Malongolongona Kubaana mine Iesu Luk ei niage 3:14 - Laulau na Vinalu mine Salemo

¹⁴ Vanunua mina maubina sanii tamai sou tagi e ei, “Me ne amiteu goli a sava?” Me ei maliu a inade mine sou maido, “Amutou ma paaaliali lei a vatu mine sou. Me amutou ma goligoli lei a aualana vavasana ane sou mina lapualena vatu mine sou. Namutou damutale maido a mapane amutou ei mapigogoi e amutou.”

Malongolongona Kubaana mine Iesu Luk ei niage 3:14 Iomraidhean Croise

Matiu 8:5

Iesu ei gali ulilo ne Kapenaum, ma munuganuga na vanua na maubina mine sou e Rom ei asu maino mei tagi sagali e Iesu maido,

Malongolongona Kubaana mine Iesu Luk ei niage 19:8

Me Sakius i magili mei vei le Bibi Taula maido, “Bibi Taula, oo longe. Seidei eau na soebule a golugolu vuso minau na avena ni lua mea bilii a avena tasa usino ne sou a kapelabena vanunua. Me mane eau auala ana bibi tasa mea paaali a golu tasa minei, de eau na maliu usino ne ei maiva vululu lou.”

Malongolongona Kubaana mine Iesu Luk ei niage 3:10

Vanunua ma tavivine sou longe a inade mine Ioanes, me sou tagi e ei maido, “Namiteu goli a sava?”

Malongolongona Kubaana mine Iesu Luk ei niage 3:13

Me ei vei le sou maido, “Namutou guale bilesi savuluna vatu tomane a vanunua na niitealena avena sou vei le amutou, me amutou ma lapualale lei sanii lou.”

Aposel 10:7

Bineanea i bilii a inade usino ne Konilius pulu mei asu. Me Konilius tole a bibi na pipigona lua minei pilu a bibi na maubina tasa i ogomuli a inigogona mine Salemo.

Pilipai 2:15

Mane amutou goli maido, ne amutou palea natatune Salemo bilesi, me namutou ma isa oto a mumuguna ue a inigogona pagu. Ne amutou lapitole obi a inade ei isa a maulina, me ne amutou muina tomane a muada balivua na abuna vanunua ma tavivine mina magamaga ie, ede sou a abuna sou litase a inigogona bilesi, me sou goli a inigogona pagu makuba. Maido me na malada Krais i vavasa ana vanunua ma tavivine, eau na mongemonge sele a inigogona mine amutou, me eau na muada i maido, pipigona sagali vuso eau goli balivua ne amutou, ede eau ma goli sabubi ete.

Pilipai 4:11

Ea ma boto oto a golu tasa, mea vei a inade ie. Boa. Eau muadasi a lilomeana, me golu tasa boa sei matana golu i palea le eau.

Taitus 2:3

Mo no vei le sou a tavivine buobuo tamai ne sou asu na inigogona Salemo i kale. Ne sou ma adegegeligeli lei sou sanii. Me ne sou ma inu mamaumau lou, moni ne sou matetengi e sou sanii a inigogona doana.

Inade i Ovu 12:10

Me na langi eau longe a baligoluna bibi tasa ei tola sagali maido, “Seidei Salemo mine eitou ei gualeliuosi e eitou, ma sagagalina ma niitealalena minei ei palea muadasi. Me Bibi minei, sou tole e Krais, ei gualesi a nilongo ma sagagalina. Vuna, bibi na niubina inade ei vavasa ane tamtamaine eitou na matane Salemo mine eitou na oaso me na lodo, moni seidei sou a bineanea sou langesi ei utano.