Malongolongona Kubaana mine Iesu Mak ei niage 14:41 - Laulau na Vinalu mine Salemo

⁴¹ Mulimuli Iesu ei veteliu matolunai, mei vei le sou a disaipel maido, “Amutou manoa me mu ngolongolo, io? Ei mapigogoiosi. A ilala i paleasi, me seidei sou bilii e Natuna Bibi usino na limane sou a vanua na sinusu.

Malongolongona Kubaana mine Iesu Mak ei niage 14:41 Iomraidhean Croise

Matiu 26:2

“Amutou muada, tauluna malada lua a Malada na Asuleletasena ei ni palea. Me ne sou tau e Natuna Bibi na limane sou a butu me ne sou gatitole ei na tauvaleuti.”

Malongolongona Kubaana mine Iesu Mak ei niage 14:10

Na malada iedo, Iudas Iskariot, ei a bibi tasa mine sou a disaipel savulu tasa timana lua, ei asu usino ne sou a munuganuga mina prist. Ei kale ni bilii e Iesu usino ne sou.

Malongolongona Kubaana mine Iesu Mak ei niage 14:18

Sou ugu me sou aaniani, me Iesu ei vei maido, “Eau vei patotona le amutou, bibi tasa balivua ne amutou ei ni bilii e eau usino na limane sou a vanunua sou butuale eau. Ei a bibi tasa ei aani pilu e eau ie.”

Malongolongona Kubaana mine Iesu Mak ei niage 14:35

Me ei asu sapa usino, mei totopatulu na magamaga mei kaka maido, mane a vea tasa ino, ei kale a matailala odo ni asuleletase ei.

Malongolongona Kubaana mine Iesu Mak ei niage 14:40

Me ei veteliu lou usino ne sou a disaipel mei ite sou so ngolongolo, vuna, matane sou i mavaa sele. Me na ilala ei toleluti e sou, sou ma muada oto ve ne sou goli a sei inade usino ne ei.

Malongolongona Kubaana mine Iesu Mak ei niage 14:42

Amutou ilisi, neitou asu. Mu ite, a bibi ei kale ni bilii e eau usino na limane sou, ei diviosi.”

Malongolongona Kubaana mine Iesu Mak ei niage 7:9

Me Iesu ei vei lei le sou maido, “Amutou ogomulimuli a inigogona mine amutou oto, moni amutou longetase a inade mine Salemo.

Malongolongona Kubaana mine Iesu Mak ei niage 9:31

vuna ei pipigo a matetengine sou a disaipel minei. Ei vei le sou maido, “Ne sou tau e Natuna Bibi na limane sou a vanunua, me ne sou valipute ei ni mate. De mina malada tolu ei ni ilisiliu.”

Ioanes 12:23

Me Iesu ei adeliu a inade usino ne sou maido, “Ilala mine Natuna Bibi ei ni guale a aisa buo, seidei ei paleasi.

Ioanes 12:27

Iesu ei vei lou maido, “Seidei a lilogu i mavaa me eau damutatala papai. Eau na vei a sava? ‘Ouma, no buloi e eau me no taulele a mavaana ieli ni palea le eau na ilala ieli?’ Moni vuna moni ieli eau asu usinani.

Ioanes 17:1

Iesu ei ademuadasi i ane sou a disaipel, mei gemu uata na langi, mei vei maido, “Ouma, ilala i paleasi. Seidei o no bilii e Natumu a aisa buo, maido me Natumu ni bilii e oo a aisa buo.

Ioanes 7:30

Sou longe a inade iedo me sou kale ne so sautole ei. Moni a ilala minei saboa, maidolo me tasa ne sou i ma sautole ete ei.

Ioanes 8:20

Iesu ei matetengi e sou a vanunua ma tavivine agavuale a taogo na niabi mina luma mine Salemo, me ei goli a inade sou ie. Ma bibi tasa ei ma lapitole ete ei, vuna maido ilala ne ei i saboa.

Aposel 7:52

Lisa tubutubune amutou sou goli a inigogona pagu usino ne sou a profet papaina. Sou valiputemate a vanunua lisa sou veipale maido a bibi na gunolina inigogona bilesi ei ni asu usinani. Me seidei a bibi iodo ei asuosi usinani, me amutou tau ei na limane sou a butu me mu valipute ei.