Malongolongona Kubaana mine Iesu Luk ei niage 2:1 - Laulau na Vinalu mine Salemo

¹ Na ilala dolo Sisar Ogastus ei tau a binea tasa usino ne sou ne sou niage a aisaisa ne sou a vanunua ma tavivine vuso lilo ne Rom.

Malongolongona Kubaana mine Iesu Luk ei niage 2:1 Iomraidhean Croise

Matiu 22:17

Maido me oo no vei le amiteu. Oo damutale matina? Ei puiale ne eitou iabi a vatu usino ne Sisar ue boa?”

Matiu 24:14

Me ne sou ademuada a malongolongona kubaana mina niitealalena mina langi iedo na avena vuso mina magamaga, na abuna vanunua ma tavivine vuso ne sou longe, me na tauluna moni ie, a punuluna malada ei ni palea.

Malongolongona Kubaana mine Iesu Mak ei niage 14:9

Eau vei patotona le amutou, na aveavena magamaga vuso sou asuale me sou malongo a malongolongona kubaana, ne sou ade tamai a golu a tavine ieli ei goli, me ne sou damutaletale ei.”

Malongolongona Kubaana mine Iesu Mak ei niage 16:15

Me ei vei le sou maido, “Amutou mu asu usino na aveavena vuso na magamaga me mu malongo a malongolongona kubaana usino na vanunua ma tavivine vuso.

Malongolongona Kubaana mine Iesu Luk ei niage 2:3

Maido ma vanunua ma tavivine vuso sou asu usino na vuna aubu mine sou mina niagena aisaisane sou.

Malongolongona Kubaana mine Iesu Luk ei niage 2:5

Ei asu pilu e Maria, ne sou niage a aisane sulu. Me na ilala do Maria ei saaavu.

Malongolongona Kubaana mine Iesu Luk ei niage 3:1

Na avala savulu tasa timana lima mine Sisar Taiberius ei ino a mapana mine Rom, e Pontius Pailat ei ino munugana mina niitealena avena buo ne Iudia. Na ilala do Herot ei muge a avena mine Galili. Me tasine ei e Pilip ei muge a avena ne Ituria me Trakonitis, me Lisanias ei muge a avena ne Abilene.

Aposel 11:28

A profet tasa sou tole e Agabus, ei magili me na sagalina Maolona Nunu ei veipale a vitolona buo ni palea mina avena vuso na magamaga. Me mulimuli, ilala Sisar Klodius i ugu a mapana, vitolona dolo i palea.

Aposel 25:11

Mane eau goli a sinusu tasa mapigogoi eau na mate i, de eau na mate. Moni mane a inade sou vavasa agu i, ei ma patotona oto, io bibi tasa ei ma mapigogoi ete ni tau eau na limane sou. Eau kale e Sisar oto ni longe a vavasana minau.”

Aposel 25:21

Moni Pol ei vei maido, ei ni muina na luma na tunuui, me mulimuli e Sisar oto ni longe a vavasana minei. Maido me eau vei lei ei ni muina mina luma na tunuui, mapigogoi eau na poge a vea mina peltasene ei usino ne Sisar.”

Laulau Pol ei niage usino ne sou e Rom 1:8

Palapala, na aisane Iesu Krais eau toledadangi e Salemo ane amutou vuso, vuna na avena magamaga vuso vanunua sou mapamulimuli a silimulina sagali mine amutou.

Pilipai 4:22

Vanunua ma tavivine vuso mine Salemo sou vate oaso kubaana ane amutou, me sou a abuna sou pipigo na luma mine Sisar sou vei sagali le eau na vate oaso kubaana usino ne amutou.