Matiu 4:25 - Laulau na Vinalu mine Salemo

²⁵ Ma abuna vanunua ma tavivine makuba ne Galili, me ne Dekapolis, me ne Ierusalem me Iudia, me na magamaga maino na nanu e Iordan, sou ogomulimuli ei.

Matiu 4:25 Iomraidhean Croise

Matiu 12:15

Iesu ei muada a golu sou e Parisi sou kale ne sou goli le ei. Maido me ei ilisitase a aubu odo. Vanunua ma tavivine makuba sou ogomuli e ei, me ei toekube a vanunua ma tavivine vuso sou isa a sinobe.

Matiu 19:2

Me sou a abuna vanunua ma tavivine buo sou ogomuli e ei. Me na avena do ei toekube sou so isa a sinobe.

Matiu 4:15

“A vanunua ma tavivine mine Sebulun me Naptali, ei a magamaga ino agavuale a vea buobuo usino na dasi ma avena maino na nanu e Iordan, ei a magamaga mina avena ne Galili, avena do a vanunua ma tavivine makuba mina aveavena sea tamai sou ino i.

Matiu 5:1

Iesu ite sou a abuna vanunua ma tavivine buo sou asu maino, me ei asu uata na loena. Ei ugu me sou a disaipel minei sou asuale ei.

Matiu 8:1

Iesu ei asutase a loena mei sivo utano, ma vanunua ma tavivine makuba sele sou ogomuli e ei.

Malongolongona Kubaana mine Iesu Mak ei niage 5:20

Maido ma bibi iedo ei asu, mei veimuade a inade mina avena vuso mine Dekapolis a golugolu vuso Iesu ei goli mina buloine ei. Me sou a vanunua ma tavivine sou longe me sou saga sele.

Malongolongona Kubaana mine Iesu Mak ei niage 6:2

Na Maolona Malada ei asu usino na luma na kinaka mine sou e Iuda mei bilii a inade mine Salemo usino ne sou a vanunua ma tavivine. Papaina mine sou a vanunua ma tavivine sou longe a inadene ei, sou saga sele me sou vei, “A bibi ieli ei guale a inade li iva? Muadana ino minei iodo, sei bilii e ei? Sei bilii e ei a sagagalina me ei goli a matamatana gona sinaganaga?

Malongolongona Kubaana mine Iesu Mak ei niage 7:31

Seido Iesu ei ilisi lou mei asutase a avena ne Tair, mei asu usino na avena ne Saidon. Me ei asu lou usino na avena ne Dekapolis, mei sibitala na pou na nanu e Galili.

Malongolongona Kubaana mine Iesu Luk ei niage 6:17

Iesu pilu e sou so sivo mei magili na tia pilu e sou abuna disaipel taula minei. Ma vanunua ma tavivine papaina sele sou maino ne Iudia, Ierusalem me na mado ne Tair me Saidon.

Malongolongona Kubaana mine Iesu Luk ei niage 6:19

Ma vanunua ma tavivine vuso sou kale a tinauna limane sou ne ei, vuna maido ei isa a sagagalina na toekubekubena vanunua vuso.