu, namutou ogomuli a inade mine sou a itealalena mine amutou me namutou lae me mu tade sou tomane amutou ogomuli a inade mine Krais.