Pilipai 2:15 - Laulau na Vinalu mine Salemo

^15-16 Mane amutou goli maido, ne amutou palea natatune Salemo bilesi, me namutou ma isa oto a mumuguna ue a inigogona pagu. Ne amutou lapitole obi a inade ei isa a maulina, me ne amutou muina tomane a muada balivua na abuna vanunua ma tavivine mina magamaga ie, ede sou a abuna sou litase a inigogona bilesi, me sou goli a inigogona pagu makuba. Maido me na malada Krais i vavasa ana vanunua ma tavivine, eau na mongemonge sele a inigogona mine amutou, me eau na muada i maido, pipigona sagali vuso eau goli balivua ne amutou, ede eau ma goli sabubi ete.

Pilipai 2:15 Iomraidhean Croise

Matiu 10:16

“Longe. Eau peltase amutou usino tomane a sipsip balivua ne sou a busebuse aou. Maido ma muadana mine amutou ni tomane a aliusu, moni namutou maolo tomane a manu kuau.

Matiu 17:17

Me Iesu ei maliu a inade maido, “Amutou a abuna vanunua ma tavivine amutou ma silimuli ete, damutatalana ma inigogona mine amutou ei ma bilesi oto. Mavisa lou eau na muina pilu e amutou? Mavisa lou eau na tabule a mavaana mine amutou? Maasi a bibi iede usinani minau.”

Matiu 5:45

Maidolo me ne amutou muine amutou e natatune Tamane amutou ei ino oata na langi. Ei toe a oaso minei ni silidavei na vanua sou pagu me sou a vanua doanana tamai. Me ei goli a adavu i pu utano ne sou a bilesina vanua ma vanua sou ma bilesi oto tamai.

Matiu 5:48

Ne amutou muina a bilesina vanunua ma tavivine ivu, tomane Tamane amutou ei ino oata na langi mei bilesi sele.

Malongolongona Kubaana mine Iesu Luk ei niage 1:6

Sulu bilesi sele na matane Salemo. Sulu ogomulimuli a binea vuso ma inade vuso mine Bibi Taula, me sulu ma isa oto a mamauna na matane ei.

Malongolongona Kubaana mine Iesu Luk ei niage 6:35

Moni amutou namutou kale sou a butu mine amutou. Namutou goli a inigogona doana usino ne sou. Amutou magau e sou me amutou ma damudamu lou ve ne sou maliu a ginau usino ne amutou. Mapa mine amutou ni buo sele. Me ne amutou muina e natatune Salemo oata oto sele, vuna ei goligoli a inigogona doana tamai usino na vanunua sou ma toledadangi ete ei me ane sou a butu.

Ioanes 5:35

Ioanes ei muina moni tomane a lada ei lulu mei bilii a muada usino na vanunua. Me amutou mongemonge a muada minei na ilala i boto moni.

Aposel 2:40

Me Pita ei veimuade tamai a matamatana inade sanii usino ne sou, me ei ade sagali ane sou maido, “Mu gualeliu e amutou oto, dae ne amutou vilua pilu e sou a tetena vanunua sou goli a matamatana inigogona pagu.”

Aposel 20:30

Ma vanunua sanii mine amutou oto ne sou ilisi me ne sou auala maisabana mina lapualena vanunua ma tavivine mine Salemo ne sou ogomuli e sou.

Laulau Pol ei niage usino ne sou e Rom 16:19

Amutou ogomulimuli a inade mine Salemo, ma vanunua vuso sou longesi a inade mina inigogona mine amutou. Maido me eau mongemonge sele e amutou. Moni eau kale ne amutou muada sele a inigogona kubaana, me namutou ma muada oto a inigogona pagu.

1 Korin 1:8

Iesu Krais ei ni masagali e amutou pea na punuluna malada, ne amutou ma isa oto a mamauna na malada mine Bibi Taula mine eitou Iesu Krais.

2 Korin 6:17

Maido me Bibi Taula i ade lou maido, “‘Ne amutou ilisitase sou me amutou asu mu malu na avena tasa sea. Me amutou tilale, dae ne amutou valitole amutou na golu i ma alaba oto na matane Salemo. Me eau oto na guale amutou

Epesus 5:27

Ei kale ni toe a viepiluna kinaka ni palea malasa sele na matane ei, mina viepiluna kinaka ei ma isa oto a meda ma kalakobe ma matana golu maido. Boa. Viepiluna kinaka ei ni muina maolo, me ei ni ma isa oto a mumuguna tasa.

Pilipai 1:10

Maido me ne amutou mapigogoi ne mu vivileale sei inigogona i doana sele me sei inigogona i pagu. Me pea na malada e Krais i vavasa ane sou, ne amutou ma isa oto a mumuguna ma sinusuna mina golu tasa.

Pilipai 3:6

Eau sagali sele tamai a pipigona mine Salemo, maido me lisa eau toegegeli sou a viepiluna kinaka. Mane a vanunua sou damutale a inadenade mina binea me sou gegemuale a inigogona minau i bilesi ue boa, de ne sou poge eau eau bilesi moni.

