Matiu 26:5 - Laulau na Vinalu mine Salemo

⁵ Moni e sou vei maido, “Neitou ma goligoli lei a golu ie na malada buo mina kinaka. Dae a vanunua ma tavivine ne sou ite me ne sou mailisi a maubina.”

Matiu 26:5 Iomraidhean Croise

Matiu 14:5

Me Herot ei kale ni valipute Ioanes, moni ei lae e sou a vanunua ma tavivine, vuna sou damu e Ioanes ei a profet.

Matiu 21:26

Me mane eitou vei, ‘Ei a golu mina vanua moni,’ io ne eitou lae e sou a vanunua ma tavivine, vuna sou vuso sou damu e Ioanes ei a profet ivu.”

Matiu 27:24

Pailat ei muadasi i, sou ma longemuli ete a inadene ei, moni a maubina taula ei ni palea. Maido me ei guale a nanu mei loloi a limana na matane sou a vanunua ma tavivine. Me ei vei maido, “Iede a sinusu minau boa, mane a bibi iede ei mate, iede a golu mine amutou moni.”

Malongolongona Kubaana mine Iesu Mak ei niage 14:12

Munugana malada mina Malada Buo mina inani na ulalu a is boa ei palea. Na malada iedo sou valiputepute a natatuna sipsip mina inani. Me sou a disaipel sou vei le Iesu maido, “Oo kale ne amiteu asu usiva me namiteu masusulu a gona inani oo no ani na Malada na Asuleletasena?”

Malongolongona Kubaana mine Iesu Mak ei niage 14:2

Sou vei, “Eitou ma goligoli lei a inigogona ieli na malada buobuo. Dae ne sou a vanunua ma tavivine sou ite me ne sou sinoa me ne sou mailisi a maubina.”

Malongolongona Kubaana mine Iesu Mak ei niage 14:27

Iesu ei vei le sou a disaipel minei maido, “Silimulina mine amutou vuso ni bosa, vuna, a Laulau mine Salemo ei isa a inade maido, “‘Eau na valipute a bibi na itealalena, me sou a sipsip ne sou oava maisaba.’

Malongolongona Kubaana mine Iesu Luk ei niage 20:6

Me mane eitou vei, ‘Ei a golu mina vanunua moni,’ io vanunua vuso ne sou ubi e eitou a vatu, vuna maido sou silimuli sagali maido Ioanes ei a profet.”

Malongolongona Kubaana mine Iesu Luk ei niage 22:7

Malada buo mina ulalu a is boa ei palea. Na malada do ne sou mapigogoi valipute a natuna sipsip na Malada na Asuleletasena.

Ioanes 18:28

De sou e Iuda sou guale Iesu me sou ilisitase a luma mine Kaiapas me sou maasi ei usino na luma mina bibi na itealalena avena do. Ei autupola siisii sele. Me sou oto so ma gali ulilo oto na luma mina bibi na itealalena, vuna sou kale ne sou ma palea mumugu oto na matane Salemo na ilala sou ani a gona inani mina Malada na Asuleletasena, maido me sou oto so ma gali oto ulilo na luma na bibi ei iteale a avena.

Aposel 19:29

Maido ma mangelengelena buo i palea na aubu buobuo do. Sou ilisi pilu me sou lapuale Gaius pilu e Aristakus, sulu a bibi maino ne Masedonia me su gaga pilu e Pol. Me sou maasi sulu usino na muina viepiluna.

Aposel 21:38

Lisa bisii moni a bibi tasa ne Isip ei mailisi a maubina ana vanua na itealalena aubu, me ei guale a vanunua savuluvulu iva (4,000) sou maubi a viso, mei maasi e sou usino na avena a vanua boa. Eau damu e oo a tau Isip iedo.”

Aposel 4:28

Ilala sou goli a golu odo, sou ogomuli a damutatalana ma masagana minio moni. Na sagagalina minio, lisa otosi oo masagaliosi a inade na golugolu vuso ei ni sibitala.