Laulau Pol ei niage usino ne sou e Rom 16:7 - Laulau na Vinalu mine Salemo

⁷ Amutou vate oaso minau usino ne Andronikus pilu e Iunias. Sulu e tamaigu me amiteu ugu pilu mina luma na tunuui. Su isa a aisa balivua mine sou a aposel, me sulu palea kristen pala ane eau.

Laulau Pol ei niage usino ne sou e Rom 16:7 Iomraidhean Croise

Ioanes 14:20

Na malada dolo namutou muada i, eau ino ne Euma, me amutou eili minau, me eau ino ne amutou.

Ioanes 15:2

Euma i taulele a lalalana vain vuso i ma vuavua oto. Ma lalalana i vua, ede Euma i lotetatase sou ne sou vua makuba.

Ioanes 6:56

Bibi ei ani a mainigu mei ini a dalagu ei lilo minau, me eau lilo minei.

Laulau Pol ei niage usino ne sou e Rom 16:10

Amutou vate oaso minau usino ne Apeles, ei a bibi na pipigona ivu mine Krais. Amutou vate oaso minau usino ne sou a abuna mine Aristobulus.

Laulau Pol ei niage usino ne sou e Rom 16:11

Amutou vate oaso minau usino ne Herodion, amilu a abuna tasa. Amutou vate oaso minau usino ne sou a vanunua ma tavivine mine sou a abuna mine Nasisus sou ino mina abuna mine Bibi Taula.

Laulau Pol ei niage usino ne sou e Rom 16:21

Tamaigu Timoti, amilu pipigopilu, ei vate oaso minei usino ne amutou. Me Lusius me Ieson me Sosipater, sou a abuna tasa minau, sou tamai sou vate oaso usino ne amutou.

Laulau Pol ei niage usino ne sou e Rom 16:3

Namutou vate oaso minau usino ne Prisila me Akila, sulu pipigo pilu e eau a pipigona mine Krais Iesu.

Laulau Pol ei niage usino ne sou e Rom 16:6

Amutou vate oaso minau usino ne Maria. Ei goli a pipigona makuba sagali mina buloine amutou.

Laulau Pol ei niage usino ne sou e Rom 16:8

Amutou vate oaso minau usino ne Ampliatus. Ei e tamaigu sele na aisane Bibi Taula.

Laulau Pol ei niage usino ne sou e Rom 16:9

Amutou vate oaso minau usino ne Urbanus, amilu a pipigona tasa mine Krais. Ma oaso usino ne Stakis tamai, ei e tamaigu sele.

Laulau Pol ei niage usino ne sou e Rom 8:1

Maido me eitou a vanunua ma tavivine eitou valitole Krais Iesu, binea i ma mapigogoi etesi ni vavasa ane eitou lou,

Laulau Pol ei niage usino ne sou e Rom 8:11

Salemo i mailisiliu e Iesu Krais na minate. Mane a Nunu mine Salemo ei ino lilo ne amutou, de na pipigona mina Nunu mine Salemo ei ni mailisiliu a vovone amutou tamai, vovo iedo ei mina minate.

Laulau Pol ei niage usino ne sou e Rom 9:3

Eau kale mamai sele Salemo ni gualeliu e sou tamtamaigu, sou a abune tubutubune Iekop. Maido mane Krais mapigogoi ni ogomuli a masagana minau, eau na kaka me na tagi e ei ni taulele eau maino na abuna minei, ne tamtamaigu ne sou puisobe a muigu me ne sou guale a maulina.

1 Korin 1:30

Salemo oto i tau e amutou namutou pilu e Krais Iesu. Me ei tau e Krais i muina a vuna damutatalana doana ma muadana mine eitou. Me ne Krais moni Salemo i toe eitou to palea a bilesina vanunua ma tavivine me ei toe eitou to asu na inigogona minei oto. Me na pipigona mine Krais moni Salemo i oliliuale eitou, ma sinusu i ma iteale etesi e eitou.

2 Korin 11:23

Sou a vanua na pipigona mine Krais, io? Seidei eau ade tomana vautana bibi sele. Eau vululusi ivu e sou a gunolina pipigona mine Krais. Eau vululusi ivu e sou na pipigotivulana eau goli. Mapapaina sou tau eau na luma na tunuui me sou valibili e eau, me na mavaana sou odo eau vululusi ivu a vanua sou odo. Mapapaina sele bisii moni eau na mate.

