Matiu 5:1 - Laulau na Vinalu mine Salemo

¹ Iesu ite sou a abuna vanunua ma tavivine buo sou asu maino, me ei asu uata na loena. Ei ugu me sou a disaipel minei sou asuale ei.

Matiu 5:1 Iomraidhean Croise

Matiu 13:2

Ma abuna vanunua ma tavivine makuba sele sou asuale ei. Maidolo me ei sae na bot tasa mei ugu, ma vanunua ma tavivine vuso sou magili na mado.

Matiu 15:29

Iesu ei ilisitase a aubu iodo mei asu na lili na pou na nanu e Galili. Me ei asu uata na loena mei ugu.

Matiu 4:25

Ma abuna vanunua ma tavivine makuba ne Galili, me ne Dekapolis, me ne Ierusalem me Iudia, me na magamaga maino na nanu e Iordan, sou ogomulimuli ei.

Matiu 5:2

Me Iesu ei matetengi e sou a disaipel minei maido,

Malongolongona Kubaana mine Iesu Mak ei niage 3:13

Iesu ei asu uata na loena. Ei kale ni vileale a vanua sanii ne sou ugu pilu e ei. Me ei toleale sou a vanua do, me sou asu usino ne ei.

Malongolongona Kubaana mine Iesu Mak ei niage 3:20

Iesu ei gali ulilo na luma tasa. Me sou a abuna vanunua ma tavivine sou asu usinani sou viepilu lou, maidolo me Iesu pilu e sou a disaipel minei sou ma isa oto a matailala na inani.

Malongolongona Kubaana mine Iesu Mak ei niage 4:1

Iesu ei matetengi lou a vanunua ma tavivine mina lili na pou na nanu. Ma abuna vanunua ma tavivine taula sou asuale ei. Maidolo me ei sae na bot tasa ino na pou na nanu, mei ugu i. Ma vanunua ma tavivine vuso ino na mado agavuale a nanu.

Malongolongona Kubaana mine Iesu Luk ei niage 6:12

Na ilala iedo Iesu ei asu uata na loena tasa ni kaka. Na lodo vuso do ei kaka.

Malongolongona Kubaana mine Iesu Luk ei niage 6:17

Iesu pilu e sou so sivo mei magili na tia pilu e sou abuna disaipel taula minei. Ma vanunua ma tavivine papaina sele sou maino ne Iudia, Ierusalem me na mado ne Tair me Saidon.

Malongolongona Kubaana mine Iesu Luk ei niage 6:20

Me Iesu i gemuale sou a disaipel minei mei vei maido, “Amutou a kapelabena vanua, namutou mongemonge, vuna avena mina niitealalena mine Salemo ei mine amutou.

Malongolongona Kubaana mine Iesu Luk ei niage 9:28

Malada pantolu mamuli ne Iesu ei vei a inade sou odo, ei guale Pita, Ioanes me Iemus, me sou asu uata na loena ni kaka.

Ioanes 6:15

Iesu ei longe a inade do mei muada maido, sou kale ne sou lapitole ei me ne sou tau e ei ni palea a mapana mine sou. Maido me ei ilisitase a avena do me ei vululu moni ei veteliu lou usino na loena.