Laulau Pol ei niage usino ne sou e Rom 2:2 - Laulau na Vinalu mine Salemo

² Eitou muada, Salemo ei maliuliu a mapa pagu ane sou a vanunua sou goli a matamatana inigogona pagu odo, ma inigogona Salemo ei goli iodo, ei patotona vuso.

Laulau Pol ei niage usino ne sou e Rom 2:2 Iomraidhean Croise

Aposel 17:31

Ei vilealesi a malada tasa mine ei ni vavasa ane sou a vanunua ma tavivine. Me na inigogona bilesi minei, ei ni vivileale a inigogona mina vanunua ma tavivine na magamaga. Me ei vileale a bibi tasa ni iteale a vavasana iedo. Bibi iedo ei mate me Salemo ei mailisiliu e ei na muina minate. Maido me neitou silimuli sele Salemo ei bilii a pipigona do usino ne ei.”

Laulau Pol ei niage usino ne sou e Rom 2:1

Maido me amutou a vanunua vuso mu ububi a inade usino na vanunua seasea, eau vei le amutou vuso, oo no ma adeade lou ve oo ma isa oto a sinusu. Longe, ilala oo ubi a vanua sanii a inade, o ubi a inade tamai ne oo oto, vuna maido, oo oto oo goligoli a matana inigogona tasa moni tomane sou goli.

Laulau Pol ei niage usino ne sou e Rom 2:3

O ububi a inade usino na vanunua sou goli a matana inigogona pagu maido, moni oo oto oo goligoli a matana inigogona tasa moni tomane sou. Oo damu e Salemo ei ma mapigogoi ete ni vavasa ane oo tamai, io?

Laulau Pol ei niage usino ne sou e Rom 2:5

Oo tabesobe sele a lilomu me oo ma sauvulevule ete a lilomu. Me na inigogona iede ei tomane o taupili a mapa pagu i buo minio oto. Me na malada Salemo ei goli a bilesina vavasana minei, lilotivulana minei ni palea muada sele me oo no guale a mapa pagu odo.

Laulau Pol ei niage usino ne sou e Rom 9:14

Maido me neitou vei a sava? Nane neitou vei Salemo ei goli a inigogona i ma bilesi oto, io? Boa vuso sele.

Inade i Ovu 16:5

Me eau longe a bineanea ei iteale a nanu vuso do ei vei maido, “Salemo, oo eili seidei, me lisa otosi oo eili. Me oo maolo sele. Oo vilemulialesi a inigogona mina vanunua do a vea maido, inigogona vilemulialena minio i bilesi sele.

Inade i Ovu 19:2

Vavasana mine Salemo ei patotona me ei bilesi vuso. Salemo ei maliuosi a mapa pagu usino na sualolona tavine buo ei toegegeli a vanunua ma tavivine na magamaga a inigogona sualolona minei. Tavine ieli ei isa tamai a sinusu mina valiputematene sou a vanunua na pipigona mine Salemo, me Salemo ei adovesi a sinusu minei iedo.”