Matiu 14:6 - Laulau na Vinalu mine Salemo

⁶ Na damutaleliuna alaposana mine Herot, vanua sanii sou asu maino me sou aani pilu e Herot. Me na ilala do natuna tavine mine Herodias ei asu mei tilia balivua ne sou. Me Herot ei kale sele a tiliana minei.

Matiu 14:6 Iomraidhean Croise

Matiu 14:3

Lisa Herot ei tavui e Herodias, ei e susune Pilip, tasine Herot. Me Ioanes ei vei le Herot maido, “Oo guale a tavine ieli, ei ma bilesi oto.” Maido me Herot ei lapitole Ioanes mei papale ei mei tau e ei na luma na tunuui.

Matiu 14:7

Maido me Herot ei adegatuna ane ei maido, “Ivu uata, sei golu oo kake usinani minau, ede eau na bilii e oo.”

Matiu 22:24

“Magiligilina, Moses ei vei maido, ‘Mane a bibi tasa ei ma isa oto a natuna tasa mei mate, io tasine ei ni tavui e susuna mei ni mapale e natatuna, io a abuna mine tuana ni ma pulu oto.

Malongolongona Kubaana mine Iesu Mak ei niage 6:14

Herot a mapana ei longe a inade na golugolu ieli ei palea, vuna aisane Iesu i vele bubulasi na aveavena vuso. Vanunua ma tavivine sanii sou vei, “Ei e Ioanes a bibi na maavuvutuna ei ilisiliu na muina minate. Maido me ei goli a gona sinaga ieli pilu a sagagalina.”

Malongolongona Kubaana mine Iesu Mak ei niage 6:17

Lisa Herot ei tavui e Herodias, susune Pilip, tasine Herot. Me Ioanes ei vei le Herot maido, “Oo guale susune tasimu, ei ma puiale ete.” Maido me Herot i peltase a vanua usino ne sou saavi e Ioanes, me sou papaletole ei a sen me sou tau ei na luma na tunuui.

Malongolongona Kubaana mine Iesu Mak ei niage 6:19

Herodias ei sinoa mamau sele ane Ioanes mei kale ni valiputemate ei, moni ei ma mapigogoi ete,

Malongolongona Kubaana mine Iesu Mak ei niage 8:15

Me Iesu ei ade sagali ane sou maido, “Amutou ulago kuba. Amutou tilale a is mine sou e Parisi me Herot.”

Malongolongona Kubaana mine Iesu Luk ei niage 13:31

Na ilala bilesi iodo e Parisi sanii sou asu, me sou vei le Iesu maido, “Oo no ilisitase a aubu ieli, vuna maido Herot ei kale ni valipute oo.”

Malongolongona Kubaana mine Iesu Luk ei niage 23:11

Io Herot pilu a vanunua na maubina minei sou adegegeli e Iesu, me sou adepintola ane ei. Sou guale a kinainai tasa malasa, me sou makai e ei, me sou peltase ei usino lou ne Pailat.

Malongolongona Kubaana mine Iesu Luk ei niage 23:7

Ilala Pailat ei muada i maido Iesu ei maino na avena magamaga Herot ei iteale, maido ei peltase Iesu usino ne Herot. Na ilala dolo Herot tamai ei ino ne Ierusalem.

Malongolongona Kubaana mine Iesu Luk ei niage 3:1

Na avala savulu tasa timana lima mine Sisar Taiberius ei ino a mapana mine Rom, e Pontius Pailat ei ino munugana mina niitealena avena buo ne Iudia. Na ilala do Herot ei muge a avena mine Galili. Me tasine ei e Pilip ei muge a avena ne Ituria me Trakonitis, me Lisanias ei muge a avena ne Abilene.

Malongolongona Kubaana mine Iesu Luk ei niage 3:19

Ioanes ei adesinoa ane Herot a munugana niitealena avena na inigogona pagu ei goli le Herodias, ei e susune tasine Herot, me na inigogona sanii pagu lou Herot i goli tamai.

Malongolongona Kubaana mine Iesu Luk ei niage 8:3

me Ioana ei e susune Kusa, ei a bibi na itealalena mina luma mine Herot, me Susana ma tavivine papaina sea sou buloi e sou a golugolu mine sou.

Aposel 12:1

Na ilala do Mapana Herot ei toegegeli a vanunua sanii mina viepiluna kinaka.

Aposel 4:27

Patotona sele, Herot me Pontius Pailat su pilu e sou a vanunua ma tavivine mina abuna sea me sou e Israel, sou viepilu ve ne sou tau e Iesu utano, a maolona bibi na pipigona minio oto, lisa oo vileale ei ve ni goli a pipigona minio.