Matiu 28:7 - Laulau na Vinalu mine Salemo

⁷ Me amulu asu asi mu vei le sou a disaipel minei maido, ei ilisiliuosi na muina minate. Me ei ni muga pala ane amutou usino ne Galili, me ne amutou ite ei na avena do. Oite, eau asu usinani na bilii a inade li usino ne amutou.”

Matiu 28:7 Iomraidhean Croise

Matiu 24:25

Oite, palapala eau veiosi le amutou a golugolu sou odo.

Matiu 26:32

“Moni eau na ilisiliu me eau na muga pala ane amutou usino ne Galili.”

Matiu 28:10

Me Iesu ei vei le sulu maido, “Amulu ma laelae lou. Amulu asu mu vei le tamtamaigu ne sou asu usino ne Galili. Ne sou ite eau na avena do.”

Matiu 28:8

Tavine lua su lae sele, moni sulu mongemonge mamau sele, ma tabaa oto sulu asutase a muina minate me sulu vele vauta usino ne su vei le sou a disaipel minei.

Malongolongona Kubaana mine Iesu Mak ei niage 14:28

Moni eau na ilisiliu, mea na muga pala ane amutou usino ne Galili.”

Malongolongona Kubaana mine Iesu Mak ei niage 16:10

Maria ei asu mei vei le sou a vanunua sou asu pilupilu e Iesu. Sou a vanunua do sou lilobuu me sou tangitangi.

Malongolongona Kubaana mine Iesu Mak ei niage 16:13

Me sulu asu su veipale a inade do usino ne sou a disaipel sanii. Moni sou ma silimuli ete a inade mina bibi lua do.

Malongolongona Kubaana mine Iesu Luk ei niage 24:34

Me sou vei, “Patotona sele Bibi Taula ei ilisiliu! Saimon ei itesi ei!”

Ioanes 14:29

Seidei eau vei le amutou a golu ei saboa palea, maidolo mulimuli, mane a malada ei palea, ne amutou silimuli.

Ioanes 16:4

Moni seidei eau veiosi ane amutou, mane a matailala ei ni palea ne amutou damutaleliu a inade eau veipale ane amutou. Lisa eau oto eau pilu e amutou, maido me eau ma vei ete ane amutou a golugolu sou ie.

1 Korin 15:4

Me sou tau e ei na muina minate, me na malada tolu ei ilisiliu, tomane a inade ino na Laulau mine Salemo.

1 Korin 15:6

Me mulimuli ei palea le tamtamaina papaina, savulu ne sou ei vululusi savulu sobo lima. Papaina sele mine sou saboa eili, moni sanii sou matesi.