Malongolongona Kubaana mine Iesu Mak ei niage 6:5 - Laulau na Vinalu mine Salemo

⁵ Me ei ma mapigogoi ete ni goli a gona sinaga tasa na aubu iede. Ei tau a limana na vanua ma tavivine na sinobe tastasa moni mei toekube e sou.

Malongolongona Kubaana mine Iesu Mak ei niage 6:5 Iomraidhean Croise

Matiu 13:58

Me ei ma goli ete a gona sinaga makuba na aubu odo, vuna sou ma silimuli ete ei.

Malongolongona Kubaana mine Iesu Mak ei niage 5:23

Me ei nai sagali e Iesu maido, “Natugu a tavine baini bisii moni ni mate. Kubaana o no asu usinani mo tau a limamu muata ne ei, me ei ni kuba lou mei ni mauli.”

Malongolongona Kubaana mine Iesu Mak ei niage 9:23

Me Iesu ei vei lei maido, “Vuna i matina oo vei, ‘Mane oo mapigogoi’? Mane sei bibi ei silimuli, ei mapigogoi ni goli a golugolu vuso.”

Aposel 28:8

Tamane Publius ei sobe a muina. Ei isa a vovotuntunu pilu a tiadavuti. Seido Pol ei asu usino ne ei me ei kaka. Me ei tau a limana ne ei, me ei toekube ei.

Hibru 4:2

Eitou longesi a malongolongona kubaana, tomane lisa sou e Israel sou longe. Moni sou ma silimuli ete a inade mine Salemo, maidolo ma malongolongona kubaana sou longe do, ei ma buloi ete sou.