Matiu 26:52 - Laulau na Vinalu mine Salemo

⁵² Moni e Iesu ei vei lei maido, “Tau liu a viso minio na muina. Vanua vuso sou maubi a viso, viso ni toegegeli e sou.

Matiu 26:52 Iomraidhean Croise

Matiu 5:39

Moni eau vei le amutou maido, amutou ma vosa adoado lou ana bibi ei toegegeli e amutou. Mane a bibi tasa ei sapegalegale a galemu e gata, oo no sauvule a galemu meli tamai usino ne ei.

Laulau Pol ei niage usino ne sou e Rom 12:19

Tamtamaigu ivu, amutou oto amutou ma adovedove lei a inigogona pagu sou goli le amutou. Nosi ana Salemo ni lilotivula ane sou. Amutou muada, a Laulau mine Salemo ei isa a inade maido, “Adovena inigogona pagu, iede a pipigona minau. Eau oto eau na maliu a inigogona pagu mine sou mea na toegegeli e sou.”

1 Tesalonaika 5:15

Mane sou goli a inigogona pagu usino ne amutou, io namutou ma adoliuliu lou. Ilala taliuliu namutou sagali a gunolina inigogona doana usino ne sou a vanunua ma tavivine mine Salemo me ne sou a vanunua ma tavivine vuso.

1 Pita 3:9

Mane a vanunua sou toegegeli e amutou, io namutou ma adovedove lei. Mane sou lobe e amutou, io namutou ma maliuliu lei a mailobena mine sou. Ne amutou kake Salemo ni toekube sou. Salemo ei toleale amutou ne mu guale a maibalavana minei.

Inade i Ovu 13:10

“Mane Salemo ei vileale a bibi tasa ni asu usino na luma na tunuui, io ei ni asu. Me mane ei vileale a bibi tasa sou valiputemate ei a viso, io ne sou valiputemate ei a viso.” Me na ilala matana inigogona maido i palea, io a vanunua ma tavivine mine Salemo ne sou magili sagali me sou lapitole obi a silimulina mine sou.

Inade i Ovu 16:6

Vanunua do sou valiputemate sou a vanunua ma tavivine minio pilu e sou a profet, ma dalane sou i singi. Maido me oo bilii a daladalane sou usino na vanua pagupagu odo ne sou ini. Ma daladala sou ini odo ei maliu bilesi a inigogona pagu sou goli.”