2 Korin 12:2

Eau muada a bibi tasa mine Krais, ma avala savulu tasa timana iva lisa, Salemo i guale ei uata na matoluna aubu na langi. Nane ei ino na vovo ue ei bualetasesi a vovo, ede eau ma muada oto i. Salemo moni ei muada i.

2 Korin 5:17

Maidolo me mane a bibi tasa ei valitole Krais, io Salemo ni toe ei palea a bibi alaba ivu. Longe kube. Seidei inigogona mumugu ei puluvusosi, ma inigogona alaba ei paleasi.

2 Korin 5:21

Krais ei ma goli ete a sinusu, moni Salemo ei taupilipili a sinusu vuso mine eitou muata ne ei, me Krais ei palea tomane a bibi mina gunolina sinusu sele. Salemo ei toe maido, ne eitou palea a bilesina vanunua ma tavivine mine Salemo lilo ne Krais.

Galesia 1:22

Moni sou a viepiluna kinaka mine Krais ne Iudia, saboa sou muada iiti e eau.

Galesia 2:2

Eau asu usino do, vuna Salemo ei maitesi e eau na asu. Me eau ademuada ane sou a malongolongona kubaana li eau malonge e sou a avena sea. Eau ade oovu moni usino na vanua buobuo mina viepiluna kinaka, dae a pipigona li eau goli me lisa tamai ea goli ei ni buale sabubu.

Galesia 2:6

Sou a vanua sanii ino tomane a vanua buobuo mina viepiluna kinaka. Na damutatalana minau oto sou isa a aisa buo ue boa, ede a golu sabubu. Salemo ei ma damutaletale ete a aisana bibi. Me a vanua sou isa a aisa do, sou ma adesui ete a inade tasa lou na inadegu.

Galesia 5:6

Mane a bibi ei eili ne Krais Iesu, de a inigogona munoge ei a golu sabubu, ma inigogona bibi ei ma moge ete ei, ede tamai ei a golu sabubu. Moni a golu tasa buo ei a pipigona silimulina ei mapale a kinalena.

Galesia 6:15

Seidei a inigogona mina munogena, ei a golu sabubu, ma inigogona mina bibi ei ma moge ete, ei tamai ei a golu sabubu. Salemo ei toe eitou palea a vanunua ma tavivine alaba, ieli moni ei a golu ivu.

Epesus 2:10

Eitou a malasana vanunua Salemo i mapale. Lilo ne Krais Iesu, Salemo ei mapale eitou a vanunua ma tavivine i alaba, neitou goli a pipigona kubaana, lisa e Salemo ei masusuliosi ane eitou.

Kolosi 4:10

Aristakus, ei eili na luma na tunuui pilu eau, ei vate oaso kubaana usino ne amutou. Me Mak, ei loane Banabas, ei tamai vate oaso kubaana usino ne amutou. Mane ei asu usino ne amutou, io namutou monge a gualene ei tomane eau veiosi le amutou.

Pilemon 1:23

Epafras ei sove a oaso doana usino ne oo. Ei tamai eili pilu e eau na luma na tunuui mina aisane Krais Iesu.

1 Ioanes 4:13

Eitou muada i maido, Salemo ei valitole e eitou, me eitou valitole e ei, vuna ei bilii e eitou a Nunu minei oto.

1 Ioanes 5:20

Eitou muada, Natune Salemo ei sibitalasi, mei bilii e eitou a damutatalana, ne eitou muada e Salemo ivu. Eitou valitole Salemo ivu pilu e Natuna Iesu Krais. Iesu Krais ei e Salemo ivu, me ei a vuna maulina kubaana taliuliu taliuliu.

Inade i Ovu 1:9

Eau e Ioanes, tamaine amutou. Eau tamai eau guale a mavaana ma davutina tomane amutou, eau magitalitali a niitealalena mine Salemo. Eau malongo a inade mine Salemo, mea veimuade e Iesu. Vuna moni ieli, sou peltaselele eau me sou tau e eau na lolopatipati iedo sou tole e Patmos.