Malongolongona Kubaana mine Iesu Luk ei niage 20:6 - Laulau na Vinalu mine Salemo

⁶ Me mane eitou vei, ‘Ei a golu mina vanunua moni,’ io vanunua vuso ne sou ubi e eitou a vatu, vuna maido sou silimuli sagali maido Ioanes ei a profet.”

Malongolongona Kubaana mine Iesu Luk ei niage 20:6 Iomraidhean Croise

Matiu 11:9

Moni vuna matina amutou asu? Mina niitena profet, io? Iede moni. Me eau vei le amutou, ei vululusi sele a profet sanii.

Matiu 14:5

Me Herot ei kale ni valipute Ioanes, moni ei lae e sou a vanunua ma tavivine, vuna sou damu e Ioanes ei a profet.

Matiu 21:26

Me mane eitou vei, ‘Ei a golu mina vanua moni,’ io ne eitou lae e sou a vanunua ma tavivine, vuna sou vuso sou damu e Ioanes ei a profet ivu.”

Matiu 21:46

Moni ilala sou kale sele ne sou lapitole e Iesu, sou lae a vanunua ma tavivine, vuna vanunua ma tavivine sou damu i e Iesu ei a profet.

Matiu 26:5

Moni e sou vei maido, “Neitou ma goligoli lei a golu ie na malada buo mina kinaka. Dae a vanunua ma tavivine ne sou ite me ne sou mailisi a maubina.”

Malongolongona Kubaana mine Iesu Mak ei niage 12:12

Sou kale sele ne sou lapitole e Iesu, vuna maido sou muadasi i, Iesu ei ubi a adetinovona usino ne sou moni. Moni sou lae a vanunua ma tavivine. Maido me sou ilisitase ei me sou asu.

Malongolongona Kubaana mine Iesu Luk ei niage 1:76

Me oo natugu, mulimuli ne sou tole oo a profet mine Salemo oata oto sele. Oo no muga pala ane Bibi Taula, mina masusuluna vea minei.

Malongolongona Kubaana mine Iesu Luk ei niage 20:5

Io sou maiademuli i balivua ne sou oto maido, “Mane eitou vei, ‘Ei a golu mina langi,’ ei ni vei, ‘Posa matina amutou ma silimuli ete ei?’

Malongolongona Kubaana mine Iesu Luk ei niage 20:7

De, sou vei lei maido, “Amiteu ma muada oto sei bilii e ei sagagalina ie.”

Malongolongona Kubaana mine Iesu Luk ei niage 7:30

Moni sou e Parisi ma vanua na muadana binea sou lametase a vea doana mine Salemo, me sou ma guale ete a maavuvutuna ne Ioanes.

Ioanes 10:41

Ma vanunua makuba sou asuale ei. Me sou vei maido, “Ivu, Ioanes ei ma goli ete a gona sinaga tasa, moni a inadenade vuso Ioanes ei goli ane a bibi ie, ei patotona moni.”

Aposel 5:26

Maidolo me munuganuga pilu e sou a papai sou asu me sou maasi e sou a aposel usinani. Moni sou ma goli ete a golu tasa usino ne sou. Boa. Sou lae, dae a vanunua ma tavivine ne sou ubi e sou a vatu.