Malongolongona Kubaana mine Iesu Luk ei niage 21:23 - Laulau na Vinalu mine Salemo

²³ Maule sou a tavivine sou tiana ma tavivine sou masususi a mongomongo, vuna maido ilala do a mavaana buo sele ni palea na magamaga ieli, ma lilotivulana mine Salemo ni tabuli muata na abuna vanunua ma tavivine sou odo.

Malongolongona Kubaana mine Iesu Luk ei niage 21:23 Iomraidhean Croise

Matiu 21:16

Me sou tagi e Iesu maido, “Nane oo longe a inade sou adeade iedo?” Me Iesu ei maliu a inade ne sou maido, “E, nane amutou ma gi ete a inade do, ‘Sou selebanini me sou a mongomongo sou beilangelange a aisamu.’”

Matiu 21:41

Me sou a munugana prist ma vanua buobuo mine sou e Israel sou vei lei maido, “Ei ni toegegeli sele sou a vanunua pagu odo mei ni iabipole a mauma na vain usino na abuna sanii ne sou bilii liu e ei a tinaunau na ilala mina gualena gona inani.”

Matiu 21:44

Ma bibi ei bosa muata na vatu odo, a vatu do ei ni valilote vuse ei. Mane a vatu do i pu muata na bibi tasa, vatu ei ni valimolemole ei.”

Matiu 24:19

Maule sou a tavivine sou tiana me sou a tavivine sou masususu na ilala do!

Malongolongona Kubaana mine Iesu Mak ei niage 13:17

Maule sou a tavivine sou tiana me sou masususi e sou a mongomongo na ilala iedo.

Malongolongona Kubaana mine Iesu Luk ei niage 19:27

Moni a vanunua sou butuale eau odo, sou ma kale ete eau na ugu a mapana mine sou, amutou guale sou usinani na, me mu valiputemate sou na matane eau.’”

Malongolongona Kubaana mine Iesu Luk ei niage 19:43

Oo longe. Mulimuli a ilala tasa ni palea, me sou a butu minio ne sou taupilipili a magamaga i saiili a bigomu taula minio, me ne sou bigomusobe sele oo na avena vuso.

Malongolongona Kubaana mine Iesu Luk ei niage 23:29

Longe! A ilala tasa ni palea me ne sou vei maido, ‘Tavivine sou ma mapigogoi ete ne sou tiana, me sou ma vasusu oto, ma sou ma masusi ete, ne sou mongemonge.’

1 Korin 7:26

Na ilala seidei ie sou a mavaana buobuo i palealea, maido me i puiale ne amutou vuso mu ugu tomane amutou ugu seidei.

1 Tesalonaika 2:16

Sou magilisobesobe a vea mine amiteu, ne amiteu ma mapigogoi ete namiteu malongo ane sou a vanunua ma tavivine na abuna sea, vuna sou ma kale ete Salemo ei ni gualeliu a vanunua ma tavivine sou odo. Maido me taliuliu sou goligoli a sinusu mine sou ni palea buo mamau lou i mapigogoi a sinoana mine Salemo i paleasi ne sou.

Hibru 13:16

Namutou ma danivusevuse lei a gunolina inigogona doana usino ne sou sanii ma biliina golu sanii mine amutou mina buloine sou so boto a golugolu. Salemo ei mongemonge sele a matana niabi do.

Iemus 5:1

Seidei eau isa a inade usino ne amutou a vuvutina. Amutou ne mu damutale a mavaana buo ei ni palea le amutou, me namutou tangi mamau sele.

1 Pita 4:17

Ilala Salemo ei mailisi a vavasana ane eitou a abuabuna minei oto, ei paleasi. Me mane a vavasana ei soke ne eitou pala, io ei ni pulu matina na vanunua sou saukiki a malongolongona kubaana mine Salemo?