Matiu 17:1 - Laulau na Vinalu mine Salemo

¹ Malada pantasa i pulosi, Iesu ei guale Pita me Iemus pilu e tasina e Ioanes, me sou moni asu usino na loena tasa i oata oto. Me sou moni muine sou.

Matiu 17:1 Iomraidhean Croise

Matiu 17:2

Ma vovone Iesu ei sauvuvule mei palea sea sele na matane sou. Ma lagune ei malasolosolo tomane a oaso, ma malo minei ei palea kea tomane a muada.

Matiu 26:37

Ei guale Pita pilu e natune Sebedi lua usino pilu e ei. Ma lilona i mavaa, mei somiale i gegeli sele.

Malongolongona Kubaana mine Iesu Mak ei niage 13:3

Iesu ei ugu mina loena e Oliv mei ite a luma mine Salemo ino nado. Me Pita me Iemus me Ioanes me Andru sou moni sou asu usino ne ei. Me sou tagi e ei maido,

Malongolongona Kubaana mine Iesu Mak ei niage 5:37

Me ei magilisobe sou a vanunua ma tavivine ne sou ogomulimuli ei. Pita me Iemus me tasine Iemus, Ioanes, sou tao tolu moni sou ogomuli e ei.

Malongolongona Kubaana mine Iesu Luk ei niage 8:51

Iesu ei asu usino na luma, me ei ma longo oto ana a vanua ne sou gali ulilo na luma pilu e ei. Moni Pita, Ioanes, Iemus me tamana tavine baini odo me tinana sou gali ulilo pilu e ei.

2 Korin 13:1

Seidei eau na asuale amutou matolunai, ma Laulau mine Salemo i vei maido, “Mane a bibi lua ue tolu ue visa sou vei sou ite a bibi ei goli a inigogona i ma puiale ete, io eitou mapigogoi neitou toebilelesi a inade.”

2 Pita 1:16

Amiteu veiosi le amutou a sagagalina ma veteliuna mine Bibi Taula mine eitou, Iesu Krais. Moni ilala amiteu ade ane amutou a inade mine Krais ieli, amiteu ma ogomuli ete a mapamulina sabubu ei palea maino na damutatalana mine sou a vanunua. Boa. Na matane amiteu oto, amiteu ite a muada buo ma sagagalina mine Salemo i palea ne ei, maidolo me amiteu ade i.

2 Pita 1:18

Amiteu muina pilu e ei na maolona loena, me amiteu longe a inade do muata na langi.