1 Tesalonaika 5:23

Salemo ei a vuna lilomeana, ei ni toe e amutou palea maolo vuso. Mei ni iteale kube a nunune amutou ma lilone amutou ma vovone amutou ne sou ma isa oto a mavaana na ilala Bibi Taula mine eitou Iesu Krais ni veteliu.

1 Timoti 3:10

Palapala namutou tove muge a pipigona mine sou. Mane sou goli a pipigona i doana, io ne sou magili a vanunua na pipigona mina kinaka.

1 Timoti 3:2

Maido ma bibi ei palea a bibi na itealena kinaka ei ni ogomuli moni sou a inigogona bilesi me sou a vanunua ne sou ma ite ete a inigogona pagu tasa minei. Ei ni isa e susuna tasa moni. Ei ni iteale iiti a masagana minei mei ni ogomuli iiti a damutatalana doana moni ma inigogona kubaana. Ei ni iteale kube a mosi sou asu usino na luma minei. Ei ni muada iiti a inigogona matetengine sou a vanunua ma tavivine a inigogona e Salemo ei kale.

1 Timoti 5:14

Maido me eau ade sagali ane sou a buasasu alaba ne sou taulai lou, me ne sou natatua, me ne sou iteale a luma mine sou. Mane sou goli maido, io a butu tasa boa ei ni ite a inigogona sou goli me ei ni adegegelu ane eitou.

1 Timoti 5:20

Mane a munuganuga sanii sou goli a sinusu, de o no toe bilelesi e sou na matane sou a viepiluna kinaka, ne sou sanii tamai ne sou lae a gunolina sinusu.

1 Timoti 5:7

Maido me oo no vei le sou a viepiluna kinaka ne sou ogomuli a inigogona iedo, ne sou goli moni a inigogona bilesi, me ne sou a vanunua ma tavivine ne sou ma adegegelu oto ane sou.

Taitus 1:6

O no vileale a vanua buobuo, sou ma isa oto a inigogona pagu na matana vanunua ma tavivine, me sou isa e susune sou tasa moni. Me ne natatune sou odo ne sou silimuli e Iesu, me ne sou ma ogomuli lei a inigogona toevautautana, me ne sou ma longetasetase lei a inade mine tamana me tinane sou.

Taitus 2:10

me ne sou ma paaaliali lei a golugolu mine sou. Ne sou ogomuli kube a inade mine sou, maido me sou a itealalena ne sou mongemonge sele a inigogona mine sou. Golugolu vuso sou goli, ieli mailisi a vanua ne sou bilii a aisa buo na inade iedo eitou veimuadade iodo, ei a inade ivu mine Salemo, ei e Salemo mina gualeliune eitou.

Taitus 2:15

O no veimuade a inade li usino na vanunua ma tavivine. Me oo no masagali a lilone sou me no toebilelesi a inigogona mine sou a sagagalina Salemo i bilii e oo. O no ma itetasetase lei a vanunua ne sou taupui e oo.

Hibru 7:26

Matana mapana prist maido ei mapigogoi sele ni buloi e eitou. Ei maolo, me ei ma isa oto a inigogona pagu tasa. Ei ma mumugu oto na matane Salemo. Me Salemo ei tau ei oata ivu na langi, i bulago sele ana vanunua na sinusu.

1 Pita 2:12

Amutou namutou asu bilesi balivua mine sou a vanunua sou ma muada oto e Salemo. Mane amutou goli maido, vanunua ne sou adegegeli e amutou, moni mulimuli ne sou ite a inigogona doana mine amutou, me ne sou beilange a aisane Salemo na malada ei ni asu usinani.

1 Pita 2:9

Moni e Salemo ei vilealesi e amutou, me amutou paleasi a abuna vanunua ma tavivine minei bilesi, me amutou paleasi a abuna mina prist mine Mapana, me amutou paleasi a maolona vanunua ma tavivine mine Salemo, me amutou paleasi a abuna minei oto. Maido me amutou mapigogoi namutou veipale a inigogona doana vuso ei goli le amutou me ne mu veipale e ei, ei toleale amutou ne mu ilisitase a tunuui amutou ino i, me ei maasi e amutou ulilo na muada minei, ei muada doana sele.

2 Pita 3:14

Tamtamaigu ivu, amutou magitalitali a golu ie ni palea, maido me namutou pipigo sagali na mailisine amutou oto ne amutou muina alaba na matane Salemo, me ne amutou ma isa oto a mavaana na golu tasa. Me ne amutou lilo tasa moni pilu e Salemo.

Inade i Ovu 2:5

Lisa oo ogomuli a vea doana sele, moni seidei oo litase a vea do me oo bosasi. Maido me oo no damutale lei a inigogona oo goli lisa me oo no sauvule a lilomu me oo goli a matana inigogona tomane palapala oo goli. Mane oo ma goli ete maido, io eau na asu usino minio mea na taulele a butu na lada minio maino na muina.

Inade i Ovu 3:9

Oo muada e sou a abuna mine Satan, sou vei ve, sou a abuna mine Iuda, moni boa. Sou a vanunua na aualana. Io longe. Eau na toe sou a vanua ie ne sou asu me sou totopatulu agavuale a ubumu me ne sou muada i, eau kale mamai sele oo.