Matiu 24:16 - Laulau na Vinalu mine Salemo

¹⁶ Io sou a vanunua ma tavivine ino na avena ne Iudia ne sou oava usino na loeloena.

Matiu 24:16 Iomraidhean Croise

Matiu 2:1

Na ilala Herot ei ino a mapana, Maria ei maalepose Iesu ne Betlehem na avena ne Iudia. Me mulimuli vanua na muadana sanii maino na avena oaso i tala i sou asu usinani ne Ierusalem me sou tagu maido,

Matiu 24:15

“Ilala namutou ite ‘a golu pagu sele ie’ a profet e Daniel ei ade i, ma golu odo ei ni magili ino na luma mine Salemo oto, bibi ei gi a inade ie, ei ni damutatala kuba.

Matiu 24:17

Ma bibi ino oata na mapana luma, ei ni ma sivo oto utano mina gualena golugolu minei ino na luma.

Hibru 11:7

Noa ei silimuli e Salemo, na ilala Salemo ei ademuada ane ei a golu ei ni palea mulimuli, a golu odo Noa i saboa ite, ei ogomuli a inade mine Salemo me ei tige a kuta tasa. Me ei pilu e susuna natatune ei sou gali ulilo na kuta do, maido me sou puiale moni, me sou ma mamau oto. Na silimulina minei iodo, Noa ei vavasa a inigogona pagu mine sou vuso a vanunua ma tavivine na magamaga. Noa ei silimuli e Salemo me Salemo ei vate ei a bilesina bibi, tomane Salemo ei goli le sou vuso a vanunua sou silimuli e ei.