Matiu 13:44 - Laulau na Vinalu mine Salemo

⁴⁴ “Niitealalena mina langi ei tomane a malasana vatu sou tau oovi na mauma tasa. Bibi tasa ei poge mei tau oovipole lei. Ei mongemonge sele, me ei asu masosove a golugolu vuso minei, me ei oli a mauma do.

Matiu 13:44 Iomraidhean Croise

Matiu 13:24

Iesu ei bilii a adetinovona sea ane sou maido, “Niitealalena mina langi ei tomane a bibi tasa ei lange a vuana vit doadoana na mauma minei.

Matiu 13:46

Ma ilala ei poge a gapu tasa mapana ei oata oto sele, ei asu masosove a golugolu vuso minei mei oli a gapu doana do.

Matiu 13:47

“Niitealalena mina langi ei tomane a vuo tasa sou lange utano na dasi, me ei guale a matamatana aia.

Matiu 19:21

Me Iesu ei vei lei maido, “Mane oo kale no palea bilesi sele, io oo asu sosove a golugolu vuso minio, me a vatu oo guale do oo no bilii e sou a kapelabe. Oo goli maido, me oo no guale a golugolu doana sele na niitealalena mina langi. Me mulimuli oo vele o ogomuli e eau.”

Matiu 19:27

Maido me Pita ei maliu a inade mei vei lei maido, “Oite. Amiteu ilisitase a golugolu vuso me amiteu ogomuli e oo. Namiteu guale sei golu?”

Matiu 19:29

Ma vanunua ma tavivine sou damutale a aisagu me sou ilisitase a luma ue tasina ue latavinena ue tamana ue tinana ue natatuna ue a mauma, ne sou guale savulu sobo tasa lou, me ne sou guale a maulina i doana taliuliu tamai.

Matiu 6:21

Na avena a golugolu doadoana minio ino i, na avena moni iedo a lilomu tamai ei ni ino i.

Malongolongona Kubaana mine Iesu Luk ei niage 14:33

Maido me tomane moni mane tasa mine amutou i ma lametase ete a golugolu vuso minei, ei ma mapigogoi ete ni muina a disaipel minau.

Ioanes 6:35

Me Iesu ei vei le sou maido, “Eau oto eau a ulalu mina maulina. Bibi ei asuale eau ei ni ma vitolo oto. Ma bibi ei silimuli e eau ei ni ma malou oto.

Laulau Pol ei niage usino ne sou e Rom 15:4

Inade vuso lisa sou niage na Laulau mine Salemo, iede sou niage mina matetengine eitou. A inade li ei mina masagalina lilone eitou me na buloine eitou to magili sagali me magitali e Salemo ni guale eitou.

Kolosi 2:3

Matana muadana ma damutatalana vuso tomane a gona vuvutina ino ovu lilo ne Krais.

Kolosi 3:16

Namutou toe a inade mine Krais ni vonu lilo ne amutou. Amutou tastasa ne amutou matetengi e sou a kristen sea, me mu biliilii a damutatalana kuba ma muadana usino ne sou, ne sou goli a inigogona doana moni. Namutou toledadangi e Salemo na lilone amutou, ne amutou ale ane Salemo a inalanala mina Laulau na Inala, me sou a inala mina kinaka, ma inala a Maolona Nunu ei mapale na lilone amutou.

Hibru 10:34

Na ilala sou tau sanii mine amutou na luma na tunuui, amutou lilomulimuli a vanunua do me amutou kuba sele ane sou. Ma ilala sou lapuale a golugolu vuso mine amutou, amutou mongemonge me amutou itetase moni sou, vuna amutou muada a golu ivu mine amutou ei saboa ino, moni a golu iedo ei muina taliuliu taliuliu.

Inade i Ovu 3:18

Maido me eau ade sagali ane oo. No oli a gol minau, iede a oavi ei tuni mei taulele sele a golugolu pagu ne ei. Maidolo oo no palea vuvuti. Me puiale oo no oli a kinainai keakea mina kaisobena vovomu, me sou a vanua ma mapigogoi ete ne sou ite oo magili aimu moni me oo maela i. Me puiale oo no oli a bunu mo no tau na matamu, me oo no gemu kuba.