Malongolongona Kubaana mine Iesu Luk ei niage 19:47 - Laulau na Vinalu mine Salemo

⁴⁷ Me na malada vuso ei matetengitengi a vanunua lilo na luma mine Salemo. Ma munugana prist, ma vanua na muadana binea, ma munuganuga na vanunua ma tavivine, sou tilo a vea mina valiputene ei.

Malongolongona Kubaana mine Iesu Luk ei niage 19:47 Iomraidhean Croise

Matiu 21:23

Iesu ei gali ulilo na luma mine Salemo mei matetengi e sou a vanunua ma tavivine. Me sou a munugana prist pilu e sou a vanua buobuo mine sou e Israel sou asuale ei me sou tagi e ei, “Oo guale a aisa buo ieli iva me oo goli a golugolu sou ie? Sei bilii e oo a aisa buo iede?”

Matiu 26:55

Na ilala moni odo Iesu ei vei ana abuna vanunua do maido, “Amutou guale a viso na maubina ma butu, me amutou asu usinani mina lapitolene eau tomane amutou kale namutou lapitole a bibi na lilimana tasa, io? Maladalada vuso eau ugu lilo na luma mine Salemo me eau matetengi a vanunua ma tavivine, moni amutou ma kale ete namutou lapitole eau na ilala do.

Malongolongona Kubaana mine Iesu Mak ei niage 11:18

Sou a munuganuga mina prist pilu e sou a vanua na muadana binea sou longe a inade do, me sou soke a punogena vea mina valiputene Iesu. A vuna, sou a vanunua ma tavivine sou saga mamau a inade Iesu ei langelange, maido me sou lae e ei.

Malongolongona Kubaana mine Iesu Mak ei niage 12:12

Sou kale sele ne sou lapitole e Iesu, vuna maido sou muadasi i, Iesu ei ubi a adetinovona usino ne sou moni. Moni sou lae a vanunua ma tavivine. Maido me sou ilisitase ei me sou asu.

Malongolongona Kubaana mine Iesu Mak ei niage 14:1

Tauluna malada lua, Malada na Asuleletasena me a Malada Buo mina ulalu a is boa ni palea. Me sou a munuganuga mina prist me sou a vanua na muadana binea sou vei maido, “Neitou auala ane Iesu me neitou lapitole ei me neitou valipute ei matina?”

Malongolongona Kubaana mine Iesu Mak ei niage 14:49

Maladalada vuso eau pilu e amutou lilo na luma mine Salemo, me eau matetengi e sou a vanunua ma tavivine, amutou ma kale ete ne mu saavi eau na malada iodo. Moni muina, inade ino na Laulau mine Salemo ei ni palea ivu.”

Malongolongona Kubaana mine Iesu Luk ei niage 19:48

Moni sou ma poge ete a vea tasa mina valiputene ei, vuna vanunua ma tavivine vuso sou sagali mamau sele a nilongena inade minei.

Malongolongona Kubaana mine Iesu Luk ei niage 20:19

Sou a vanua na muadana binea me sou a prist sou muada i Iesu ei ubi a adetinovo iedolo usino ne sou. Maido me sou kale ne sou saavi e ei. Moni sou lae a vanunua ma tavivine, maido me na ilala iedo sou ilisi bula moni.

Ioanes 10:39

Sou kale ne sou saavi lei ei, moni ei pololeletase sou mei asu.

Ioanes 18:20

Me Iesu ei adeliu ane ei maido, “Eau veimuade a inade usino na vanunua ma tavivine na avena vuso sou e Iuda sou viepilupilu i. Taliuliu eau matetengitengi e sou a vanunua ma tavivine lilo mina luma na kinaka mine sou e Iuda ue lilo na luma mine Salemo. Eau ma goli ete a inade tasa na avena i ovu.

Ioanes 7:19

Moses i bilii a binea usino ne amutou. Moni a bibi tasa boa balivua ne amutou ei ogomuli a binea do. Posa matina amutou kale namutou valipute eau?”

Ioanes 7:44

Sanii sou kale ne so papale bubuli ei, moni a bibi tasa ei ma sautole ete ei.