Malongolongona Kubaana mine Iesu Luk ei niage 3:1 - Laulau na Vinalu mine Salemo

¹ Na avala savulu tasa timana lima mine Sisar Taiberius ei ino a mapana mine Rom, e Pontius Pailat ei ino munugana mina niitealena avena buo ne Iudia. Na ilala do Herot ei muge a avena mine Galili. Me tasine ei e Pilip ei muge a avena ne Ituria me Trakonitis, me Lisanias ei muge a avena ne Abilene.

Malongolongona Kubaana mine Iesu Luk ei niage 3:1 Iomraidhean Croise

Matiu 14:1

Na ilala do Herot a mapana, ei itealale a avena buo, ei longe a mapamulina na golugolu Iesu ei goli

Matiu 14:3

Lisa Herot ei tavui e Herodias, ei e susune Pilip, tasine Herot. Me Ioanes ei vei le Herot maido, “Oo guale a tavine ieli, ei ma bilesi oto.” Maido me Herot ei lapitole Ioanes mei papale ei mei tau e ei na luma na tunuui.

Matiu 14:6

Na damutaleliuna alaposana mine Herot, vanua sanii sou asu maino me sou aani pilu e Herot. Me na ilala do natuna tavine mine Herodias ei asu mei tilia balivua ne sou. Me Herot ei kale sele a tiliana minei.

Matiu 22:17

Maido me oo no vei le amiteu. Oo damutale matina? Ei puiale ne eitou iabi a vatu usino ne Sisar ue boa?”

Matiu 27:2

Me mulimuli sou papale ei a mota me sou maasi e ei usino ne Pailat, ei a munugana bibi ei iteale a avena.

Malongolongona Kubaana mine Iesu Mak ei niage 6:17

Lisa Herot ei tavui e Herodias, susune Pilip, tasine Herot. Me Ioanes ei vei le Herot maido, “Oo guale susune tasimu, ei ma puiale ete.” Maido me Herot i peltase a vanua usino ne sou saavi e Ioanes, me sou papaletole ei a sen me sou tau ei na luma na tunuui.

Malongolongona Kubaana mine Iesu Mak ei niage 6:21

Mulimuli Herodias ei poge a vea maido. Herot ei goli a inani taula mina damutalena alaposana minei. Ei goli a inani taula ane sou a vanua sou buloi e ei a niitealena avena buobuo minei, me mine sou a munuganugana vanua na maubina, me mine sou a vanua buobuo mina avena buobuo e Galili.

Malongolongona Kubaana mine Iesu Luk ei niage 13:31

Na ilala bilesi iodo e Parisi sanii sou asu, me sou vei le Iesu maido, “Oo no ilisitase a aubu ieli, vuna maido Herot ei kale ni valipute oo.”

Malongolongona Kubaana mine Iesu Luk ei niage 2:1

Na ilala dolo Sisar Ogastus ei tau a binea tasa usino ne sou ne sou niage a aisaisa ne sou a vanunua ma tavivine vuso lilo ne Rom.

Malongolongona Kubaana mine Iesu Luk ei niage 23:24

Maido me Pailat ei longemuli a inade mine sou, me ei longo e Iesu ni mate.

Malongolongona Kubaana mine Iesu Luk ei niage 3:19

Ioanes ei adesinoa ane Herot a munugana niitealena avena na inigogona pagu ei goli le Herodias, ei e susune tasine Herot, me na inigogona sanii pagu lou Herot i goli tamai.

Malongolongona Kubaana mine Iesu Luk ei niage 9:7

Mapana mina avene Iuda e Herot ei longe a inade na golugolu vuso Iesu ei goli, me ei damutala papai, vuna maido vanunua sanii sou adeade maido, “Ioanes ei ilisiliu na minate.”

Aposel 23:26

Eau e Klodius Lisias, eau niage a laulau ieli usino na bibi buo, oo a munugana bibi ei iteale a avena vuso, oo Peliks. Oaso kubaana sele.

Aposel 24:27

Avala lua i pulosi, me Porsius Pestus ei adevuse Peliks. Moni Peliks ei kale ni toemongemonge sou e Iuda, maido me ei litase Pol muina na luma na tunuui.

Aposel 26:30

Io mapana pilu a munugana bibi ei iteale a avena vuso me Bernaisi me sou a vanunua ino pilu e sou, sou magili

Aposel 4:27

Patotona sele, Herot me Pontius Pailat su pilu e sou a vanunua ma tavivine mina abuna sea me sou e Israel, sou viepilu ve ne sou tau e Iesu utano, a maolona bibi na pipigona minio oto, lisa oo vileale ei ve ni goli a pipigona minio.