Malongolongona Kubaana mine Iesu Mak ei niage 4:2 - Laulau na Vinalu mine Salemo

² Me Iesu ei goli a adetinovona makuba mina matetengine sou. Ei bilii e sou a inade maido,

Malongolongona Kubaana mine Iesu Mak ei niage 4:2 Iomraidhean Croise

Matiu 13:10

Mulimuli sou a disaipel sou asuale Iesu me sou tagi e ei, “Vuna i matina oo goli a adetinovona ane sou a vanunua ma tavivine?”

Matiu 13:3

Me Iesu ei goli a adetinovona makuba ane sou. Ei vei maido, “Oite. A bibi tasa ei asu mei lange a vuavuana vit na mauma.

Matiu 7:28

Iesu ei ademuadasi a inade sou ie, io a vanunua ma tavivine makuba sou saga sele a matetengina minei.

Malongolongona Kubaana mine Iesu Mak ei niage 10:1

Iesu ei asutase a avena iedo, mei asu usino ne Iudia me na avena ne Iordan maino. Vanunua ma tavivine papaina sou asu sou viepilu lou pilu e ei. Me Iesu ei ogomuli a inigogona minei, mei matetengi e sou a inade mine Salemo.

Malongolongona Kubaana mine Iesu Mak ei niage 12:1

Iesu ei vei a adetinovona sanii usino ne sou e Iuda. Ei vei maido, “A bibi tasa ei totoe a mauma na vain tasa, mei tau a bigomu, mei pesi a aova tomana taogo sou soetotole me sou bebebe i a vuavua na vain, mei tige a luma mine sou a vanua na itealena mauma. Me ei tau a mauma iedo na limana vanua sanii sou kale ne sou pipigo a gualena vatu. Mulimuli odo ei asu usino na avena tasa i bulago.

Malongolongona Kubaana mine Iesu Mak ei niage 12:38

Me Iesu ei matetengi e sou, mei vei maido, “Amutou tilale amutou e sou a vanua na muadana binea. Sou kale mamai sele ne sou kai a kinainai lagolago me ne sou asu usino usinani. Me sou kale mamai sele sou a vanunua ma tavivine ne sou vate oaso kubaana usino ne sou na muina viepiluna vuso.

Malongolongona Kubaana mine Iesu Mak ei niage 3:23

Me Iesu ei toleale sou agavi usino ne ei, mei lange a adetinovona sanii usino ne sou. Ei vei maido, “I matina Satan i mapigogoi ni votetase e Satan?

Malongolongona Kubaana mine Iesu Mak ei niage 4:11

Me Iesu ei vei le sou maido, “Salemo i matetengiosi amutou a vuna adeoovuna mina niitealalena mine Salemo. Moni a vanunua ino sala, sou longe a inade vuso a adetinovona moni.

Malongolongona Kubaana mine Iesu Mak ei niage 4:3

“Longe. Bibi tasa ei lange a vuavuana vit na mauma.

Ioanes 18:19

Na ilala do a mapana prist ei tagi e Iesu e sou a disaipel minei, me mina matetengina ei bilii e sou.