Malongolongona Kubaana mine Iesu Mak ei niage 16:7 - Laulau na Vinalu mine Salemo

⁷ Moni amutou asu me mu vei a inade ieli usino ne sou a disaipel minei me usino ne Pita tamai maido, ‘Iesu ei ni muge amutou usino ne Galili. Ne amutou ite ei ne Galili, tomane lisa ei veiosi le amutou.’”

Malongolongona Kubaana mine Iesu Mak ei niage 16:7 Iomraidhean Croise

Matiu 26:32

“Moni eau na ilisiliu me eau na muga pala ane amutou usino ne Galili.”

Matiu 28:10

Me Iesu ei vei le sulu maido, “Amulu ma laelae lou. Amulu asu mu vei le tamtamaigu ne sou asu usino ne Galili. Ne sou ite eau na avena do.”

Matiu 28:7

Me amulu asu asi mu vei le sou a disaipel minei maido, ei ilisiliuosi na muina minate. Me ei ni muga pala ane amutou usino ne Galili, me ne amutou ite ei na avena do. Oite, eau asu usinani na bilii a inade li usino ne amutou.”

Malongolongona Kubaana mine Iesu Mak ei niage 14:28

Moni eau na ilisiliu, mea na muga pala ane amutou usino ne Galili.”

Malongolongona Kubaana mine Iesu Mak ei niage 14:50

Me sou a disaipel sou ilisitase e Iesu me sou oava.

Malongolongona Kubaana mine Iesu Mak ei niage 16:8

Ma tavivine sou gali usala, me sou asutase a muina minate me sou oava. Lilone sou i pansae ma vovone sou i palili. Me sou ma vei ete a inade tasa usino na bibi tasa, vuna sou lae.

Ioanes 21:1

Mulimuli Iesu ei palea lou ne sou a disaipel agavuale a pou na nanu e Galili, aisana pou na nanu tasa lou e Taiberias. Ei palea le sou maido,

Aposel 13:31

me sou a vanunua sou ilisitase Galili me sou asu usino ne Ierusalem pilu e ei, sou ite ei na malada papaina. Seidei sou a vanunua do sou malongolongo a inade minei usino ne sou a abuna ne Iuda.

1 Korin 15:5

Me mulimuli ei palea le Pita, me mulimuli lou ei palea le sou a aposel savulu tasa timana lua.

2 Korin 2:7

Maidolo me puiale lou namutou goli a inigogona tasa sea seidei. Ei puiale namutou lilotase a sinusu minei, me mu toemea a lilone ei. Dae a lilomavaana buo mamau ni toebose sele a bibi iedo.