Laulau Pol ei niage usino ne sou e Rom 11:26 - Laulau na Vinalu mine Salemo

²⁶ Me na vea do Salemo ei ni gualeliu e sou e Israel, tomana Laulau mine Salemo ei vei, “Bibi mina buloine sou e Israel, ei ni ilisi ne Ierusalem mei ni asu usinani, mei ni toe a vanunua ma tavivine vuso mina abuna mine Iekop ne sou litase a inigogona mina saukikina inade mine Salemo.

Laulau Pol ei niage usino ne sou e Rom 11:26 Iomraidhean Croise

Matiu 1:21

Ei ni maalepose a bibaini, me oo no vate a aisana e Iesu, vuna maido, ei ni gualeliu e sou a vanunua ma tavivine minei maino na sinusu mine sou.”

Aposel 3:26

De Salemo i mailisi a bibi na pipigona minei, me ei peltase ei usinani ne amutou pala, ei ni maibalave amutou mei ni buloi e amutou vuso tastasa ni veletase a inigogona pagu mine amutou.”

Taitus 2:14

Krais ei iabitasesi a maulina minei oto mina gualeliune eitou maino na matamatana inigogona pagupagu vuso, me neitou malu maolo sele, me neitou ugu a abuna vanunua ma tavivine minei oto, me neitou pipigo sagali a inigogona doana vuso.