Malongolongona Kubaana mine Iesu Luk ei niage 21:25 - Laulau na Vinalu mine Salemo

²⁵ “Na ilala do matamatana matailala ni palea na oaso, me na game me ne sou a mataidoido. Me na magamaga a abuna vanua vuso ne sou damutala papai me ne sou mamau sele, vuna ne sou longe a tagumuna buo i pusi na dasi.

Malongolongona Kubaana mine Iesu Luk ei niage 21:25 Iomraidhean Croise

Matiu 24:29

“Ilala mina mavaana buo sou ieli i pulu, ‘io saga i a oaso ni palea tunuui, ma game ni ma silida oto lou, ma mataidoido ne sou ilisitase a langi me sou pu utano, ma golugolu sou sagali ino na langi ne sou palili.’

Matiu 27:45

Na matailala savulu tasa timana lua na oaso, tunuui ei avisobe a magamaga vuso, i asu mapigogoi na matailala tolu na lavilavi.

Malongolongona Kubaana mine Iesu Mak ei niage 13:24

“Ilala a mavaana taula iedo i pulosi, ‘na malada do oaso ni lodoalo, ma game ei ni ma silida oto,

Malongolongona Kubaana mine Iesu Mak ei niage 13:26

“Me na ilala iedo a vanunua ma tavivine ne sou ite Natuna Bibi ei ino na ausa mei asu pilu a sagagalina taula ma malasana taula minei.

Malongolongona Kubaana mine Iesu Mak ei niage 15:33

Mina matailala savulu tasa timana lua mina oaso, tunuui i avisobe a magamaga vuso pea na matailala tolu mina lavilavi.

Malongolongona Kubaana mine Iesu Luk ei niage 21:24

Sou a butu ne sou asu usinani me ne sou valipute sou. Me ne sou maasi e sou usino ne sou ugu na luma na tunuui na aubu buo vuso na magamaga. Ma vanunua mina abuna sea, ne sou soetotole Ierusalem i mapigogoi na ilala Salemo i matoale e sou a abuna vanua sea ne sou iteale Ierusalem ni pulu.

Malongolongona Kubaana mine Iesu Luk ei niage 21:26

Na ilala a vanunua sou damutatale a golugolu ni palea na magamaga, ne sou bosa a nilaena, vuna a golugolu sagali mina langi ni vuvule.

Aposel 2:19

Eau na goli a golugolu sea ei ni palea muata na langi, me eau na goli a gona sinaganaga na magamaga tomane a matailala mina malada do. Daladala ma oavi ma muo taula ne sou palea.

Inade i Ovu 20:11

Io eau ite a niugugu a mapana i keakea me buo ino, me eau ite a bibi ei ugu na niugugu odo. Ma magamaga pilu a langi sulu oavetase ei, me sou ino boasi.