Malongolongona Kubaana mine Iesu Mak ei niage 1:11 - Laulau na Vinalu mine Salemo

¹¹ Me muata na langi a baligolu tasa ei tola maido, “Oo e Natugu. Eau kale sele oo. A lilogu ei mongemonge sele e oo.”

Malongolongona Kubaana mine Iesu Mak ei niage 1:11 Iomraidhean Croise

Matiu 12:18

“Ieli ei a bibi na pipigona minau. Eau oto eau vileale ei. Eau kale mamai e ei, ma lilogu ei mongemonge mamau sele e ei. Eau na tau a Nunugu ne ei, me ei ni veipale a inade mina bilesina inigogona na abuna vanunua ma tavivine vuso na magamaga.

Matiu 17:5

Pita ei saboa ino adeade maido, ma ausa tasa ei kea muada mamau sele mei avisobe sou. Ma baligoluna bibi tasa ino lilo na ausa do ei vei maido, “Ielili ei e Natugu, eau kale mamai sele ei mea mongemonge e ei. Amutou longemuli a inade minei.”

Matiu 3:17

Me na langi a tinola tasa ei ade maido, “Ielili e Natugu, eau kale sele ei. Lilogu i mongemonge sele e ei.”

Malongolongona Kubaana mine Iesu Mak ei niage 1:10

Me Iesu ei ilisitase a nanu, ma tabaa oto ei ite a langi i peo ma Maolona Nunu ei sivo utano minei tomane a manu a kuau.

Malongolongona Kubaana mine Iesu Mak ei niage 9:7

De a ausa tasa i palea mei avisobe sou. Ma tinola tasa lilona ausa do ei vei maido, “Iede ei e Natugu, eau kale mamai sele ei. Amutou longemuli a inadena.”

Malongolongona Kubaana mine Iesu Luk ei niage 3:22

ma Maolona Nunu i sivo utano ne ei tomane a manu a kuau. Me maino na langi a tinola tasa i tola maido, “Oo e natugu. Eau kale sele oo. Lilogu ei mongemonge e oo.”

Malongolongona Kubaana mine Iesu Luk ei niage 9:35

Ma baligolu tasa malilo na ausa do i vei maido, “Iedele ei e natugu. Eau matoalesi e ei. Amutou longemuli e ei.”

Ioanes 1:34

Me eau oto eau ite me eau veimuadesi a inade maido, iede e Natune Salemo.”

Ioanes 3:16

Salemo ei isa e Natuna tasa moni. Moni ei bilii e Natuna tasa do usino ne sou a vanunua ma tavivine na magamaga tomane amiteu, vuna ei kale mamaimai sele sou. Ei goli maido ve sou a vanunua ma tavivine so silimuli e ei, ne sou ma buale oto, me ne sou guale a maulina i doana taliuliu taliuliu.

Ioanes 5:37

Me Euma ei peltase eau usinani, ei oto ei veimuade e eau. Moni amutou ma longemuli sape ete a baligoluna. Boa vuso sele. Me amutou ma ite ete a laguna.

Ioanes 6:69

Me amiteu silimuli, me amiteu muada iiti i maido, oo moni oo a maolona bibi Salemo ei vilealesi minei oto.”

Laulau Pol ei niage usino ne sou e Rom 1:4

Salemo i mailisi e ei na minate na sagagalina mina Maolona Nunu mine Salemo, Salemo i maite e eitou maido, ei e Natune Salemo. Ei e Iesu Krais, Bibi Taula mine eitou.

Kolosi 1:13

Lisa eitou ino matano na sagagalina tunuui, moni Salemo ei gualeliuosi e eitou mei maasi usino na niitealalena mine Natuna, ede ei kale mamai sele.