Malongolongona Kubaana mine Iesu Mak ei niage 8:12 - Laulau na Vinalu mine Salemo

¹² Iesu ei somiale a mavaana mina nunune ei, mei vei, “Vuna i matina vanunua ma tavivine mina ilala iedo sou tola a niitena matailala. Eau vei patotona ane amutou, ne sou ma mapigogoi ete ne sou ite a matailala tasa.”

Malongolongona Kubaana mine Iesu Mak ei niage 8:12 Iomraidhean Croise

Matiu 12:38

Io a vanua na muadana binea sanii me Parisi sanii sou vei le Iesu maido, “Magiligilina, amiteu kale no goli a gona sinaga tasa tomane a matailala mina maitene amiteu tomane oo goli a pipigona mine Salemo.”

Matiu 16:4

Sou a vanunua ma tavivine mina ilala seidei ie, sou a abuna vanunua ma tavivine pagu me sou ma lilo ivuvu oto ane Salemo. Taliuliu sou tolatola a niitena matailala. Moni matailala tasa ne sou ite, ei a matailala mine Iona moni.” Me Iesu ei ilisitase sou mei asu.

Malongolongona Kubaana mine Iesu Mak ei niage 3:5

Me Iesu ei gemuale liu e sou, mei sinoa. Ei ite a lilone sou sobo, me a lilona i mavaa a golu ie. Mei vei ana bibi iedo maido, “Toebilelesi a limamu.” De ei toebilelesi a limana, ma limana ei palea kuba lou.

Malongolongona Kubaana mine Iesu Mak ei niage 6:6

Me ei damutatala papai e sou a vanunua ma tavivine sou ma silimuli ete ei. De Iesu ei gaga na aububuna avena do, mei bilii a inade mine Salemo usino ne sou a vanunua ma tavivine.

Malongolongona Kubaana mine Iesu Mak ei niage 7:34

Me Iesu i gemu uata na langi, mei ati tangi mei lapuale sagali a ngalane ei. Mei vei ana bibi iedo maido, “Epata.” A malibuuna inade do maido, “Oo peo.”

Malongolongona Kubaana mine Iesu Mak ei niage 8:13

Me ei asutase sou mei sae lou na bot mei voleutu usino na avena pou na nanu maino.

Malongolongona Kubaana mine Iesu Mak ei niage 9:19

Iesu ei longe a inade iedo, mei vei le sou maido, “Amutou a vanunua na silimulina boa. Mavisa eau ugupiluosi e amutou? Mavisa lou eau na tabule a mavaana mine amutou? Maasi a bibaini iede usinani.”

Malongolongona Kubaana mine Iesu Luk ei niage 19:41

Ma ilala Iesu i sibitala agavi, me ei ite a aubu buobuo, me ei tangisobe.